Sætar sumarsnittur með rjómaosti
Uppskrift: Gott í matinn
„Þessar snittur koma svo skemmtilega á óvart og eru fullkomnar á veisluborð með köldum drykk. Sætur rjómaostur er stjarnan á þessum snittum og passar einstaklega vel með ferskum ávöxtum, myntu og límónu.“
Hráefni
- 1 stk. stórt snittubrauð
- smjör eftir þörfum
- 1 askja jarðarber
- 15 stk. græn vínber
- 1 stk. mangó, vel þroskað
- 200 g hreinn rjómaostur frá MS
- 1 msk. flórsykur
- 1 tsk. vanilludropar
- 2 msk. sykur
- 1 stk. límóna
- Nokkur fersk myntulauf
Aðferð
- Skerið snittubrauðið í þunnar sneiðar og steikið upp úr smjöri á pönnu þar til fallega gyllt báðu megin. Raðið á disk og látið kólna.
- Skerið ávextina mjög smátt og blandið saman í skál.
- Rífið börkinn af einni límónu og setjið í skál ásamt sykri og nokkrum smátt söxuðum myntublöðum. Blandið þessu vel saman.
- Blandið saman rjómaosti, flórsykri og vanilludropum.
- Smyrjið u.þ.b. 2 tsk. af rjómaostinum á hverja snittu.
- Dreifið ávaxtablöndunni yfir og toppið loks með límonu, myntusykrinum og skreytið með myntublaði.
- Berið fram strax.
Þessar mjúku og gómsætu „donut holes“ eru ótrúlega einfaldar og þurfa aðeins örfá hráefni. Þær eru fylltar með GOOD GOOD hindberjasultu og bakaðar annaðhvort í air fryer eða ofni þar til þær verða fallega gullinbrúnar.
Dagarnir eru stuttir, morgnarnir annasamir og þá er fátt betra en að eiga krukku af tilbúnum hafragraut sem bíður í ísskápnum. Með Turtle Chocolate & Banana hafragrautsblöndunni verður þetta einstaklega einfalt, þar sem grauturinn er þegar bragðbættur, næringarríkur og hollur. Hafragrautsblandan er lífræn og 100% náttú
