Fljótlegt sítrónupasta
Einfalt, fljótlegt og ofur gómsætt sítrónupasta sem klikkar ekki
Uppskrift
Hráefni
- 300-400 g spaghetti frá De Cecco
- Ólífuolía
- 3 skarlottulaukar
- 2 hvítlauksrif, pressuð
- 150 g kastaníusveppir
- 150 g venjulegir sveppir
- 100 g spínat
- 1 pkn Philadelphia rjómaostur
- 1 sítróna
- 1 dl steinselja, smátt söxuð
- 1 dl parmigiano reggiano, rifinn
Leiðbeiningar
- Byrjið á því að sjóða spaghetti samkvæmt leiðbeiningum.
- Á meðan útbúið þið sósuna. Skerið sveppi og skarlottulauk og rífið sítrónubörkinn.
- Steikið skarlottulaukinn og hvítlaukinn upp úr ólífuolíu.
- Bætið sveppunum við og steikið þar til þeir hafa aðeins mýkst.
- Því næst bætið þið við spínati og blandið saman.
- Hrærið rjómaostinum út í ásamt safa úr einni sítrónu, sítrónuberki, steinselju og parmigiano. Saltið og piprið eftir smekk.
- Blandið spaghettinu saman við sósuna og berið fram með rifnum parmigiano og steinselju.
Uppskrift fengin frá
Gerum Daginn Girnilegan / eftir Hildi Rut á trendnet.is
Það er svo ótrúlega sniðugt að henda í eitt stykki bananabrauð þegar maður á nokkra banana sem eru komnir vel á tíma. Þessi uppskrift er einföld og æðislega góð!
Þessar pönnukökur eru mjúkar og dásamlega góðar. Þær eru fullkomnar á sunnudagsmorgni eða í kaffitímanum ef mann langar í eitthvað gott í hollari kantinum. Uppskrift sem þið verðið að prófa!
