Fréttir & fróðleikur

Spagettí með burrata

Mon, 20 Apr 2026 09:15:32 GMT

Spagettí með burrata

Uppskrift : Gott í matinn

Hérna erum við búin að færa sígildan rétt í sannkallaðan sparibúning og ljúffengar burrata kúlurnar gera góðan rétt enn betri. Nú er tími til að njóta!

Hráefni

400 g spagettí
1⁄2 stk. laukur
4 stk. hvítlauksrif
350 g kirsuberjatómatar
1 dós hakkaðir tómatar (um 400 g)
150 ml rjómi frá Gott í matinn
3 msk. söxuð basilíka (og meira til skrauts)
ólífuolía
salt og svartur pipar
balsamik gljái
3 stk. burrata kúlur

Aðferð

Sjóðið spagettí í söltu vatni þar til það er al dente.
Saxið laukinn smátt og steikið í nokkrar mínútur upp úr ólífuolíu eða þar til hann mýkist.
Rífið þá hvítlaukinn saman við og steikið áfram.
Hellið kirsuberjatómötunum saman við.
Eldið við meðalhita þar til tómatarnir byrja að springa en þá má bæta hökkuðum tómötum úr dós og rjóma á pönnuna og leyfa að malla í nokkrar mínútur, krydda til eftir smekk og bæta saxaðri basiliku saman við.
Blandið spagettínu saman við sósuna og hrærið vel.
Berið fram með burrata osti, balsamik gljáa og ferskri basiliku.

Hægeldaðir lambaskankar í rauðvínssósu

Fri, 27 Mar 2026 10:44:48 GMT

Hægedaðir lambaskankar í rauðvínssósu

Uppskrift : Linda Ben

Þessi hægelduðu lambaskankar eru hrein snilld – safaríkir, bragðmiklir og fullkomnir með kartöflumús.

Hráefni

4 lamba skankar
Salt og pipar
Steikingarolía
1 rauðlaukur
6 frekar litlar ísl gulrætur
100 g sveppir
1 paprika
7-8 hvítlauksgeirar
1 dós hakkaðir tómatar
1 kúfuð tsk tómatpúrra
2 dl bragðmikið rauðvín
1 l vatn
3 tsk fljótandi nautakraftur
3 tsk fljótandi kjúklingakraftur
3 greinar ferskt timjan
6 greinar ferskt rósmarín

Aðferð

Kryddið lambaskankana með salti og pipar, steikið á heitri djúpri pönnu/potti upp úr olíu á öllum hliðum til að loka kjötinu. Takið kjötið af pönnunni.
Skerið rauðlaukinn og steikið létt, skerið gulræturnar niður og bætið þeim á pönnuna, skerið sveppina og paprikuna og bætið á pönnuna. Pressið hvítlauksgeirana út á pönnuna og steikið létt.
Setjið hakkaða tómata og tómatpúrru á pönnuna og blandið öllu vel saman.
Bætið 2 dl af bragðmiklu rauðvíni á pönnuna ásamt vatni, nautakrafti og kjúklingakrafti. Náið upp suðu og bætið svo lamba skönkunum út í ásamt ferskum kryddjurtum, setjið lokið á pottinn og leyfið að malla í 2 klukkutíma.
Takið lokið af pottinum og leyfið að malla rólega í 30 mín í viðbót.
Hér er hægt að taka pásu og leyfa pönnunni að bíða yfir nótt í ísskáp eða halda beint áfram.
Takið kjötið upp úr pönnunni og geymið á disk undir álpappír. Sjóðið sósuna í u.þ.b. 15 og kryddið hana til með salti og pipar. Það er smekksatriði hvort þú viljir setja töfrasprota ofan í sósuna og aðeins mauka grænmetið í nokkrar sek, en það er líka hægt að sleppa því.
Berið lambaskankana fram með kartöflumús og sósunni, fallegt að skreyta með fersku timjan.

Lambalæri með sinnepsrjómasósu og kartöflugratíni

Fri, 13 Mar 2026 13:45:22 GMT

Lambalæri með sinnepsrjómasósu og kartöflugratíni

Uppskrift : Gott í matinn

Hráefni og aðferð fyrir lambalæri, kartöflugratí og sinnepsrjómasósu

Það er alltaf svo sparilegt að bera fram lambalæri við hátíðleg tækifæri og ótal margar leiðir er hægt að fara hvað varðar útfærslur á eldun þeirra. Hér marinera ég lærið í franskri sinnepsdressingu sem innblásin er af Juliu Child, sem var alger sérfræðingur þegar kom að franskri matargerð. Frakkarnir eru þó ekki alveg jafn mikið sósufólk og við Íslendingar svo ég útbjó einfalda sinnepsrjómasósu til að hafa með kjötinu og alveg stórkostlegt kratöflugratín þar sem ég nota einnig Dala höfðingja til að gera það enn meira djúsí og gott. Fullkomin máltíð þegar á að gera vel við sig og sína!

Hráefni f. lambalærið

1 1/2 lambalæri án mjaðmabeins
120 g dijon sinnep (t.d. venjulegt og gróft til helminga)
60 ml ólífuolía
1 msk. sojasósa
1 msk. ferskur sítrónusafi
3 stk. hvítlauksrif
1 1/2 msk. ferskt rósmarín, saxað
1/2 tsk. svartur pipar

Aðferð

Setjið sinnep, ólífuolíu, sojasósu, sítrónusafa, rósmarín og svartan pipar saman í krukku eða ílát sem hentar undir töfrasprota.
Blandið allt vandlega saman með töfrasprota þannig að áferðin minni á majónessósu.
Skolið og þerrið lærið. Skerið umframfitu af lærinu.
Takið um 2 msk. af marineringunni fyrir sósuna og smyrjið restinni af henni á lærið og látið marinerast í að minnsta kosti 2-3 tíma eða jafnvel yfir nótt.
Hitið ofninn í 175°C og stingið kjöthitamæli í þykkasta hlutann.
Bakið lærið í ofninum þar til kjarnhiti nær 68°C sem er miðlungssteikt. Takið það þá út og látið það hvíla í um 15 mínútur áður en það er skorið svo það fái að jafna sig.

Hráefni f. kartöflugratín

Olífuolía
8 stk. kartöflur, meðalstórar
1/2 stk. sæt kartafla
2 stk. gulrætur, stórar
1 stk. laukur, meðalstór
2 stk. hvítlauksrif
1 stk. Dala Höfðingi
1 tsk. sjávarsalt
1/2 tsk. svartur pipar
1 tsk. þurrkað timían
2 tsk þurrkuð steinselja
200 ml grænmetissoð
100 ml nýmjólk
250 ml rjómi frá Gott í matinn
Rifinn pizza- eða gratínostur, eftir smekk..

Aðferð

Hitið ofninn í 175°C blástur.
Penslið steypujárnspönnu eða eldfast mót með ólífuolíu.
Skerið kartöflur, sætu kartöfluna og gulrætur í þunnar sneiðar. Ef þið eigið mandólín er gott að nota það. Skerið Dala Höfðingja í sneiðar.
Saxið laukinn í mátulega bita og saxið hvítlaukinn smátt.
Setjið grænmetið í skál og dreifið örlitlu af ólífuolíu yfir, um það bil hálfri matskeið. Kryddið grænmetið og veltið í skálinni, gott er að nota tvær skeiðar til að hjálpa til við verkið.
Raðið grænmetinu sitt á hvað á pönnuna og stingið ostsneið inn á milli með passlegu millibili. Passið að laukurinn fari líka með grænmetinu og stráið svo restinni af honum úr skálinni yfir grænmetið.
Blandið saman grænmetissoði, mjólk og rjóma og hellið yfir grænmetið. Hyljið pönnuna eða fatið með álpappír.
Bakið gratínið í 50 mínútur. Takið þá gratínið út og stráið osti yfir og bakið áfram í 10-15 mín.
Gratínið er tilbúið þegar grænmetið er mjúkt í gegn og osturinn orðinn gylltur og fallegur.

Hráefni fyrir sinnepsrjómasósu

1 msk. smjör
1/2 stk laukur, smátt saxaður
300 ml lambasoð
2 msk. smávegis af marineringunni
1 tsk sojasósa
250 ml rjómi frá Gott í matinn
Salt og pipar eftir smekk
Sósujafnari
Sósulitur, ef vill.

Aðferð

Bræðið smjörið í potti og setjið laukinn út í. Steikið laukinn þar til hann er farinn að gyllast, gott er að nota frekar vægari hita svo laukurinn brenni ekki.
Setjið lambasoð saman við ásamt marineringu og sojasósu.
Soðið getur verið vatn sem er soðið upp í ílátinu af lambinu en má einnig vera vatn og teningur.
Mér finnst gott að setja 1 tsk. í einu af marineringunni og smakka til. Sjóðið niður soðið um 1/3.
Bætið við salti og pipar eftir smekk og setjið smávegis af sósujafnara og sósulit ef þið viljið fá sósuna þykkari og dekkri, þessu má þó alveg sleppa.
Berið sósuna fram með lambalærinu og kartöflugratíninu.

Páskasúkkulaðimús

Fri, 13 Mar 2026 13:29:03 GMT

Páskasúkkulaðimús

Uppskrift : Gerum daginn girnilegan

Fyrir 8 skálar

Hráefni

400 g Milka Apline Milk súkkulaði
100 g smjör
70 g flórsykur
4 egg
1/2 léttþeyttur rjómi

Skraut

2 pokar Cadbury Mini Eggs
2 dl þeyttur rjómi

Aðferð

Þeytið saman egg og flórsykur þar til það er létt og ljóst
Bræðið Milka súkkulaði og smjör saman í vatnsbaði.
Hellið súkkulaðiblöndunni varlega út í eggin.
Blandið að lokum þeytta rjómanum við.
Hellið blöndunni í falleg glös.
Kælið í a.m.k. 4 klst - Helst yfir nótt.
Takið út og skreytið með þeyttum rjóma og Cadbury Mini Eggs.

Bolla ársins

Fri, 13 Feb 2026 10:57:33 GMT

Bolla ársins

Uppskrift : Gotteri.is

10-14 bollur

Bolla Ársins

250 ml vatn
125 g smjör
125 g hveiti
4 egg

Aðferð

Stillið ofn á 180°c. Setjið vatn og smjör í pott og leyfið smjörinu að bráðna. Takið pottinn af hitanum og hrærið hveitinu saman við þar til deigið er orðið einn massi, kælið deigið örlítið. Setjið deigið í hrærivélarskál og bætið eggjunum út í einu í einu og hrærið vel á milli. Setjið deigið þá í sprautupoka og sprautið bollur á smjörpappírsklædda plötu, eða notið tvær teskeiðar til setja deigið á plötuna. Bakið í 18-20 mínútur. Ef þið viljið hafa bollurnar stærri þá er tíminn aukinn í samræmi við það.

Fylling

½ pk Eitt sett Royal búðingur
250 ml mjólk
250 ml rjómi
Piparfylltar lakkrís reimar

Aðferð

Blandið saman Eitt sett búðing með mjólk og hrærið vel saman, kælið. Þeytið rjómann og gott er að setja hann í sprautupoka en ekkert mál að setja á bolluna með skeið líka. Skerið niður lakkrís reimarnar í u.þ.b. cm bita.

Takið bollurnar og skerið þær í tvennt. Ég mæli með Nusica súkkulaðismyrju til að gera hatt á bollurnar, hita það örlítið í örbylgju og dýfa. Það stífnar í fullkominn bolluhatt að mínu mati.

Takið þá búðinginn og setjið 1-2 msk af honum í botninn á bollunum, magn eftir stærð. Sprautið þá rjómanum yfir og lokið bollunum. Sáldrið þá lakkrísnum yfir bollurnar og berið fram.

Ef bollurnar eru ekki bornar fram strax, geymið þær í kæli.

Bollakökur með lakkrískeim

Fri, 13 Feb 2026 10:24:37 GMT

Bollakökur með lakkrískeim

Uppskrift : Gotteri.is

12-14 stykki

Bollakökur uppskrift

2 egg
100 g sykur
100 g púðursykur
80 ml ljós matarolía
120 ml súrmjólk
2 tsk. vanilludropar
110 g hveiti
40 g bökunarkakó
1 tsk. lyftiduft
½ tsk. matarsódi
½ tsk. salt
1 pakki Eitt sett Royal búðingur

Aðferð

Hitið ofninn í 170°C og takið til bollakökuform. Best þykir mér að nota álform með pappaformum inn í.
Þeytið saman egg og báðar tegundir af sykri þar til létt og ljós blanda myndast.
Pískið saman matarolíu, súrmjólk og vanilludropa, geymið.
Hrærið hveiti, kakó, lyftiduft, matarsóda og salt saman, geymið.
Blandið nú til skiptis þurrefnunum og súrmjólkurblöndunni út í eggjablönduna og skafið niður á milli.
Að lokum má hræra búðingsduftið saman við stutta stund.
Skiptið næst niður í 12-14 bollakökuform og bakið í 20-22 mínútur.
Kælið áður en þið setjið kremið á.

Súkkulaði smjörkrem uppskrift

150 g smjör við stofuhita
50 g bökunarkakó
500 g flórsykur
3 msk. kaffi (uppáhellt)
3 msk. hlynsýróp
2 tsk. vanilludropar

Aðferð

Þeytið smjör og kakó þar til létt og ljóst, skafið niður á milli.
Bætið öðrum hráefnum saman við til skiptis og þeytið áfram í nokkrar mínútur, skafið niður á milli.
Setjið í sprautupoka með stórum stjörnustút (ég notaði 1M frá Wilton) og sprautið upp í spíral.
Skreytið með lakkrískurli ef þess er óskað.

Fylltir vatnsdeigshringir (chouxnuts)

Fri, 13 Feb 2026 10:15:11 GMT

Fylltir vatnsdeigshringir (chouxnuts)

Uppskrift : Gotteri.is

Hráefni

250 ml vatn
125 g smjör
125 g hveiti
4 egg
700 ml jurtaolía

1 pk Eitt sett Royal búðingur
400 ml mjólk

Aðferð

Setjið vatn og smjör í pott og leyfið smjörinu að bráðna. Takið pottinn af hitanum og hrærið hveitinu saman við þar til deigið er orðið einn massi, kælið deigið örlítið. Setjið deigið í hrærivélarskál og bætið eggjunum út í einu í einu og hrærið vel á milli. Setjið deigið þá í sprautupoka. Klippið þá bökunarpappír tvær arkir hvor í sex parta og sprautið hring af deiginu á hvern pappír.

Hellið olíu í pott og hitið upp í 175°c. Setjið þá fyrsta hringinn út í og leyfið pappírnum að fylgja með, hann losnar frá hægt og rólega. Gott er að miða við 3 mín á hvorri hlið en fylgist með, mögulega þarf aðeins lengri eða styttri tíma. Takið upp úr og leyfið að kólna alveg.

Útbúið búðinginn og kælið hann lítillega. Þegar hann hefur stífnað örlítið setjið hann í sprautupoka með stút á (ef þið eigið fyllingastút endilega notið hann). Sprautið þá búðingnum inn í vatnsdeigshringina á tveimur stöðum á botninum. Ef þið viljið er einnig hægt að bræða súkkulaði og dýfa hringjunum ofan í.

Lakkrísbollur Vatnsdeigsbollur

Fri, 13 Feb 2026 10:09:18 GMT

Lakkrísbollur Vatnsdeigsbollur

Uppskrift : Gotteri.is

Vatnsdeigsbollur

10-12 stykki

150 g hveiti
1 tsk. lyftiduft
¼ tsk. salt
140 g smjör
270 ml vatn
3 egg (um 120-130 g)

Aðferð

Hitið ofninn í 180°C.
Hrærið saman hveiti, lyftidufti og salti saman í skál og geymið.
Hitið saman vatn og smjör í potti þar til smjörið er bráðið og blandan vel heit. Leyfið að bubbla aðeins og takið síðan af hellunni.
Hellið hveitiblöndunni saman við smjörblönduna og hrærið/vefjið saman við með sleikju þar til allir kekkir eru horfnir og blandan losnar auðveldlega frá köntum pottsins.
Flytjið blönduna yfir í hrærivélarskálina og hrærið á lægsta hraða með K-inu og leyfið hitanum þannig að rjúka aðeins úr blöndunni á meðan þið pískið eggin.
Setjið eggin næst saman við í litlum skömmtum og skafið niður á milli. Athugið að nota aðeins 120-130 g af eggjunum. Egg eru misstór og því gott að vigta þetta til þess að deigið verði ekki of þunnt.
Setjið bökunarpappír á ofnplötu og hver bolla má vera um 2 matskeiðar af deigi (ein vel kúpt matskeið).
Bakið í 27-30 mínútur, bollurnar eiga að vera orðnar vel gylltar og botninn líka, ekki opna þó ofninn fyrr en í fyrsta lagi eftir 25 mínútur til að kíkja undir eina. Helstu mistök sem fólk gerir er að baka bollurnar ekki nógu lengi og þá falla þær.

Lakkrísfylling

1 pakki Eitt sett Royal búðingur
250 ml nýmjólk
500 ml þeyttur rjómi

Aðferð

Pískið mjólk og búðingsduft saman í um eina mínútu, setjið í kæli og leyfið að þykkna í um 10-15 mínútur. Gott er að hræra varlega í blöndunni með sleikju nokkrum sinnum á meðan.
Hellið búðingsblöndunni þá saman við þeytta rjómann og vefjið varlega saman með sleikju þar til vel blandað, létt og ljóst.
Setjið í sprautupoka og setjið á bollurnar.

Glassúr og skraut

100 g brætt smjör
200 g flórsykur
3 msk. bökunarkakó
3 tsk. vanilludropar
2 msk. kaffi (uppáhellt)
Vatn ef ykkur finnst þurfa að þynna kremið
Lakkrískurl

Aðferð

Allt sett saman í skál (nema lakkrískurlið) og hrært saman með písk/skeið þar til vel blandað.
Best er að fylla bollurnar fyrst og setja svo væna teskeið af glassúr ofan á „lokið“ og dreifa aðeins út og strá lakkrískurli yfir áður en glassúrinn tekur sig.

„Royalistinn“

Fri, 13 Feb 2026 09:58:47 GMT

„Royalistinn“

Uppskrift : Gotteri.is

Uppskrift dugar í um 4 glös.

Súkkulaði- og lakkrís búðingur

1 pakki Eitt Sett Royal búðingur
250 ml rjómi
250 ml nýmjólk

Aðferð

Pískið eða þeytið allt saman í um eina mínútu eða þar til blandan fer aðeins að þykkna.
Skiptið niður í falleg glös/skálar og kælið í um 30 mínútur, gott að gera lakkríssósuna á meðan.

Lakkríssósa

150 g lakkrískúlur
100 ml rjómi

Aðferð

Setjið kúlur og rjóma saman í pott við meðalháan hita og bræðið saman.
Þegar slétt lakkríssósa hefur myndast má hella henni úr pottinum yfir í skál/könnu og leyfa að ná stofuhita áður en hún er sett yfir búðinginn.
Setjið síðan 1-2 matskeiðar af sósu yfir búðinginn (eftir smekk), kælið aftur í nokkrar mínútur (til þess að þeytti rjóminn leki ekki til ef sósan er enn volg).

Toppur

250 ml þeyttur rjómi
Lakkrískurl frá Nóa Siríus
Smá lakkríssósa

Aðferð

Setjið rjómann í sprautupoka með stórum hringlaga stút eða klippið gat á zip-lock poka. Sprautið snúning ofan á hvern búðing.
Stráið smá sósu og lakkrískurli yfir.

Veislumús með lakkrískeim

Fri, 13 Feb 2026 09:50:30 GMT

Veislumús með lakkrískeim

Uppskrift : Gotteri.is

Uppskrift dugar í 20-25 lítil plastbox.

Hráefni

1 pk. Royal Eitt sett búðingur
250 ml nýmjólk
250 ml rjómi + 300 ml þeyttur
Jarðarber
Lakkrískurl
Smátt saxað súkkulaði

Leiðbeiningar

Pískið saman búðing, nýmjólk og 250 ml rjóma í skál samkvæmt leiðbeiningum á pakka.
Skiptið niður í lítil plastglös (einnig hægt að að setja í stærri glös eða stóra skál).
Kælið í að minnsta kosti klukkustund og skreytið með þeyttum rjóma, lakkrískurli og jarðarberi.

Bananabrauð með döðlum

Wed, 28 Jan 2026 14:18:32 GMT

Bananabrauð með döðlum

Uppskrift : Anna Eiríks

Það er svo ótrúlega sniðugt að henda í eitt stykki bananabrauð þegar maður á nokkra banana sem eru komnir vel á tíma. Þessi uppskrift er einföld og æðislega góð!

Hráefni

1 bolli spelt (eða hveiti)
1 bolli fínt haframjöl frá Muna
1 tsk. matarsódi
2 rsk. kanill
2 tsk. lyftiduft
2 msk. kokosolía
3-4 vel þroskaðir bananar
1 egg
1 bolli saxaðar döðlur (lagðar í bleyti)

Leiðbeiningar

Blandið öllum þurrefnunum saman í skál og hrærið stöppuðum bönunum, döðlunum, egginu og olíunni út í.
Smyrjið formið og hellið deiginu í það
Bakið í 180° heitum ofni í ca 30 mínútur.
Njótið vel!

Bláberjapönnukökur

Wed, 28 Jan 2026 14:13:57 GMT

Bláberjapönnukökur

Uppskrift : Anna Eiríks

Ég elska góða skyrdrykki og þennan prófaði ég fyrst fyrir löngu og hef gert ýmsar útfærslur af honum hingað til. Þessi er saðsamur og fullur af orku og ég mæli með að þið prófið!

Hráefni

2 egg
1 tsk. vanilludropar (vanilla extract)
1 bolli spelt (eða annað hveiti)
1 bolli fínt haframjöl
2 tsk vínsteinslyftiduft
1 1/2 bolli möndlumjólk
1 vel þroskaður banani
1 lítið box bláber

Leiðbeiningar

Hrærið öllu saman í nokkuð þykkt deig
Hellið um 1 bolla af bláberjum út í deigið og hrærið varlega saman við með sleif.
Bakið á pönnu í þeirri stærð sem þið viljið.
Njótið með berjum og smá lífrænu hlynsírópi, Akasíu hunangi eða þeyttum rjóma!

Spínatboost

Wed, 28 Jan 2026 13:36:44 GMT

Spínat-boost

Uppskrift : MS

Hráefni

300 g Ísey vanilluskyr
3 lúkur spínat
250 ml vanillublanda (eða léttmjólk)
1 banani
6-8 döðlur
2 msk. hnetusmjör
Klakar
1-2 tsk. spirulina + í hliðarnar

Leiðbeiningar

Setjið allt saman í blandarann og blandið vel.
Gaman er að skreyta glasið að innan með smá skyri og spirulinadufti áður en drykknum er hellt í glas.
Njótið á meðan drykkurinn er kaldur.

Berjaskyrterta með stökkum granólabotni

Wed, 28 Jan 2026 13:29:03 GMT

Berjaskyrterta með stökkum granólabotni

Uppskrift : MS

Ótrúlega góður réttur sem hentar vel í helgarbrunchinn eða jafnvel morgunmat þegar þú nennir ekki miklu mausi. Svo ótrúlega einfalt og gott.

Hráefni

300 g
75 g smjör
500 g KEA skyr með jarðarberjum og bláberjum
Fersk bláber og jarðarber til skrauts

Leiðbeiningar

Myljið granólað aðeins niður og setjið í skál.
Bræðið smjörið og blandið saman við granólað. Þrýstið blöndunni í botninn á fati eða glösum og kælið.
Þeytið rjómann.
Blandið skyrinu og rjómanum varlega saman og leggið blönduna ofan á granóla botninn. Kælið í 2 klst eða yfir nótt.
Skreytið með berjum og berið fram.

Bakaður ostakubbur með eggjum

Wed, 28 Jan 2026 13:17:56 GMT

Bakaður ostakubbur með eggjum

Uppskrift : MS

Ótrúlega góður réttur sem hentar vel í helgarbrunchinn eða í kvöldmatinn þegar þú nennir ekki að elda. Svo ótrúlega einfalt og gott.

Hráefni

Ostakubbur frá MS 250g
10 egg
Salt og pipar
Basilika / fersk eða þurrkuð
Súrdeigsbrauð eða annað brauð
Eitthvað grænt skruat / Dill, steinselja, fersk basilikka ( má sleppa)

Leiðbeiningar

Ostakubburinn og eggin eru sett í eldfast mót ásamt kryddunum, þetta er svo hitað í ofni við 200 gráður í um 10 - 12 mínútur.
Þessu er öllu blandað saman þegar rétturinn kemur úr ofninum og smurt á ristað súrdeigsbrauð eða hrökkbrauð.
Það er gott að eggin séu ekki alveg full elduð, eldunartíminn gæti verið misjafn milli ofna 8-10 mínútur gætu dugað.
Ef eggin full eldast í ofninum er erfiðara að blanda þeim við ostinn en þá má einnig bæta örlítið af ab mjólk út í til að eggin blandist betur við ostakubbinn.

Eðal hrákaka

Thu, 22 Jan 2026 13:31:58 GMT

Eðal hrákaka

Uppskrift : Anna Eiríks

Þessi kaka er súper einföld og tekur enga stund að útbúa, það eina sem þarf er matvinnsluvél eða góður blandari. Sniðugt er að eiga þessa köku inn í frysti til að gæða sér á þegar sætindaþörfin hellist yfir!

Hráefni

Botn:

Lítill poki möndlur (100g)
3 dl saxaðar döðlur (150g)
2 msk kakó

Krem:

1 lárpera
1 banani
3 msk fljótandi kókosolía
3 msk Agave síróp
1/2 tsk vanilludropar

Toppurinn:

100-150 g dökkt súkkulaði

Leiðbeiningar

Byrjum á botninum, setjum fyrst saxaðar döðlur í bleyti, hellum möndlunum í matvinnsluvél og söxum þær, blöndum kakóduftinu við og hellum svo vatninu af döðlunum og bætum þeim við.
Hrærum allt vel saman og setjum í form.
Gott er að setja bökunarpappír undir ef þið viljið geta tekið hana í heilu lagi upp úr forminu til að skera í litla bita.
Öll innihaldsefnin sem þarf í kremið eru svo sett í matvinnsluvélina og allt þeytt vel saman og hellt ofan á botninn.
Súkkulaðið er brætt við vægan hita og því hellt yfir kremið og kakan því næst sett í frysti og geymd þar.
Gott er að taka hana út aðeins áður en hún er borin fram en hún er líka góð mjög köld eða hálf frosin.

Kókosstangir með berjum og dökku súkkulaði

Mon, 19 Jan 2026 13:21:51 GMT

Kókosstangir með berjum og dökku súkkulaði

Uppskrift : TORO

Hér er á ferðinni uppskrift að dásamlegum kókosstöngum sem tilvalið er að eiga í frystinum og grípa sér bita þegar sykurlöngunin hellist yfir.

Hráefni

Fyrir um 10 stykki

200 g kókosmjöl (gróft)
220 g jarðarber (frosin eða fersk)
120 g hindber (frosin eða fersk)
2 tsk. vanilludropar
3 msk. hlynsýróp
300 g Valor 80% dökkt súkkulaði
2 msk. kókosolía
Ristaðar kókosflögur til skrauts

Leiðbeiningar

Setjið kókosmjöl, ber, vanilludropa og sýróp í blandara og blandið vel.
Hellið í brauðform sem búið er að klæða að innan með bökunarpappír.
Sléttið úr og frystið í um tvær klukkustundir og takið þá út og skerið í lengjur.
Bræðið súkkulaðið og þynnið með kókosolíunni.
Dýfið hverri lengju í súkkulaði, leggið á bökunarpappír og toppið með ristuðum kókosflögum.
Best er að geyma stangirnar í loftþéttu íláti í frystinum.
Nælið ykkur í bita þegar löngunin kemur og njótið.

Púrrulauks ídýfa

Tue, 30 Dec 2025 12:56:01 GMT

Púrrulauks ídýfa

Uppskrift : TORO

Ljúffeng og mild púrrulauksdýfa sem passar fullkomlega með fersku grænmeti, kexi eða snakki. Frábær meðlæti á veisluborðið um áramótin eða þegar þig langar í eitthvað extra gott.

Hráefni

1 dós sýrður rjómi
½ pk Púrrulaukssúpa frá Toro
2-3 msk ab mjólk / súrmjólk

Leiðbeiningar

Blandið öllu saman og hrærið vel, bætið ab mjólk í eftir því hversu þykka ídýfu þið viljið.
Setjið í skál eða box með loki og gott er að geyma ídýfuna í kæli í minnst 2-3 klst, til að leyfa henni að taka sig.
Berið fram með snakki, saltstöngum, niðurskornu grænmeti líkt og gúrku, gulrót, brokkolí, blómkáli eða papriku eða með grillmatnum.

Jólaostabakki

Tue, 16 Dec 2025 15:49:58 GMT

Jólaostabakki

Uppskrift : Gott í matinn

Það er skemmtilegt föndur en ákaflega einfalt að gera jólalegan ostabakka. Ég lofa að þessi ofurkrúttlegi bakki mun slá í gegn í hvaða jólaboði sem er. Jólasveininn má gera úr góðum hvítmygluosti á borð við Dala Camembert og litli snjókarlinn er gerður úr bragðbættum rjómaosti og fínrifnum hörðum osti eins og Goðdala Gretti. Svo má raða spægipylsum og skinku allt í kring og skreyta að vild.

Hráefni

2 stk. Dala Camembert
2 stk. rjómaostur með graslauk og lauk frá MS
1 stk. Goðdala Grettir
Spægipylsa, þunnt skorin
Hráskinka
Kex
Svartar ólífur
Jarðarber
Svört piparkorn
Appelsínugul paprika eða gulrót
Rósmarín og jólabrjóstsykur til skrauts

Leiðbeiningar

Fyrir sveinka:

Skerið "lokið" af Camembert ostinum. Skerið það svo í tvennt svo úr verði skegg og leggið ofan á ostinn.
Skerið yfirvaraskegg og kantinn á jólasveinahúfunni úr restinni.
Skerið augu úr ólífum og rautt nef úr jarðarberi.
Raðið pylsu og skinku upp svo úr verði væn jólasveinahúfa.
Skerið lítinn dúsk úr camembert osti og setjið á endann.

Fyrir snjókarl:

Setjið innihald úr einum rjómaosti á plastfilmu og rúllið upp svo úr verði kúla.
Gerið það sama við hálfan rjómaost í viðbót svo úr verði minni kúla.
Rífið smá bita af Goðdala Gretti með fínu rifjárni og veltið snjókarla kúlunum upp úr ostinum.
Leggið á bretti og skreytið með svörtum piparkornum og skerið nef úr gulrót eða papriku.
Raðið kjöti og kexi ásamt skrauti á bakkann og berið fram.

Karamellu tiramisu

Tue, 16 Dec 2025 15:06:28 GMT

Karamellu tiramisu

Uppskrift : Gott í matinn

Tiramisú er dásamlegur eftirréttur sem er léttur og sætur, og bara fullkominn eftir þunga máltíð ef mann langar í smá sætt. Ég ákvað að ögra smá klassísku tiramisu og prófa að breyta því svolítið með karamellusósu og Doré karamellusúkkulaði og útkoman er í einu orði sagt dásamleg.

Uppskriftin dugar fyrir 4-6

Hráefni

100 ml sterkt kaffi
2 stk. egg
80 g sykur
250 ml rjómi frá Gott í matinn
100 g Doré karamellu súkkulaði frá Nóa Síríus
200 g mascarpone frá Gott í matinn
1 pk. lady fingers (24 stk.)
karamellusósa, keypt eða heimagerð
2 msk. kakó (2-3 msk.)

Karamellusósa

200 g sykur
50 ml vatn
100 ml rjómi frá Gott í matinn
50 g smjör

Leiðbeiningar

Gott er að leyfa hráefnum eins og eggjum, rjóma og mascarpone ostinum að standa á borði í svolitla stund áður en er farið að gera tiramisu, það hjálpar hráefnunum að blandast betur saman.
Hellið upp á sterkt kaffi og leyfið að kólna lítillega.
Setjið egg og sykur saman í hrærivélarskál og þeytið saman þangað til það er létt og ljóst, í u.þ.b. 3-4 mín. Þeytið þá rjómann í annarri skál og í þeirri þriðju bræðið súkkulaðið yfir vatnsbaði eða í örbylgjuofni. Þegar súkkulaðið er bráðið, setjið hrærivélina af stað með eggjunum og sykri og blandið súkkulaðinu saman við. Passið að súkkulaðið hafi kólnað lítillega áður.
Blandið þá súkkulaði blöndunni varlega saman við rjómann. Notið síðan rjómaskálina og setjið mascarpone ostinn í og hrærið aðeins í honum, blandið þá smá af súkkulaði rjómablöndunni við ostinn og þegar hann hefur samlagast við blönduna, bætið öllu saman í eitt.

Karamellusósa

Setjið sykur og vatn saman í pott á miðlungshita.
Leyfið blöndunni að malla án þess að vera að hræra í henni þangað til að allur sykurinn er bráðinn, fylgist með þegar hún fær á sig gylltan lit.
Þegar hún hefur fengið á sig lit er gott að slökkva undir og bæta rjómanum saman við og hræra á meðan.
Þá er smjörinu blandað saman við og þá ætti karamellan að vera klár.
Hellið í krukku sem hægt er að loka og leyfið að kólna.

Samsetning

Finnið til skál eða fat og sáldrið smá kakódufti í botninn (gott er að nota tesíu í verkið eða fínt sigti).
Bleytið þá upp í lady fingers kökum í kaffinu, eina í einu og leggið í fatið.
Drisslið karamellu yfir kökurnar u.þ.b. 2 msk. og sáldrið kakódufti yfir, setjið þá um helming af blöndunni yfir.
Þá er það að endurtaka leikinn. Bleyta í kökunum og leggja yfir, karamella og kakóduft.
Í lokin má setja hinn helminginn af blöndunni yfir eða setja í sprautupoka með stút og sprauta yfir til að fá skemmtilega áferð.
Setjið í kæli og leyfið að hvíla í 8-24 tíma.
Áður en tiramisuið er borið fram sáldrið kakódufti yfir og bjóðið restina af karamellusósunni með, fyrir þá sem vilja meira með.

Mozzarella snjókarlar

Tue, 16 Dec 2025 15:01:55 GMT

Mozzarella snjókarlar

Uppskrift : Gott í matinn

Litlir og sætir jóla snjókarlar sem smakkast líka einstaklega vel. Snjókarlarnir eru ótrúlega vinsælir hjá börnum og gaman að útbúa þá með þeim.

Hráefni

Mozzarella kúlur
Litlir tómatar
Fersk basilíka
Gulrót
Svört seamfræ
Trépinnar

Leiðbeiningar

Skerið örltíð af tómötunum og raðið þeim fyrst á pinnana.
Skerið nokkrar mozzarella kúlur í sneiðar og setjið eina sneið á hvern trépinna sem húfukant.
Næst fer hausinn á, eða heil mozzarella kúla.
Brjótið eitt basilíkublað saman sem trefil og setjið því næst aðra mozzarella kúlu.
Svörtu sesamfræin eru notuð fyrir augu, munn og hnappa á magann. Einnig er hægt að nota svartan pipar eða svart kökuskraut í augun, eða hvað sem ykkur dettur í hug.
Skerið lítinn bita af gulrót og notið fyrir nef.
Raðið á bakka, berið fram og njótið.

Fullkomni Toblerone ísinn

Tue, 16 Dec 2025 10:49:47 GMT

Fullkomni Toblerone ísinn

Uppskrift : Gerum daginn girnilegan

Ég hugsa Toblerone ís sé eitthvað sem verður að vera á boðstólnum yfir hátíðirnar fyrir einhverja aðila. Þetta er algjör klassík og allir elska þennan ís, hvað þá þegar hann er borinn fram með heitri Tobleronesósu! Það er mun einfaldara en margur heldur að útbúa heimagerðan ís og þessi hér er einstaklega ljúffengur og góður.

Hráefni

Toblerone ís

7 eggjarauður
100 g sykur
220 g Toblerone súkkulaði brætt
700 ml rjómi þeyttur
140 g Toblerone súkkulaði fínsaxað

Leiðbeiningar

Þeytið eggjarauður og sykur saman í hrærivél þar til blandan er orðin létt og ljós.
Bræðið 220 g af Toblerone súkkulaði yfir vatnsbaði, kælið það lítillega og hellið því síðan saman við eggjablönduna í mjórri bunu. Blandið vel saman.
Blandið þeytta rjómanum að lokum varlega saman við með sleikju og loks saxaða Toblerone súkkulaðinu.
Plastið að innan hringlaga kökumót með gati í miðjunni (til að auðveldara verði að losa ísinn) og hellið blöndunni þar ofan í og frystið yfir nótt.
Hvolfið síðan forminu á þann disk sem bera á ísinn fram á og berið fram með heitri Toblerone íssósu.

Hráefni

Heit Toblerone íssósa

220 g Toblerone súkkulaði
100 ml rjómi

Leiðbeiningar

Saxið Toblerone gróft niður og setjið í pott ásamt rjómanum.
Hitið saman við meðalhita þar til súkkulaðið hefur bráðnað, hrærið reglulega í sósunni á meðan.
Leyfið hitanum síðan aðeins að rjúka úr sósunni áður en hún er notuð á ísinn.
Gott er að strá söcuðu Toblerone yfir ísinn ásamt heitu sósunni og fallegt að skreyta með blæjuberjum.

Marengs með sérrírjóma

Tue, 16 Dec 2025 09:52:54 GMT

Marengskrans með sérrírjóma

Uppskrift : Gerum daginn girnilegan

Það er eitthvað við marengs, þeyttan rjóma og fersk ber. Við mælum með að prófa þennan marengskrans með sérrírjóma yfir hátíðarnar, tilvalið í jólaboðin. ❤️

Hráefni

Marengsbotn

6 eggjahvítur
330 g ssykur
1 tsk hvítvínsedik
1 tsk kartöflumjöl

Leiðbeiningar

Hitið ofninn í 140°C og teiknið um 30 cm hring á bökunarpappír og annan um 20 cm inn í hann.
Þeytið eggjahvíturnar þar til þær byrja aðeins að freyða og bætið sykrinum saman við í nokkrum skömmtum, þeytið nokkkrar mínútur eða þar til blandan verður nægilega stíf til að topparnir haldi sér.
Hrærið kartöflumjöl og hvítvínsedik saman og blandið við marengsblönduna í lokin, þeytið stutta stund og setjið síðan blönduna í stóran sprautupoka.
Sprautið eftir hringnum sem þið teiknuðuð (ekki alveg út að köntunum samt því marengsinn stækkar við bakstur).
s.l.éttið úr eins og unnt er og rennið matskeið eftir toppnum til að s.l.étta / gera pláss fyrir fyllinguna.
Bakið í 70 mínútur og slökkvið þá á ofninum og leyfið marengsinum að kólna niður með honum.

Hráefni

Fylling og skreyting

500 ml þeyttur rjómi + 40 ml rjómi fyrir súkkulaðibráð
2 msk Harveys Bristol Cream sérrí
5 makkarónukökur (muldar)
70 g dökkt súkkulaði
250 g Driscolls jarðarber
125 g Driscolls hindber
125 g Driscolls brómber
125 g Driscolls rifsber
125 g Driscolls bláber
Rósmaríngreinar og flórsykur til skrauts.

Leiðbeiningar

Saxið dökkt súkkulaði smátt, hitið 40 ml af rjóma að suðu og hellið yfir. Pískið þar til s.l.étt súkkulaðibráð hefur myndast, leyfið blöndunni aðeins að kólna niður áður en þið setjið yfir rjómann.
Skerið jarðarberin niður í smærri bita og takið önnur ber til.
Blandið sérrí og makkarónukökum varlega saman við þeytta rjómann með sleikju.
Smyrjið jafnt yfir allan toppinn á marengshringnum.
Dreifið berjunum jafnt yfir toppinn ásamt súkkulaðibráðinni
Stingið rósmaríngreinum hér og þar til skrauts ásamt því að sigta flórsykur yfir.
Kælið í að minnsta kosti 4 klukkustundir. Einnig er gott að setja rjómann yfir, kæla yfir nótt og setja ber + súkkulaði yfir rjómann næsta dag.

Jólaglögg frá Kryddhúsinu

Wed, 10 Dec 2025 13:18:10 GMT

Jólaglögg frá Kryddhúsinu

Uppskrift : Kryddhúsið

Það er fátt sem kallar upp jólastemninguna jafn skemmtilega og ilmandi pottur af heitu glöggi. Jólaglöggskryddblandan frá Kryddhúsinu fyllir heimilið af ilm af kanil, negul og jólakærleika.

Jólaglögg kryddblandan ilmar og bragðast eins og jólin sjálf �� ❤️

Hráefni (áfengt)

2-3 góðar msk af Jólaglöggskryddblöndu
1 flaska rauðvín (eða hvítvín)
8 msk sykur eða önnur sæta.

Hráefni (Óáfengt)

2 msk af Jólaglöggskryddblöndu
1 líter eplasafi (eða trönuberjasafi)
3 msk hunang (Má sleppa ef safinn er mjög sætur)

Leiðbeiningar

Allt sett í pott og hitað að suðumarki (má ekki sjóða)
Slökkva á hitanum og láta standa undir loki í 20-30 mínútur og leyfa kryddinu að taka við sér
Bæta við eftir smekk meiri sætu ef vínið er súrt (Ath gott að velgja aðeins áður en skenkt)
Njóta í góðra vina hópi!

Sígilt hangikjötssalat á dönsku rúgbrauði

Thu, 04 Dec 2025 17:37:42 GMT

Sígilt hangikjötssalat á dönsku rúgbrauði

Uppskrift : Gerum daginn girnilegan

Það er fátt sem toppar góða brauðsneið með hangikjötssalati og þetta er að mínu mati það allra besta. Bragðmikið hangikjöt með silkimjúku majónesi, eggjum og strangheiðarlegum baunum og gulrótum úr dós. Mér finnst mjög gott að bera það fram á þéttu, góðu brauði líkt og dönsku rúgbrauði og þá er það næstum eins og íslensk útgáfa af smörrebröd. Það er auðvitað svo sígilt að skella því á milli tveggja nýrra samlokubrauðsneiða og það er alls ekki síðra. Hvernig sem þið viljið bera það fram get ég lofað því að salatið klikkar aldrei!

Hráefni

300 g soðið hangikjöt, skorið í litla teninga
4 stk harðsoðin egg
1 dós af gulrótum og grænum baunum
250 g Heinz, Seriously good mayonnaise
Salt og svartur pipar, eftir smekk

Leiðbeiningar

Byrjið á því að sjóða eggin og kæla þau alveg.
Setjið baunirnar og gulræturnar í sigti og látið vökvann renna vel af.
Skerið hangikjötið í bita og setjið í skál ásamt eggjum og baunum. Blandið varlega saman.
Setjið majónesið út í og blandið saman með sleikju. Smakkið til með salti og svörtum pipar.

Toblerone karamelluís

Thu, 04 Dec 2025 17:32:52 GMT

Toblerone karamelluís

Uppskrift : Gerum daginn girnilegan

Það þekkja flestir klassíska Toblerone ísinn og hér kemur skemmtileg útfærsla! Karamella gerir þetta enn betra og þessi blanda er dásamleg.

Hráefni

Ísinn

5 stk egg
50 g sykur
50 g púðursykur
2 tsk vanillusykur
400 ml þeyttur rjómi
150 g Toblerone saxað
karamellusósa (sjá uppskrift)
Werther´s karamellupopp

Werthers karamellusósa hráefni

200 g Werthers karamellur (mjúkar)
100 ml rjómi

Leiðbeiningar

Ísinn aðferð

Byrjið á því að útbúa karamellusósuna (sjá uppskrift að neðan) og leyfið henni að ná stofuhita á meðan annað er undirbúið
Þeytið rjómann og saxið Toblerone, leggið til hliðar.
Stífþeytið eggjahvíturnar og geymið.
Þeytið eggjarauður, sykur og púðursykur saman í nokkrar mínútur þar létt og ljós blanda myndast, bætið þá vanillusykrinum saman við.
Vefjið næst þeytta rjómanum varlega saman við eggjablönduna með sleikju, því næst Toblerone súkkulaðinu og stífþeyttu eggjahvítunum að lokum.
Setjið bökunarpappír í botninn á um 20 cm smelluformi og hellið um 1/3 af ísblöndunni þar í. Dreifið næst úr 1-2 msk. af karamellusósu yfir allt og endurtakið þrisvar sinnum þar til ísblandan er búin og um helmingurinn af karamellusósunni kominn í ísinn. Geymið restina af sósunni til að hita upp þegar bera á ísinn fram.
Frystið ísinn í að minnsta kosti 3 klukkustundir eða nokkra daga (plastið ísinn ef geyma á hann lengur en sólahring í frystinum).
Þegar bera á ísinn fram má setja væna karamellu popphrúgu á miðjuna og setja meira af karamellusósu yfir allt, bera svo restina fram með ísnum fyrir þá sem vilja meira.

Werthers karamellusósa aðferð

Bræðið saman í potti við meðalhita og pískið þar til kekkjalaust. Leyfið karamellunni að ná stofuhita áður en þið notið hana í ísinn.

Hátíðlegt waldorf salat sem passar með öllu

Thu, 04 Dec 2025 17:27:38 GMT

Hátíðlegt waldorf salat sem passar með öllu

Uppskrift : Gerum daginn girnilegan

Fyrir marga er algerlega ómissandi að hafa waldorf salat með jólamatnum. Þá skiptir ekki öllu hvort aðalrétturinn er hamborgarhryggur, kalkúnn eða hnetusteik. Stökk, fersk eplin ásamt selleríi, vínberjum og hnetum fara þó sérstaklega vel með þyngri steikum og bragðmiklum aðalréttum og þannig verður til einhver samsetning sem erfitt er að toppa. Það er auðvitað ekki verra að það ótrúlega auðvelt að skella í salatið og það er snjallt að útbúa það daginn áður en á að bera það fram til að spara tíma. Við það verður það meira að segja enn betra!

Hráefni

2 stór græn epli
1 msk hlynsíróp
1 msk ferskur sítrónusafi
2 stk sellerístönglar
150 g græn vínber
100 g valhnetur, ristaðar
125 ml rjómi
70 g Heinz, seriously good mayonnaise
Salt eftir smekk
Dökkt súkkulaði ef vill

Leiðbeiningar

Byrjið á því að rista hneturnar við 180°C í um það bil 10 mínútur. Takið þær út úr ofninum og kælið.
Afhýðið og skerið eplin í litla bita. Setjið í skál ásamt hlynsírópi og sítrónusafa og veltið saman.
Skerið selleríið og vínberin í bita og setjið saman við eplin.
Stífþeytið rjómann og blandið saman við salatið ásamt majónesi. Stráið nokkrum saltkornum yfir.
Grófsaxið hneturnar, takið smávegis frá til skrauts og blandið restinni saman við. Kælið í að minnsta kosti 2 tíma.
Þegar bera á salatið er fram er gott að skreyta það með hnetunum og raspa dökkt súkkulaði yfir.

Ljúffengar andabringur og meðlæti

Thu, 04 Dec 2025 17:21:54 GMT

Ljúffengar andabringur og meðlæti

Uppskrift : Gerum daginn girnilegan

Franskar andabringur með steiktum kartöflum, kantarella sveppasósu og rósakáli með rjóma og parmesan. Gott er að bera öndina fram með t.d. waldorfsalati og það er algjört „must“ að steikja kartöflurnar upp úr andafitunni. Rósakál með rjóma og parmesan setur punktinn yfir i-ið og allt rennur þetta svo ljúflega niður með góðu rauðvíni.

Andabringur

1 frosin andabringa frá Vallette
salt og pipar
ferskt timían
ferskt rósmarín

Sósa

1 dl þurrkaðir kantarella sveppir
smjör til steikingar
1 tsk smátt skorið ferskt rósmarín og timían
1 ½ msk smjör
3 msk hveiti
1 ½ dl vatn
2 tsk til 4 tsk andakraftur frá Oscar
1 tsk púðursykur
2 dl mjólk
1 dl rjómi

Rósakál

5 dl ferskt rósakál
½ dl rjómi
½ dl rifinn Parmareggio parmigiano reggiano parmesan ostur

Kartöflur eftir smekk

Leiðbeningar

Andabringa

Skerið tígla í fituna á andabringunni og passið að skera ekki ofan í kjötið.
Hitið pönnu og steikið andabringuna með fituna niður í 7-9 mínútur eða þar til fitan er orðin stökk. Ausið fitunni af pönnunni jafnóðum og notið til að steikja kartöflurnar.
Snúið andabringunni við og steikið í 1-2 mínútur.
Saltið og piprið eftir smekk. Setjið ferskt rósmarín og timían á andabringuna og klárið eldunina í ofninum í 12-15 mínútur við 180°C. Gott er að nota kjöthitamæli en kjarnhitinn á að vera 60 gráður. Andabringurnar mega alls ekki vera of mikið eldaðar því þá eru þær ekki góðar.

Sósa

Skolið þurrkuðu kantarella sveppina og látið þá liggja í bleyti samkvæmt leiðbeiningum.
Steikið þá upp úr smjöri og bætið við fersku timían, rósmarín, salti og pipar eftir smekk. Takið þá til hliðar.
Bræðið smjör og bætið hveiti saman við. Hrærið í brauðbollu.
Bætið vatni saman við og hrærið þar til blandan er orðin þykk og mjúk.
Bætið andakrafti, púðursykri, salti og pipar og hrærið vel saman.
Hellið mjólk og rjóma útí og blandið kantarella sveppunum saman við. Þynnið sósuna með rjóma og kryddið eftir smekk.

Kartöflur

Steikið kartöflurnar upp úr andafitunni þar til þær verða smá stökkar. Kryddið eftir smekk og klárið eldunina í ofninum.

Rósakál

Hreinsið rósakálið, skerið stilkana af og kálið í tvennt.
Steikið á pönnu upp úr smjöri og kryddið með salti og pipar.
Setjið í eldfast mót, hellið rjómanum yfir og stráið yfir rifnum parmigiano reggiano. Bakið í ofnið við 180°C í 6-8 mínútur.

Kalkúnabringa með fylltum sætum kartöflum

Mon, 24 Nov 2025 14:33:43 GMT

Kalkúnabringa með fylltum sætum kartöflum

Þakkargjörðarhátíðin nálgast og það er hægt að elda kalkún á ótal vegu og meðlætishugmyndir eru óteljandi. Hér kemur ein afar einföld framsetning sem tekur enga stund að útbúa.

Fyrir um 4 manns

Kalkúnabringa eldun

1 x Sous Vide kalkúnabringa frá Ali
Smjör til steikingar

Takið bringuna úr álbakkanum og setjið hana í plastinu í vask fullan af heitu vatni, leyfið henni að liggja þar í um 20 mínútur.
Bræðið næst smjör á pönnu, takið bringuna úr plastinu og brúnið bringuna stutta stund á öllum hliðum.
Hvílið hana í að minnsta kosti 15 mínútur áður en þið skerið hana í sneiðar.

Sætar kartöflur með burratafyllingu

2 stórar sætar kartöflur
2 x Burrata ostur
Ferskt pestó (grænt)
Ristaðar pekanhnetur
Ólífuolía

Hitið ofninn í 200°C.
Berið ólífuolíu á kartöflurnar, stingið á þær nokkur göt með beittum hníf og setjið á ofnskúffu.
Bakið í um klukkustund eða þar til kartöflurnar eru mjúkar í gegn.
Takið þær þá úr ofninum, skerið langsum í helminga og skafið aðeins úr miðjunni með skeið.
Rífið niður ½ Burrata ost í hverja kartöflu og toppið með pestó og ristuðum pekanhnetum.

Eldbakaðar súrdeigspítsur með litlu pepperóní, skinku, rauðlauk og chili-hunangi

Mon, 13 Oct 2025 20:26:49 GMT

Eldbakaðar súrdeigspítsur með litlu pepperóní, skinku, rauðlauk og chili-hunangi

Ef þú ert ein/n þeirra fjölmörgu sem átt pítsuofn þá mæli ég með þessum! Þegar þú ert þar að auki með gott súrdeigsdeig og rétt álegg er lítið mál að búa til pítsur sem keppa við þær allra bestu á veitingastöðum. Hér erum við með klassíska samsetningu sem er okkar allra uppáhalds: pepperóní, skinka, ferskur mozzarella og rauðlaukur.

Punkturinn yfir i-ið er svo chili hunangið – sem dreypt er yfir heita pítsuna þegar hún kemur úr ofninum. Sósan er úr niðursoðnum tómötum og sjávarsalti og er að mínu mati besta pítsusósa sem til er. Krakkarnir fá svo alltaf sína pítsu sem er bara með pepperóní og osti - fullkomið pítsukvöld þar sem allir fá eitthvað fyrir sinn snúð… eða pítsu!

Innihald:

4 kúlur súrdeigspítsudeig
1 dós niðursoðnir tómatar
½ tsk. sjávarsalt
Pizzuostur, magn eftir smekk
Ferskur mozzarella, magn eftir smekk
1 pk. Lítið pepperóní frá Kjarnafæði
1 pk. Pepperóní frá Kjarnafæði
1 pk. Pizzuskinka frá Kjarnafæði
½ rauðlaukur, smátt saxaður
Chili hunang – keypt eða heimagert, magn eftir smekk

Aðferð:

Hitið pítsuofninn upp í hámarkshita.
Setjið niðursoðnu tómatana í sigti og látið vatnið renna af þeim í 10-15 mín.
Hellið þá tómötunum í skál og setjið sjávarsalt saman við. Kreistið þá með hreinum höndum þar til þeir verða vel maukaðir. Ég mæli ekki með því að gera þetta í blandara því áferðin og bragðið verður ekki það sama.
Skerið skinkuna og í litla bita og rauðlaukinn smátt. Látið vatnið renna af mozzarella ostinum og kreistið létt í eldhúsbréfi.
Fletjið út pítsudeig og með hröðum höndum smyrjið það með sósunni, stráið því næst osti yfir, klípið bita af mozzarella kúlunni þar yfir, stráið þá pepperóníi, skinku og rauðlauk yfir ostinn. Færið pítsuna upp á pítsuspaða og bakið í pítsaofninum þar til ykkur finnst hún verða tilbúin.
Dreifið chili hunangi yfir heita pítsuna.
Ég geri svo alltaf pepperónípítsur fyrir krakkana sem vilja ekki flækja hlutina neitt. Bara ostur og pepperóní og þau verða alsæl!

Raunverulega einfaldur MUNA hummus

Mon, 08 Sep 2025 10:09:37 GMT

Raunverulega einfaldur MUNA hummus

„Þessi uppskrift er alveg hreint dásamleg. Hún er bæði auðveld og mun ódýrari en að kaupa tilbúinn hummus út í búð,“ segir heilsukokkurinn Kristjana Steingrímsdóttir eða Jana eins og hún er kölluð um þennan einfalda og gómsæta MUNA hummus sem hún skellti í á dögunum. Jana lætur flesta matargerð líta einfaldlega út en hún segir það alfarið raunina í þessu tilfelli.

Innihald:

600 gr / 2 krukkur kjúklingabaunir frá MUNA, notið vökva úr annarri krukkunni
2 msk tahini (sesam smjör) frá MUNA
2 msk ólífuolía frá MUNA
safi úr ½ sítrónu
1 hvítlauksrif, afhýtt
2 tsk malað cumin
½ tsk salt

Aðferð:

Setjið allt saman í góðan blandara, matvinnsluvél eða notið töfrasprota. Blandið þar til hummusinn er

orðin silkimjúkur. Ef ykkur finnst hummusinn enn of þykkur má nota smá af vökvanum frá

kjúklingabaununum eða meiri ólífuolíu til að þynna hann. Kryddið eftir smekk með meira af salti ef

þér finnst það þurfa.

Svo má leika sér og bragðbæta með til dæmis ferskum kryddjurtum, sólþurrkuðum tómötum, rauðrófum eða karrý og túrmerik til að fá öðruvísi hummusa.

Kósýkvöld og MUNA popp

Sun, 07 Sep 2025 19:18:25 GMT

Kósýkvöld og MUNA popp

Hvað er betra en gott kósýkvöld heima eftir góða vinnuviku? Þá er dásamlegt að setjast niður með hollari valkost af heimalöguðu poppi, sem inniheldur trefjar, færri kaloríur og andoxunarefni og njóta með góðri samvisku.

Innihald:

Lífrænar maísbaunir frá MUNA
Bragð- og lyktarlaus kókosolía frá MUNA
Salt (valkvætt)

Aðferð:

Finndu stóran pott
Settu 2-3 tsk. kókosolíu í pottinn þannig að það þekji allan botninn
Leyfðu olíunni að hitna á miðlungshita og settu nokkrar maísbaunir út í pottinn. Þegar
baunirnar verða að poppi settu þá maísbaunir út í pottinn, þannig að það þekji botninn á
pottinum. Hér er mikilvægt að setja lok á pottinn til þess að halda hitanum inni.
Hristu pottinn reglulega svo maísbaunirnar brenni ekki við (en þær gera það auðveldlega).
Þegar það eru 2-3 sekúndur á milli þess að poppið poppi, taktu þá pottinn af hitanum. Vertu
varkár þar sem poppið gæti ennþá brunnið við.
Settu salt á poppið og helltu í stóra skál.

Við mælum með að krydda poppið með kanill, túrmerik, lime, chilli eða súkkulaði.

Hollur MUNA Trönuberjakokteill

Sun, 07 Sep 2025 19:14:06 GMT

Hollur MUNA Trönuberjakokteill

Trönuberjasafi er ekki bara hollur heldur líka einstaklega bragðgóður og fjölhæfur í kokteila og matseld, hvort sem er einn og sér eða í samsetningu við aðra heilsudrykki og þeytinga. Trönuberjasafi er svo miklu meira en bara drykkur; hann er leið til að heiðra heilsuna, gleðjast í góðum félagsskap og njóta lífsins í hægari takti. Með fallegri framsetningu má svo setja punktinn yfir i-ið.

Innihald:

Klakar
1/3 hluti MUNA Trönuberjasafi
2/3 hluti engiferbjór (án áfengis)
Dass af MUNA hrásykri
Sneiðar af límónu
Fersk mynta

Aðferð:

Stráið hrásykri á disk. Vætið brúnirnar á glasinu með ferskum límónusafa og dýfið henni því
næst ofan í sykurinn til að fá fallega gyllta sykurbrún.
Fyllið glösin af klökum.
Hellið MUNA trönuberjasafa í glösin og toppið upp með engiferbjór.
Skreytið með límónusneiðum og myntu.
Fyrir þá sem vilja taka framsetninguna lengra er einstaklega gaman að búa til sína eigin klaka
og setja í þá til dæmis trönuber eða önnur ber.

Kraftaverkadrykkur fyrir heilsuna

Trönuberjasafi er þekktur fyrir fjölmarga heilsufarslega kosti

Bætir þvagfæraheilsu: Regluleg neysla getur dregið úr líkum á þvagfærasýkingum.
Ríkulegt innihald andoxunarefna: Styður við heilbrigða húð og styrkir ónæmiskerfið.
Lágt sykurinnihald: Hentar vel fyrir þá sem vilja forðast viðbættan sykur.
Gott fyrir hjarta og æðakerfi: Hjálpar til við að draga úr bólgum og bæta kólesterólhlutföll í líkamanum.

Skál fyrir góðri heilsu!

Grænmetisspjót grilluð og tvær grillsósur með

Wed, 30 Jul 2025 09:35:49 GMT

Grænmetisspjót grilluð og tvær grillsósur með

Grænmetið skorið niður í hæfilega stóra bita og raðað á spjótin, öllum innihaldsefnunum í marineringunni blandað saman og penslað á spjótin.

Gott að láta þetta marinerast i um 1 klst fyrir eldun. Grillið við meðalhita í um 15 mínútur og kryddið með rótargrænmetiskryddinu yfir spjótin á grillinu meðan þau grillast.

Púrrulaukssósa

1 dós sýrður rjómi
1/2 dl Toro púrrulaukssúpu pakki

Bearnaisesósa

2 dl kotasæla
1 pakki Toro Bearnaisesósu pakki
2-3 dl mjólk (sósan verður þynnri með meiri mjólk)

Innihald í um 10-12 grillspjót

1 kúrbítur
1 box sveppir
1 rauðlaukur
1 grillostur
brokkolí (gott að gufusjóða það örlítið áður)
paprika

Marinering

1/4 bolli olía
2 msk balsamik edik
2 hvitlauksrif
1 msk dijon sinnep
1 msk pestó
safi úr lime
Salt og pipar frá Kryddhúsinu
Rótargrænmetiskrydd frá Kryddhúsinu

BBQ kjúklingaborgari

Wed, 25 Jun 2025 22:58:38 GMT

BBQ kjúklingaborgari

Uppskrift: Gerum daginn girnilegan

Klassískur réttur sem ég hef gert í mörg ár. Tekur enga stund að útbúa, er svo ljúffengur og allir í fjölskyldunni elska hann. Það er einnig mjög gott að grilla kjúklinginn en annars er afar fljótlegt að elda hann í ofninum.

Innihald:

3 stk kjúklingabringur , skornar í tvennt
1 dl Hunt´s Original BBQ sósa
1 tsk salt
1/4 tsk pipar
cheddar ostsneiðar
salatblöð
tómatar sneiddir
avókado, sneitt
hamborgarabrauð

Innihald: Sósa

1 1/2 dl Heinz majónes
1 tsk hunang
1 tsk gult sinnep
2 msk saxað jalapeno (eftir smekk)
salt og pipar eftir smekk
1/4 tsk laukduft
safi úr 1/2 lime

Aðferð

Skerið kjúklingabringurnar í tvennt. Dreifið BBQ sósunni og kryddið þær með salti og pipar. Penslið BBQ sósunni jafnt yfir kjúklinginn.
Bakið kjúklingabringurnar í ofninum í 25 mínútur við 190°C. Takið þær út og dreifið cheddar ostsneiðum á þær. Haldið svo áfram að baka þær í 5 mínútur eða þar til þær eru eldaðar í gegn.
Á meðan kjúklingurinn eldast, blandið saman Heinz majónesi, hunangi, sinnepi, jalapeno, laukdufti, lime safa, salti og pipar í skál. Smakkið til og kryddið eftir smekk. Geymið í kæli þar til borgararnir eru settir saman.
Þegar kjúklingurinn er tilbúin, dreifið þá sósunni á botninn á hamborgarabrauðið, svo salati, kjúklingi (1-2 bita), tómatsneið, avókadó, meiri sósu og jafnvel meiri bbq sósu. Lokið borgaranum og njótið vel!

Sumarleg vanilluterta með möndlukremi og jarðarberjum

Wed, 25 Jun 2025 22:55:14 GMT

Sumarleg vanilluterta með möndlukremi

og jarðarberjum

Uppskrift: Gerum daginn girnilegan

Þessi vanilluterta er sannkallaður sumardraumur – svo mjúk með djúpu vanillubragði og dásamlegu silkimjúku möndlukremi. Þessi kaka hentar vel í veislur, afmæli eða bara þegar þið viljið fagna sumrinu með einhverju ljúffengu – hér er sumar í hverjum bita, ég lofa!

Innihald: Terta

2,50 bollar hveiti
0,50 bolli maízena mjöl
1,50 bollar sykur
0,50 bolli rapadura hrásykur frá Rapunzel
3 tsk lyftiduft
1 tsk matarsódi
1,50 tsk salt
0,50 tsk vanilluduft frá Rapunzel
1,50 bollar súrmjólk
3 stk egg
1 bolli jurtaolía
3 tsk vanilludropar
0,50 bolli heitt vatn

Innihald: Möndlukrem

120 g vegan smjör eða smjörlíki
120 g mjúkt smjör
2 bollar flórsykur
50 g Möndlu-núggat smyrja frá Rapunzel
0,25 tsk möndludropar
1 tsk vanilludropar
250 g jarðarber + auka til skrauts
Aðrar tegundir af berjum að auki ef vill

Aðferð

Hitið ofninn í 175° blástur og smyrjið þrjú 23 cm kökuform.
Setjið þurrefni í skál og hrærið í með písk. Hellið súrmjólk, eggjum, olíu og vanilludropum saman við og hrærið í með písk. Bætið við heitu vatninu og hrærið saman.
Skiptið deiginu á milli formanna og bakið í 30 mín eða þar til prjóni sem stungið er í miðjuna á botnunum kemur hreinn upp.

Kremið

Á meðan botnarnir kólna er gott að huga að kreminu. Þeytið saman smjör og vegan smjör þar til. Einnig er hægt að nota einungis aðra hvora tegundina ef þið kjósið. Setjið möndlu-núggat smyrjuna saman við og þeytið áfram eða þar til blandan er orðin mjög létt í sér.
Setjið flórsykurinn og dropana saman við og þeytið í alveg 5-7 mín. Eða þar til kremið er orðið létt og ljóst.

Samsetning

Saxið jarðarberin og setjið til hliðar. Setjið einn botn á kökudisk og smyrjið með kremi. Setjið söxuð jarðarber ofan á kremið og leggið annan botn ofan á. Endurtakið.

Litríkt ostborgarasalat með heimagerðri hamborgarasósu

Wed, 25 Jun 2025 22:49:54 GMT

Litríkt ostborgarasalat með heimagerðri hamborgarasósu

Uppskrift: Gerum daginn girnilegan

Hvað ef það væri hægt að fá bragðið af djúsí ostborgara en samt væri það salat? Jú, það er bara hægt og ekki nóg með það, það er fáránlega auðvelt að útbúa það og mjög fljótlegt. Sósan er ekta smassborgara sósa og er í raun það sem gerir salatið svona ótrúlega gott. Hakkið er auðvitað hægt að krydda eftir smekk en þetta er mín uppáhalds kryddblanda með þessu salati. Svo er líka hægt að skipta út grænmetinu eftir smekk en þessi samsetning er sú sem ég set á alvöru ameríska grillborgara þegar ég er í þeim gírnum. Þetta verðið þið bara að prófa!

Innihald: Hamborgarasósan

130 g Heinz létt majónes
2 msk Heinz tómatsósa
1 msk Heinz gult sinnep
56 stk sýrðar dill gúrkur, saxaðar smátt + 1 tsk. af vökvanum
1 msk laukur, smátt saxaður
1 tsk reykt paprikuduft
1 tsk hvítlauksduft
½ tsk sjávarsalt
Nýmalaður svartur pipar eftir smekk

Innihald: Salat

400 g nautahakk
Salt & pipar
1 tsk hvítlauksduft
½ tsk laukduft
1 tsk paprikuduft
Iceberg salat
Tómatar
Rauðlaukur
Sýrðar dill gúrkur í sneiðum
Rifinn cheddar ostur

Aðferð

Byrjið á því að útbúa sósuna. Saxið sýrðu gúrkusneiðarnar og laukinn mjög smátt. Blandið öllum innihaldsefnunum saman í skál og geymið í kæli á meðan salatið er útbúið.
Skerið grænmetið og setjið til hliðar. Magnið fer algerlega eftir smekk.
Hitið steikarpönnu og setjið hakkið á hana þurra, það er óþarfi að setja olíu á hana þar sem fitan í hakkinu nægir.
Kryddið hakkið og steikið þar til það er gegnum steikt.
Raðið grænmeti og hakki á diska eða skálar, stráið cheddar osti yfir og njótið með heimagerðu hamborgarasósunni!

Beyglur með grillosti

Wed, 25 Jun 2025 22:40:21 GMT

Beyglur með grillosti

Uppskrift: Gottímatinn

Þessi réttur er fullkominn í helgarbrunchinn eða einfaldlega þegar þig langar í eitthvað einfalt og gott. Nýbakaðar og mjúkar beyglur með grilluðum grillosti frá MS.

Innihald: Fyrir fjóra

230 g hreint skyr (einn bolli)
140 g hveiti (einn bolli)
10 g lyftiduft (2 tsk)
Eggjahvíta eða egg til penslunar /15 gr

Grillostur

+Grillostur frá MS
+Sweet chilli sósa eftir smekk
+Avocado
+Kál
+Hunang og sesam fræ eftir smekk

Aðferð

Blandið saman innihaldsefnum fyrir beyglurnar.
Ef deigið er mjög klístrað er gott að bæta örlitlu hveiti við.
Skiptið deiginu í fjóra parta og myndið beyglur, það er gott að hafa gatið í miðjunni 3-4cm því það minnkar við bökun.
Setjið beyglurnar á bökunarpappír svo þær festist ekki við bökunarplötuna.
Penslið með eggjahvítu eða eggi og setjið beyglukrydd ofan á hverja beyglu. Ef þú átt ekki beyglukrydd er líka hægt að nota nota sesamfræ, smá sjávarsalt og hvítlaukskrydd.
Bakið við 175°C í um 25 mín í blástursofni.
Grillosturinn er skorinn í sneiðar og steiktur á pönnu eða grillaður á grilli, í um 3-4 mín á hvorri hlið, eða þar til hann er orðinn gylltur.
Tilvalið að hella smá sweet chilli sósu yfir ostinn í lokin.
Ég smurði beygluna með stöppuðu avocado, setti svo kál, grillaða grillostinn og svo setti ég sesamfræ og smá hunang.

BBQ kjúklingasalat með stökkum grillostateningum

Wed, 25 Jun 2025 22:35:31 GMT

BBQ kjúklingasalat með stökkum grillostateningum

Uppskrift: Gottímatinn

Ég er alltaf að leita að nýjum útgáfum af kjúklingasalötum og er algjörlega á því að salat þurfi bara aldrei þýða eitthvað þurrt og bragðlaust. Þetta salat hittir í mark og rúmlega það. Steiktu grillosta bitarnir eru frábærir, einstaklega stökkir og mögulega ávanabindandi. Svona salat uppskrift er svo auðvitað þannig að aðlaga má að smekk hvers og eins hvað fer út í, en svona þykir okkur það best.

Innihald: Fyrir fjóra

1 stk grillostur frá Gott í matinn
8 úrbeinuð kjúklingalæri (ca 700 gr)
1 salatbakki með blönduðu salati
3 tómatar
½ rauðlaukur
½ agúrka
Góð handfylli rifinn ostur
Grill og steikarkrydd eða blandað kjúklingakrydd
BBQ sósa til penslunar

Innihald: Sósa

1 dós 18% sýrður rjómi frá Gott í matinn
2 msk majónes
2 msk BBQ sósa
1 tsk chillimauk t.d. Sambal oelek (eða minna eftir smekk)
1 msk hvítvínsedik
1 tsk hunang eða önnur sæta

Aðferð

Byrjið á að hita ofn í 200 gráður með blæstri. Raðið kjúklingalærunum á plötu, kryddið og bakið í 15 mínútur. Penslið þau þá ríflega með BBQ sósu og bakið áfram í 10 mínútur. (Það má líka grilla lærin, það er ekki síðra).
Gerið sósuna á meðan kjúklingurinn bakast. Hrærið öllum hráefnunum saman í skál og smakkið ykkur áfram með chilli, BBQ sósu og hunangi.
Skerið grillostinn í teninga, svipaða af stærð og brauðteninga. Hitið vel af olíu á pönnu við meðalháan hita og steikið ostinn á öllum hliðum þar til gullinbrúnn og stökkur. Gott er að krydda ostinn eftir steikingu með grill- eða steikarkryddi. Færið ostinn á eldhúspappír.
Setjið salatið saman. Skerið grænmetið og setjið á fallegan salatdisk. Skerið kjúklinginn í strimla og leggið yfir, stráið yfir rifnum osti. Endið á grillostateningunum og toppið með smá sósu. Berið fram strax með auka sósu til hliðar.

Litríkt grískt kjúklingasalat með stökkum grillosti

Wed, 25 Jun 2025 22:28:53 GMT

Litríkt grískt kjúklingasalat með stökkum grillosti

Uppskrift: Gottímatinn

Fallegir sumardagar kalla hreinlega á góð fersk salöt og þetta kom alveg sérstaklega vel út. Mig langaði sem sagt að prófa að raspa niður grillostinn frá MS og steikja á pönnu til að sjá hvernig það kæmi út og ég varð sannarlega ekki fyrir vonbrigðum. Osturinn bráðnar ekki eins og flestir aðrir heldur verður stökkur. Ég gerði því alveg dásamlega bragðgott grískt kjúklingasalat og toppaði það með ostinum. Ég marineraði kjúklinginn í uppáhalds grísku marineringunni minni og setti síðan saman alls konar grænmeti sem ég tengi við Grikkland. Þvílíkt lostæti!

Innihald: Grillaður grískur kjúklingur:

3 kjúklingabringur
60ml ólífuolía
1 msk. rauðvínsedik
4 hvítlauksgeirar, smátt saxaðir
Safi úr 1 sítrónu
1 msk. hunang
1 msk. oregano
1 tsk. sjávarsalt
½ tsk. nýmalaður svartur pipar
1 tsk. þurrkuð mynta

Aðferð

Blandið öllu saman í skál. Setjið kjúklinginn í rennilásapoka og hellið marineringunni yfir. Látið kjúklinginn marinerast í að minnsta kosti 30 mín.
Hitið grillið vel og grillið bringurnar þar til þær eru eldaðar í gegn. Látið mesta hitann rjúka úr þeim og skerið svo í sneiðar.

Innihald: Grillaður grískur kjúklingur:

1 stk. Grillostur frá Gott í matinn
Ferskt salat eftir smekk
Klettasalat
Kokkteiltómatar, magn eftir smekk
½ agúrka, skorin í bita
½ rauðlaukur, þunnt sneiddur
½ avocado í bitum
Svartar ólífur, magn eftir smekk

Aðferð

Byrjið á því að rífa ostinn á grófa hlutanum á rifjárni. Hitið viðloðunarfría pönnu og setjið ostinn út á en ekki byrja strax að hreyfa hann til með spaða. Hann bráðnar aðeins en ekki eins og annar ostur. Byrjið að snúa ostinum við þegar hann fer að brúnast og þá er í lagi að hreyfa hann til og snúa eftir smekk.
Ég notaði spaðann til þess að skera í sundur stærri bita. Steikið ostinn þar til hann er orðinn gullinbrúnn og stökkur. Setjið til hliðar.
Skerið grænmetið og blandið salatinu í skál. Setjið kjúklinginn yfir og toppið með Grillostinum.

Samloka með mozzarella og kjúkling

Wed, 30 Apr 2025 08:53:43 GMT

Samloka með mozzarella og kjúkling

Uppskrift: Gottímatinn

Góðar kjúklingasamlokur standa alltaf fyrir sínu og þær smellpassa við hin ýmsu tilefni. Hér fær ferskur mozzarella ostur að njóta sín og við leyfum okkur að fullyrða að hér sé komin samsetning sem er með þeim betri.

Innihald

2 skammtar

1 stk. baguette brauð
1 stk. kjúklingabringa, elduð
2 stk. mozzarella kúlur, stórar
klettasalat, handfylli
1 stk. stór tómatur
dijon sinnep
rautt pestó
salt og pipar

Aðferð

Skerið baguette brauðið í tvennt eftir endilöngu.
Smyrjið Dijon sinnepi á annan helminginn og rauðu pestói á hinn helminginn.
Skerið Mozarella ostinn í þykkar sneiðar, rífið eða skerið kjúklinginn niður og skerið tómatana í sneiðar.
Raðið álegginu á brauðið ásamt klettasalati, saltið og piprið og leggið saman.

Salat með mozzarella perlum, jarðarberjum og stökkri parmaskinku

Wed, 30 Apr 2025 08:45:38 GMT

Salat með mozzarella perlum, jarðarberjum

og stökkri parmaskinku

Uppskrift: Gottímatinn

Vetur, sumar, vor og haust - það er alltaf rétta árstíðin fyrir gott salat. Mozzarellaperlurnar smellpassa með ljúffengri dressingunni, ferskum jarðarberjum og stökkri parmaskinkunni.

Innihald

2 skammtar

1 bakki blandað salat
250 g fersk jarðarber
4 stk. parmaskinka, stórar sneiðar
1 stk. avocado
1 dós mozzarella perlur
Salatdressing
2 msk. sýrður rjómi 18% frá Gott í matinn
2 msk. ólífuolía
2 msk. sítrónusafi
1 msk. hunang
salt og pipar

Aðferð

Leggið parmaskinkusneiðar á ofnplötu með bökunarpappír og bakið í 175 gráðu heitum ofni þar til skinkan er stökk, u.þ.b 10-15 mínútur.
Skerið niður salat, jarðarber og avocado og setjið í fallegar skálar eða eina stóra salatskál.
Pískið öllu hráefninu í salatdressinguna saman og dreifið yfir salatið.
Toppið að lokum með stökkri skinkunni og mozzarella perlum.

Sítrónu spagettí með humri og burrata

Wed, 30 Apr 2025 08:31:56 GMT

Sítrónu spagettí með humri og burrata

Uppskrift: Gottímatinn

Léttur og vorlegur pastaréttur sem allir í fjölskyldunni munu elska! Ljúffengt sítrónusmjörið passar fullkomlega með bökuðum tómötum, humri og burrata, nammi namm!

Innihald

4 skammtar

300 g litlir tómatar
400 g spagettí eða linguine pasta
500 g skelflettur humar
1 stk. sítróna (skorin í þunnar sneiðar)
4 stk. hvítlauksgeirar
smjör til steikingar
ólífuolía
salt og pipar

Toppur

ferskt basilpestó (grænt pestó)
ristaðar furuhnetur
söxuð basilíka
4 stk. litlar burrata kúlur (við stofuhita)

Meðlæti

hvítlauksbrauð

Skref1

Hitið ofninn í 200°C.
Setjið tómatana í eldfast mót, hellið um 2 msk. af ólífuolíu yfir, rífið 2 hvítlauksrif saman við, saltið og piprið.
Bakið í ofninum í 20 mínútur á meðan þið undirbúið annað.

Skref2

Sjóðið spagettíið í söltu vatni.
Smjörsteikið humarinn á meðan og rífið 2 hvítlauksrif yfir hann í lokin, saltið og piprið.
Takið humarinn af pönnunni, bætið á hana smjöri (um 2 msk.), ólífuolíu (um 2 msk.) og sítrónusneiðum, leyfið að malla við meðalhita þar til sneiðarnar mýkjast upp.

Skref3

Bætið spagettínu saman við sítrónusmjörið og veltið upp úr því, fjarlægið svo sítrónusneiðarnar sjálfar.
Raðið síðan saman á disk; spagettí, bökuðum tómötum, smjörsteiktum humri, pestó, furuhnetum, basilíku og síðast en ekki síst lítilli burrata kúlu.
Njótið sem fyrst með góðu hvítlauksbrauði.

Páskalamb Kjarnafæði

Tue, 15 Apr 2025 18:00:46 GMT

Páskalamb Kjarnafæði

Íslenskt heiðalæri - Hefðbundin veisla með nútímalegu ívafi

Uppskrift: Kjarnafæði

Þessi hátíðlega uppskrift að páskalambi frá Kjarnafæði sameinar hefðbundna íslenska matargerð við nýstárlegar útfærslur. Lambakjötið er borið fram með ljúffengri foyot-sósu, stökkum „roasties“ kartöflum, sveppa- og laukasalati ásamt steiktu brokkólíní og blaðkáli með ostinum Feyki. Fullkominn réttur fyrir veisluhöld um páskana.

Heiðarlamb

1stk Lambalæri frá kjarnafæði
4 stk Greinar rósmarín
10 stk greinar Timian
5 msk borð edik
5 msk olía
2 stk Gulur laukur

Aðferð

Byrjað er á að hita ofn í 220c.
Laukurinn er skorinn hringi og lagt í steikingarfat og kryddað með salti.
Lamb er lagt ofan á laukinn og síðan kryddað með olíu, edi, salt og pipar
Sett inn í ofn á 220 c í 30 min, síðan er lækkað ofninn í 150c og leyft að dóla í 1 klst í viðbót.
Mikilvægt er að leyfa hvíla í allavega 20 min áður en er skorið.

Foyot sósa

300g Brætt smjör
1 stk Egg
1 stk Eggjarauða
1stk Shallot laukur
5stk stilkar af estragon
200g Hvítvínsedik
10stk Piparkorn
2 stk Rósmarín greinar
½ Msk dijon sinnep
1 Msk Saxað estragon
1 msk Nautasoð kraftur í vökvaformi
Salt og pipar

Aðferð

Byrja á að búa til essens, þá seturu hvítvíns edik, saxaðan shallot, estragon stilkar,pipar og rósmarín, sjóða niður um helming og svo sigta.
Smjörið er brætt og á meðan eru eggin pískuð yfir vatnsbaði með salti, dijon og edik essens þangað til eggin líta út eins og tilbúinn bernaise, passa þarf að ofnelda ekki.
Smjörið er helt hægt yfir egginn og pískað vel á meðan og svo krydda með soð kraftinum og salt og pipar

“Roasties” kartöflur

6 stk Kartöflur
500g Repjuolía
2 stk hveitlauksgeirar
2 msk saxaður graslaukur
Salt

Aðferð

Byrjað er að afhýða kartöflurnar og skera hverja kartöflu í 6 bita.
Síðan soðið í saltvatni þangað til eldaðar í gegn, vatnið er sigtað frá og leyft kartöflunum að hvíla í 10 mín í pottinum. Svo eru kartöflurnar hristar þangað til að utanverð húðin verði hrúf.
Best er að leyfa kartöflunum að þorna yfirnótt.
Í ofnfast form er olíunni bætt við og sett inn í ofn á 190c, þegar olían er orðin heit þá eru kartöflunum bætt við og sett inn í ofn, passa að snúa kartöflunum á 10 min fresti þangað til crispy.
Í lokin er saxaður hvítlaukur og graslaukur bætt við og klárað með salti

Sveppi og confit lauk salat

2 Pakkar shitake sveppir
1 Pakki enoki sveppir
2 msk smjör
Allur laukurinn sem var eldaður með lambinu

Aðferð

Sveppir eru steiktir á pönnu með smjöri þangað til gullnin brúnir, síðan er laukinum bætt við og borið fram.

Steikt brokkolini og pak choi með feykir osti

1 Pakning brokkolini
1 Pakning pak choi
2 Msk hvítvíns edik
Sítrónu zest af hálfri sítrónu
Feykir ostur

Aðferð

Pak Choi og brokkolini er steikt á pönnu í sitthvoru lagi þangað til eldað.
Síðan í skál er ediki og sítrónu bætt við, síðan toppað með nóg af rifnum feykir osti

Páska súkkulaðimús

Tue, 08 Apr 2025 08:02:42 GMT

Páska súkkulaðimús

Uppskrift: ljúfalíf

Innihald

Allt sem þú þarft fyrir þessa uppskrift

Hindberja sulta

300 g frosin hindber
100 g sykur
Safi úr ½ sítrónu

Dökk Súkkulaðimús

90 g rjómi
70 g mjólk
20 g sykur
1 eggjarauða
150 g BARON súkkulaði
Nokkrar klípur af sjávarsalti
450 g þeyttur rjómi

Samsetning

4 kassar rjómasúkkulaði egg nr 1 (16 páskaegg)
Hindber

Leiðbeiningar

Fylgdu skrefunum og þá gengur allt eins og í sögu

Hindberja sulta

Setjið hindberin og sykur í pott og hrærið yfir miðlungs hita í 5-10 mín eða þar til að öll berin hafa maukast og sultan virðist þykkari.
Hellið síðan í krukku eða skál og leyfið alveg að kólna.

Dökk Súkkulaðimús

Hrærið rjóma, mjólk, sykur og eggjarauðum í pott og færið síðan yfir á lágan hita og hrærið stöðugt þar til blandan byrjar að þykkjast smá eða komin upp í 65-70 C.
Takið af hitanum og hellið í gegnum sigti yfir súkkulaði og sjávar salt.
Leyfið að standa í 5 mín.
Hrærið síðan með töfrasprota og hellið í miðlungs skál.
Þeytið 450g. Rjóma þar til að hann er frekar stífþeyttur.
En ekki of mikið því þá breytist hann í smjör.
Hrærið súkkulaði blöndunni saman við rjóman í 2-3 skömmtum með písk og svo með sleikju.
Færið síðan músina í sprautu poka með stjörnu stút og notið strax.

Sametning

Takið páskaeggin úr pakkningunum og skerið varlega toppinn á páskaeggjunum með beittum hníf.
Komið eggjunum fyrir í eggjabakka svo að þau standa upprétt.
Fyllið síðan botninn með smá hindberjasultu og sprautið síðan súkkulaði músinni með sprautupoka ofan í.
Kælið inn í ískáp í 2 klst eða yfir nótt.
Áður en er borið fram er hægt að setja hindber ofan á hverja og eina mús.

Biscoff ostakaka

Tue, 08 Apr 2025 07:56:09 GMT

Biscoff ostakaka

Uppskrift: gottimatinn

Hér á ferðinni er ofureinföld og undurljúffeng ostakaka! Guðrún Veiga gerði þessa uppskrift fyrir einhverju síðan og ég setti hana á listann minn og loksins náði ég að prófa! Það eina sem ég get sagt er „af hverju prófaði ég hana ekki fyrr“!

Innihald

Einn skammtur

Botn

1 pk. - LU Bastogne kanilkex
100 g - smjör, brætt

Fylling og skraut

100 g - rjómaostur frá Gott í matinn
150 g - Biscoff smyrja + 2 msk. til að skreyta með
50 g - flórsykur
2 tsk. - vanillusykur
400 ml - rjómi frá Gott í matinn, þeyttur

B otn

Myljið kexið niður í blandara þar til áferðin minnir á sand.
Hellið smjörinu yfir og blandið vel saman.
Setjið bökunarpappír í botninn á 18-20 cm smelluformi og spreyið hliðarnar að innan með matarolíuspreyi.
Hellið kexmylsnunni í botninn og ýtið upp hliðarnar til að gera smá kant.
Kælið á meðan annað er undirbúið.

Ostakökufylling og skraut

Þeytið saman rjómaost og Biscoff smyrju.
Bætið næst flórsykri og vanillusykri saman við og þeytið aðeins áfram.
Vefjið að lokum þeytta rjómanum varlega saman við með sleikju og hellið blöndunni síðan í smelluformið og sléttið úr.
Kælið í nokkrar klukkustundir eða yfir nótt.
Skreytið með því að mylja smá kanilkex á kantinn og hitið 2 msk. af Biscoff smyrju og setjið yfir.

Brauðterta með ostasalati

Tue, 08 Apr 2025 07:48:33 GMT

Brauðterta með ostasalati

Uppskrift: gottimatinn

Hér sameinast eitthvað það besta og vinsælasta á veisluborðum, brauðtertan og ostasalatið og útkoman er stórkostleg. Það er um að gera að nota þá osta sem ykkur þykja bestir, en í þessari uppskrift fær Dala Camembert að njóta sín ásamt kryddostum. Það er líka gaman að bera þessa tertu fram fyrir grænmetisætur þar sem hún inniheldur ekkert kjöt eða fisk eins og algengt er með brauðtertur.

Innihald

Einn skammtur

2 stk. - rúllutertubrauð eða 1 hefðbundið brauðtertubrauð
2 stk. - Dala Camembert
1 stk. - hvítlauksostur frá MS
1 stk. - piparostur frá MS
1 stk. - græn paprika
1 stk. - stór rauðlaukur
20-30 - rauð eða græn vínber
góð handfylli fersk steinselja
3 dósir - sýrður rjómi 18%
2 dl - majónes
Spírur, graslaukur, rauðlaukur, tómatar og steinselja til skrauts

Skref 1

Látið brauðtertubrauðið þiðna við stofuhita á meðan þið gerið salatið.
Skerið ostana, grænmetið og vínberið í mjög smáa bita, saxið steinseljuna.
Blandið þessu öllu saman við 2 dósir af sýrðum rjóma og 1 dl majones (geymið eina dós af sýrðan rjóma og 1 dl majónes til að smyrja utan á tertuna).

Skref 2

Ef þið viljið gera hringlaga brauðtertu eru skornir fjórir jafnir hringir úr rúllutertu-brauðinu. Ég nota botn á tertuformi til viðmiðunar.
Leggið brauðið á disk og smyrjið ostasalatinu jafnt á þannig að þið fáið þrjár hæðir af salatinu.
Leggið að lokum brauð efst.

Skref 3

Hrærið saman 1 dl af majónesi við eina dós af sýrðum rjóma og smyrjið vel yfir tertuna og niður allar hliðar.
Tertan geymist vel í ísskáp í sólarhring.
Skreytið tertuna að vild og berið fram.

Krönsí hafrakúlur

Sat, 18 Jan 2025 07:53:09 GMT

Krönsí hafrakúlur

Uppskrift í samstarfi við NÓI

Hér kemur glæný uppskrift frá vinum okkar í Nóa sem er algjörlega frábær að prófa í byrjun árs. Hérna er Kellogg´s All bran í aðalhlutverki, en þessa og fleiri gómsætar uppskriftir má finna inn á uppskriftarvef Nóa, Ljúfa líf .

Innihaldsefni

Allt sem þú þarft fyrir þessa uppskrift (Uppskrift dugar í 15-18 stk)

100 g Kellogg‘s All Bran
80 g grófir hafrar
40 g kókosmjöl
1 msk. Síríus kakóduft
1 msk. chiafræ
140 g hnetusmjör
50 g kókosolía (brædd)
1 tsk. vanilludropar
40 g Síríus 70% súkkulaði

Leiðbeiningar

Fylgdu skrefunum og þá gengur allt eins og í sögu

Setjið All Bran í blandarann í um 15 sekúndur og hellið duftinu síðan í skál.
Bætið öllum öðrum hráefnum nema 70% súkkulaði saman við og blandið vel saman.
Kælið í hálfa til eina klukkustund og mótið/þjappið síðan saman í kúlur sem eru um ein matskeið á stærð.
Bræðið 70% súkkulaðið og setjið það óreglulega yfir kúlurnar og kælið þar til súkkulaðið storknar.
Geymið í kæli í vel lokuðu íláti eða setjið í frysti.

MUNA Bláberjagrautur

Sat, 18 Jan 2025 07:41:49 GMT

MUNA Bláberjagrautur

Uppskrift í samstarfi við MUNA

Hér höfum við alveg einstaklega góðan MUNA hafragraut sem inniheldur meðal annars bláber, banana, möndlur og auðvitað hafra. Hann er sætur og góður á bragðið án þess þó að innihalda neinn sykur.

Ég geri þennan graut reglulega fyrir son minn en hann er einn af þessum sem venjulega þolir ekki hafragraut, en hann alveg elskar þennan sem mér finnst segja mikið um ágæti þessa hrafragrauts.

Hægt er að bæta kollagenduft eða próteini út í grautinn fyrir þá sem það kjósa. Þetta er mjög hollur grautur sem nærir líkama og sál.

Innihaldsefni

Allt sem þú þarft fyrir þessa uppskrift

1 dl MUNA haframjöl
10 stk MUNA möndlur
1 banani
1 dl frosin bláber
1 msk MUNA hampfræ
1/2 msk MUNA möndlur
1/2 tsk MUNA kanill
3 dl möndlumjólk
1 tsk MUNA möndlusmjör
Fersk bláber til að setja ofan á grautinn

Leiðbeiningar

Fylgdu skrefunum og þá gengur allt eins og í sögu

Setjið haframjöl í pott, saxið möndlurnar og bætið í pottinn.
Skerið 1/3 af banananum í sneiðar og bætið út í pottinn ásamt frosnum bláberjum, hampfræjum, hörfræjum, kanil og möndlumjólk.
Hrærið öllu saman og leyfið að malla við lágan hita í örfáar mínútur þar til grauturinn hefur samlagast.
Setjið grautinn í skál og toppið með bananasneiðum, möndlusmjöri, ferskum bláberjum og jafvel aðeins meira af söxuðum möndlum.

Mozzarella fiskréttur

Sat, 18 Jan 2025 07:34:39 GMT

Mozzarella fiskréttur

Uppskrift í samstarfi við MS

Þessi fiskréttur er svo fljótlegur og góður, akkúrat það sem maður þarf í miðri viku. Pestóið og mozzarella osturinn gefa svo gott bragð. Með þessum rétti er gott að vera með hrísgrjón eða bankabygg.

Innihaldsefni

Allt sem þú þarft fyrir þessa uppskrift (fyrir 4 - 5 manns.)

860 g ýsuflök
180 g rautt pestó
1 dós mozzarella perlur
10 - 12 döðlur
basilika handfylli
salt og pipar

Leiðbeiningar

Fylgdu skrefunum og þá gengur allt eins og í sögu

Þú byrjar á því að skola fiskinn og þerra, skerð svo flökin niður í hæfilega stóra bita.
Raðar fisknum í botninn á eldföstu móti og kryddar fiskinn með salti og pipar.
Setur rauða pestóið yfir fiskinn og dreifir því vel yfir alla bitana.
Skerð döðlurnar í bita og raðar yfir fiskinn.
Þú setur svo mozzarella kúlurnar yfir fiskinn ásamt niðurskorinni ferskri basiliku.
Rétturinn er svo hitaður við 180 gráður í 25 mínútur.
Á meðan er tilvalið að sjóða hrísgrjón, útbúa salat eða hvítlauksbrauð.

Rjómalöguð tómatsúpa og grillað ostabrauð

Sat, 18 Jan 2025 07:27:49 GMT

Rjómalöguð tómatsúpa og grillað ostabrauð

Uppskrift í samstarfi við MS

Ef þú ert að leita þér af gómsætri og einfaldri uppskrift þá er þessi fyrir þig. Bragðgóð súpa með grillaðri ostasamloku sem er algjörlega kjörið að bera fram á köldum vetrardegi.

Innihaldsefni

Allt sem þú þarft fyrir þessa uppskrift (fyrir 4)

5 stórir vel þroskaðir tómatar (u.þ.b. 750 g)
3-4 hvítlauksrif
1 stór rauðlaukur
3 msk. ólífuolía
1 msk. balsamikedik
2 msk. tómatpaste
1 dós maukaðir tómatar
500 ml heitt vatn
1 msk. grænmetiskraftur eða 1 grænmetisteningur
1 dós rjómaostur með tómötum og basilíku frá MS
150 ml rjómi frá Gott í matinn
fersk basilíka
salt og pipar

Grillaðar ostasamlokur:

8 sneiðar hvítt súrdeigsbrauð
mjúkt smjör
bragðmikill ostur að eigin vali, t.d. Óðals Tindur eða Búri

Leiðbeiningar

Fylgdu skrefunum og þá gengur allt eins og í sögu

Hitið ofn í 200 gráður.
Setjið gróft skorna tómatana, lauk og heil hvítlauksrif í fat, hellið ólífuolíu og ediki yfir, saltið og piprið og bakið í 30-40 mínútur.
Færið bakað grænmetið yfir í stóran pott, bætið út í einni dós af tómötum, tómatpaste, vatni, grænmetiskrafti og hitið aðeins.
Maukið með töfrasprota ef þið viljið flauelsmjúka áferð á súpuna, en sleppið annars.
Bætið út í rjómaostinum ásamt rjóma og ferskri basilíku eftir smekk.
Smakkið til með salti og pipar.
Ef ykkur finnst súpan of þykk má þynna með meira vatni.
Gerið samlokurnar.
Leggið tvær brauðsneiðar saman með nóg af osti á milli.
Smyrjið samlokurnar að utan með smjöri og steikið á báðum hliðum á meðalheitri pönnu þar til osturinn hefur bráðnað.
Berið fram með súpunni.

Fylltar sætar kartöflur með ostakubbi

Sat, 18 Jan 2025 07:19:58 GMT

Fylltar sætar kartöflur með ostakubbi

Uppskrift í samstarfi við MS

Þessi uppskrift er alveg dásamlega góð og næringarrík, hentar bæði sem aðalréttur eða sem meðlæti með kjöti eða fiski.

Innihaldsefni

Allt sem þú þarft fyrir þessa uppskrift

2 sætar kartöflur
ostakubbur frá MS 250 g
2 - 3 msk. ólífuolía
litlir tómatar
2 - 3 hvítlauksrif
fersk basilika
balsamik gljái

Leiðbeiningar

Fylgdu skrefunum og þá gengur allt eins og í sögu

Magnið á mann af þessum rétti er ansi misjafnt og fer svolítið eftir stærð kartöflunnar, ef þú ert með litlar kartöflur er alveg óhætt að gera ráð fyrir einni á mann en ef þú ert með stórar gæti ein dugað fyrir tvo.
Sætu kartöflurnar eru fyrst hitaðar í ofni í um 40 mínútur við 200 gráður.
Þær svo teknar út, skornar í tvennt og tekið aðeins innan úr þeim til að búa til pláss fyrir ostakubbinn.
Hver helmingur er kryddaður með salti og pipar ásamt því að örlítilli ólífuolíu er hellt yfir kartöflurnar.
Ostakubburinn er skorinn í 4 bita, en magnið í hvern helming af sætu kartöflunni fer þó algjörlega eftir smekk hvers og eins og einnig stærð kartöflunnar.
Osturinn skorinn í bita og settur ofan í kartöfluna.
Litlir tómatar skornir í tvennt og raðað þar ofan á.
Hvítlauksrif niðurskorið eða kramið sett yfir, magn fer eftir smekk.
Kartöflurnar eru svo bakaðar aftur í um 40 mínútur við 200 gráður.
Þá ætti kartaflan að vera orðin mjúk.
Setjið ferska basilíku yfir hvern helming ásamt balsamik gljáa áður en rétturinn er borinn fram.

Poke skál með kjúklingi og salatosti

Sat, 18 Jan 2025 07:12:09 GMT

Poke skál með kjúklingi og salatosti

Uppskrift í samstarfi við MS

Það er alltaf gaman að gera eitthvað nýtt og ef ekki að nýta janúar til að prófa hollar uppskriftir þá veit ég ekki hvenær. Hér er á ferðinni poke skál með gómsætum hráefnum en fólki er að sjálfsögðu frjálst að nota annað grænmeti og svo má líka prufa að skipta kjúklingi út fyrir lax, rækjur eða annað sem ykkur lystir.

Innihaldsefni

Hráefni duga í 4-5 skálar

300 g sushigrjón (+salt,hrísgrjónaedik og sykur)
800 g kjúklingabringur
150 g teriyaki sósa með hvítlauk + meira til að bera fram með
350 g edamame baunir
1 stórt mangó
4 x avókadó
400 g gulrætur
1 x lime
1 krukka salatostur frá Gott í matinn
½ blaðlaukur, kóríander og sesamfræ til skrauts
Ólífuolía
Kjúklingakrydd

Leiðbeiningar

Fylgdu skrefunum og þá gengur allt eins og í sögu

Sjóðið hrísgrjónin samkvæmt leiðbeiningum á pakka og leyfið að ná stofuhita.
Skerið kjúklinginn í bita og steikið upp úr ólífuolíu + kjúklingakryddi. Hellið teriyaki sósunni yfir í lokin þegar kjúklingurinn er gegnsteiktur og leyfið að hitna í gegn.
Það má einnig stytta sér leið og kaupa eldaðar kjúklingabringur, skera í bita og hita í olíu á pönnu, hella síðan teriyaki sósunni yfir.
Gufusjóðið edamame baunirnar, rífið gulrætur niður og skerið mangó og avókadó í bita.
Raðið saman í skál eins og ykkur lystir. Hrísgrjónin eru grunnurinn og síðan er gott að hafa vel af kjúklingi. Grænmeti má síðan skammta sér eftir smekk og toppurinn yfir I-ið er að setja vel af salatosti til að njóta með réttinum.

Basil & Engifer Kollagen Smoothie

Sat, 18 Jan 2025 07:04:03 GMT

Basil & Engifer Kollagen Smoothie

Uppskrift í samstarfi við Feel Iceland

Möguleikarnir eru endalausir, ég nota kollagenduftið í ýmsa drykki, boozt, súpur, dressingar, orkubita og fleira til að fá auka gæða prótein á hverjum degi. Mælum með þessum holla og næringarríka moothie @janast

Uppskrift

2 kubbar frosið spínat
Handfylli af grænkáli
1/2 box basilíka
1 epli kjarnhreinsað
1 msk collagen duft frá Feel Iceland @feeliceland
Safi úr 1/2 sítrónu
Góður bútur engifer
2 bollar vatn

Allt sett í blandara og blandað vel saman.

Rjómasúkkulaðimús

Mon, 23 Dec 2024 08:47:21 GMT

Rjómasúkkulaðimús

Uppskrift í samstarfi við ljufalif.is / Nói

Rjómasúkkulaðiunnendur takið eftir! Hér kemur ein sú einfaldasta og ljúffengasta uppskrift af súkkulaðimús þó víða væri leitað!

Innihaldsefni

Allt sem þú þarft fyrir þessa uppskrift

Súkkulaðimús

300 g Síríus rjómasúkkulaði
500 ml rjómi
¼ tsk. salt
1 tsk. vanilludropar

Toppur/skreyting

250 ml þeyttur rjómi
50 g Síríus suðusúkkulaði með karamellu og sjávarsalti
Hindber

Leiðbeiningar

Fylgdu skrefunum og þá gengur allt eins og í sögu

Súkkulaðimús

Saxið súkkulaðið niður.
Hitið 250 ml af rjómanum að suðu og hellið yfir súkkulaðið ásamt saltinu.
Pískið saman þar til allt súkkulaðið er bráðið.
Bætið þá restinni af rjómanum sem ekki var hitaður saman við í mjórri bunu og hrærið vel saman ásamt vanilludropunum.
Þegar búið er að píska blönduna vel saman má setja lok á skálina og kæla blönduna í að minnsta kosti 4 klukkustundir eða yfir nótt.
Hellið þá kældri blöndunni í hrærivélarskálina og þeytið þar til áferðin minnir á léttþeyttan rjóma.
Skiptið niður í skálar/glös og skreytið.

Toppur/skreyting

Sprautið þeyttum rjóma yfir hverja súkkulaðimús.
Saxið suðusúkkulaðið niður og skreytið með því ásamt hindberjum.

Marengstertukrans með smá Nóa kroppi

Mon, 23 Dec 2024 08:40:20 GMT

Marengstertukrans með smá Nóa kroppi

Uppskrift í samstarfi við ljufalif.is / Nói

Innihaldsefni

Allt sem þú þarft fyrir þessa uppskrift

4 eggjahvítur
¼ tsk cream of tartar
¼ tsk salt
60 g púðursykur
200 g sykur
500 ml rjómi – notað á tveimur stöðum í uppskriftinni, skipt í 400 ml og 100 ml
150 g smá Nóa Kropp
200 g Síríus suðusúkkulaði með myntubragði
Skraut: Granateplakjarnar og ferskt rósmarín

Leiðbeiningar

Fylgdu skrefunum og þá gengur allt eins og í sögu

Kveikið á ofninum og stillið á 140°C og undir+yfir hita.
Setjið eggjahvítur í tandurhreina skál ásamt cream of tartar og salti, þeytið þar til byrjar að freyða.
Bætið þá púðursykrinum og sykrinum saman við rólega og þeytið þar til eggjahvíturnar ná alveg stífum toppum.
Teiknið 30 cm hringi á smjörpappír og snúið við smjörpappírnum svo pennastrikið snúi niður.
Setjið marengsdeigið í sprautupoka með stórum opnum stjörnustút.
Sprautið nokkra hingi á pennastrikið svo myndist krans.
Bakið í 50 mín og slökkvið þá á ofninum en ekki taka botnana úr ofninum fyrr en þeir eru orðinir alveg kaldir.
Hægt er að gera botninn með allt að viku fyrirvara.
Setjið myntusúkkulaðið í pott og bræðið með 1 dl rjóma, leyfið blöndunni að kólna.
Þeytið rjómann, setjið 1 msk af rjóma á kökudiskinn undir marengsinn svo að hann haldist betur á sínum stað á diskinum.
Bætið smá Nóa Kroppinu út í og blandið saman með sleikju.
Setjið rjómann ofan á marengsinn, dreifið kældri súkkulaðisósunni yfir rjómann.
Skreytið með granateplakjörnum og rósmarín.

Rækjukokteill

Thu, 19 Dec 2024 17:20:07 GMT

Rækjukokteill

Uppskrift í samstarfi við Gotterí og gersemar

Rækjukokteil er hægt að gera í ýmsum útfærslum! Hann er einfaldur og afar klassískur forréttur/smáréttur og hér kemur mín útgáfa af slíkum, fersk og undur ljúffeng!

Rækjukokteill fyrir 6 manns

Rækjukokteill uppskrift

500 g stórar rækjur
1 sítróna (safinn)
1 mangó
1 avókadó
½ rauðlaukur
2 msk. kóríander
2 hvítlauksrif (rifin)
Salt og pipar eftir smekk
Salat til að skreyta með
Chilli majónes (sjá uppskrift hér að neðan)

Skolið og þerrið rækjurnar vel.
Skerið mangó og avókadó smátt niður og saxið rauðlauk og kóríander.
Kreistið sítrónusafann yfir rækjurnar og blandið síðan öllum öðrum hráefnum saman við.
Blandið öllu vel saman og skiptið niður í falleg glös á fæti.
Skreytið með kálblaði og toppið með chilli majónesi.

Sósa með rækjukokteil uppskrift

100 g sýrður rjómi
100 g majónes
2 msk. Sriracha sósa
Salt og pipar eftir smekk

Pískið allt saman í skál og njótið með rækjunum.

Hátíðarís með hvítu súkkulaði & piparkökum

Wed, 11 Dec 2024 11:44:24 GMT

Hátíðarís með hvítu súkkulaði og piparkökum

Uppskrift í samstarfi við Gott í matinn

Það er hefð á mörgum heimilum að útbúa ís fyrir jólin. Margir halda sig við sömu uppskriftina sem hefur gengið í erfðir kynslóðanna á milli en aðrir vilja prófa eitthvað nýtt á hverju ári. Ég tilheyri síðari hópnum en mér finnst ótrúlega gaman að prófa nýjar uppskriftir og hef sjaldnast það sama í jólamatinn.

Hráefni

3 stk.egg, aðskilin
50g sykur
100g hvítt súkkulaði
300g jólarjómi frá Gott í Matinn
150g muldar piparkökur

Aðferð

Aðskilið eggin, setjið rauðurnar í skál ásamt sykri. Setið hvíturnar í aðra.
Bræðið hvíta súkkulaðið í vatnsbaði. Takið af hitanum um leið og það er bráðið og látið mesta hitann rjúka úr. Hvítt súkkulaði bráðnar við vægan hita svo varist að hafa of heitt undir.
Þeytið eggin og rauðurnar mjög vel eða þar til mjög létt og ljóst.
Stífþeytið þá rjómann í einni skál og þeytið hvíturnar í annarri þar til þær eru orðnar alveg stífar og hægt að hvolfa skálinni án þess að þær leki úr.
Blandið hvíta súkkulaðinu við rauðurnar með sleikju. Blandið þá rjómanum saman við með sleikjunni.
Blandið því næst þeyttu eggjahvítunum varlega saman við.
Myljið piparkökurnar, ég setti þær í rennilásapoka og rúllaði yfir með kökukefli. Gott að hafa stærri bita með.
Blandið piparkökunum saman við að síðustu með sleikjunni. Setjið ísinn í litlar skálar eða eitt stórt form og frystið í að minnsta kosti 12 tíma.

Mér finnst samt mikilvægt að eftirrétturinn henti öllum á heimilinu og þessi ís er tilvalinn fyrir alla fjölskylduna. Hann er ótrúlega léttur í sér og piparkökurnar og hvítt súkkulaðið passar sérstaklega vel saman. Aðferðin við ísgerðina gerir það að verkum að hann er eins léttur í sér og raun ber vitni. Ég nota nefnilega eggjahvíturnar líka en ég stífþeyti þær og blanda þeim svo varlega saman við ísblönduna. Þennan verðið þið bara að prófa!

Mozzarella popp

Sat, 12 Oct 2024 12:57:58 GMT

Mozzarella popp

Uppskrift í samstarfi við Gott í matinn

Ótrúlega sniðugt og öðruvísi ostasnakk sem kemur skemmtilega á óvart!

Hráefni

2 stk.egg
2 dlpanko brauðrasp
2 tsk.ítölsk kryddblandamozzarella
Perlursalt og
Piparolía

Aðferð

Hrærið saman egg og smá salt og pipar.
Setjið brauðrasp í skál ásamt ögn af salti og pipar, hrærið saman.
Takið Mozzarella perlu og dífið í eggin og látið leka aðeins af þeim.
Veltið ostinum upp úr raspinum og leggið til hliðar. Gerið þetta við allar perlurnar.
Setjið mataroíu í pott og hitið. Djúpsteikið ostinn í 30-60 sekúndur eða til perlurnar taka á sig gylltan lit.
Berið fram með góðri pastasósu.

Svo er ekkert annað í stöðunni nema njóta!

Ostanesti - Góðostaspjót

Sat, 12 Oct 2024 10:44:18 GMT

Ostanesti - Góðostaspjót

Uppskrift í samstarfi við Gott í matinn

Frábær hugmynd að hollu og einföldu nesti í skólann eða ferðalagið!

Hráefni

Góðostur 17% í sneiðum
Brauðsneiðar
Paprika
Vínber
Tómatar
Skinka
Spjót

Aðferð

Setja saman brauð með 3 ostsneiðum
Burt með skorpuna og skera í 4 hluta
Raða saman fjölbreyttum útfærslum af brauði með ost, vínberjum, papríku, skinku eftir smekk!

Svo er ekkert annað í stöðunni nema njóta!

Pylsur í brauði

Thu, 26 Sep 2024 16:16:36 GMT

Pylsur í brauði

Uppskrift í samstarfi við Gotterí & Gersemar

Þessi frábæra og undursamlega uppskrift var útbúin í fyrra fyrir bókina „ Börnin baka “ en endaði þó hins vegar ekki í þeirri bók! Málið er hreinlega þannig að á einhverjum tímapunkti í Indesign yfirferð hef ég eytt opnunni þar sem þessa uppskrift var að finna! Þetta er klárlega ein besta uppskriftin að mati Elínar Heiðu og fengum við fyrst sjokk þegar við komumst að þessu en síðan vissi þetta auðvitað enginn nema við svo það var ekki annað hægt en að hlægja bara að þessu, enda búið að prenta nokkur þúsund eintök af bók með enga pylsubrauðsuppskrift, hahahaha!

Hráefni

20 bitar

2120 g smjör
350 ml nýmjólk
1 poki þurrger (11,8 g)
100 g sykur
670 g hveiti
1 tsk. salt
1 pískað egg
10 pylsur
Heinz Nass tómatsósa

Aðferð

Bræðið smjörið í potti og hellið mjólkinni saman við þegar bráðið. Hitið saman við vægan hita þar til ylvolgt (hægt er að setja fingurinn ofan í án þess að finnast blandan heit).
Hellið mjólkurblöndunni þá yfir í skál/könnu og hrærið þurrgerinu saman við, leyfið að standa á meðan annað er undirbúið.
Setjið hveiti, salt og sykur í hrærivélarskálina, gott að nota krókinn til að hnoða.
Hellið mjólkurblöndunni varlega saman við og hnoðið þar til slétt og fín deigkúla hefur myndast.
Gott er að hafa deigið eins klístrað og þið komist upp með, án þess þó að það festist við alla fingur og fleti. Stundum þarf að bæta smá hveiti við en reynið að sleppa við það.
Smyrjið stóra skál að innan með matarolíu, hnoðið deigið stutta stund í höndunum og veltið næst upp úr olíunni í skálinni, plastið skálina og leyfið að hefast í 1 klukkustund.
Skerið pylsurnar til helminga svo úr verði 20 hlutar og hitið ofninn í 210°C.
Skiptið deiginu næst niður í 20 einingar, rúllið hverjum hluta út í lengju sem er aðeins mjórri til endanna.
Rúllið síðan deiglengju utan um hverja pylsu og raðið á bökunarplötu íklædda bökunarpappír.
Penslið með pískuðu eggi og bakið í um 10-12 mínútur eða þar til brauðið fer að gyllast.
Njótið með Heinz Nass tómatsósu.

Svo er ekkert annað í stöðunni nema njóta!

Rjómaostavefjur

Thu, 26 Sep 2024 16:06:58 GMT

Rjómaostavefjur

Uppskrift í samstarfi við Gotterí & Gersemar

Haustið er mætt með allri sinni dýrð! Fyrsta haustlægðin kom með hvelli og ég er ekki viss um að ég sé tilbúin að kveðja þetta sumar, hahaha! Haustið er reyndar minn uppáhalds tími á árinu því kertaljós, rútína og haustlitir eru mitt uppáhald. Talandi um rútínu, henni fylgir nesti! Ég veit um engan sem elskar að gera nesti en það er samt mikilvægt að gefa sér tíma í slíkt og reyna að láta hugmyndaflugið njóta sín. Hér kemur hugmyndir af einföldu nesti sem ég vona að þið getið nýtt ykkur. Hægt að útbúa í miklu magni og eiga fyrir næstu daga!

Hráefni

12 litlir bitar

2 stórar tortilla kökur
4 x Ali beikonsneiðar
Um ½ pakki Ali silkiskorin hunangsskinka
100 g rjómaostur að eigin vali (hér notaði ég með graslauk)
30 g cheddar ostur rifinn

Aðferð

Eldið beikonið þar til það er stökkt, setjið á pappír til að fitan leki af og saxið síðan smátt niður.
Hrærið beikonkurli saman við rjómaost og rifinn cheddar ost, smyrjið síðan þunnu lagi á vefjurnar.
Setjið vel af silkiskorinni hunangsskinku yfir, rúllið vefjunum þétt upp og skerið hvora vefju í 6 bita.

Svo er ekkert annað í stöðunni nema njóta!

Kalt pastasalat

Thu, 26 Sep 2024 15:52:00 GMT

Kalt pastasalat

Uppskrift í samstarfi við Gotterí & Gersemar

Hráefni

2-4 skammtar (eftir stærð)

250 g pastaslaufur
4 x sneiðar Ali skinka
½ box Piccolo tómatar (um 100g)
¼ agúrka
30 g rifinn cheddar ostur
70 g tilbúin Caesar salatdressing
Salt og pipar eftir smekk

Aðferð

Sjóðið pasta samkvæmt leiðbeiningum á pakka, kælið síðan strax og leyfið öllu vatni að leka vel af áður en þið setjið annað saman við.
Skerið skinku, tómata og agúrku niður í hæfilega stóra bita og blandið síðan öllu saman með sleikju í skál og kælið í vel lokuðu boxi þess á milli sem þið njótið.

Svo er ekkert annað í stöðunni nema njóta!

Vatnsmelónusalat

Fri, 30 Aug 2024 11:06:56 GMT

Vatnsmelónusalat

Uppskrift í samstarfi við Gotterí & Gersemar

Fyrr í sumar sá ég útfærslu af svipuðu salati á veraldarvefnum og hef ekki getað hætt að hugsa um það! Þetta er svo ferskt og gott og hægt að borða þetta eitt og sér eða hafa sem meðlæti með öðrum mat.

Hráefni

½ meðalstór vatnsmelóna
2 lúkur klettasalat
100 g pistasíukjarnar
2 msk. mynta
1 x fetakubbur
1 ½ msk. ólífuolía
1msk. hunang
1 msk. balsamikedik

Aðferð

Skerið melónu í munnstóra bita
Saxið pistasíur og myntu
Myljið fetakubbinn
Blandið klettasalati, melónubitum, myntu, pistasíum og feta saman.
Hrærið ólífuolíu, hunang og balsamikedik saman og hellið yfir salatið, njótið samstundis.

Svo er ekkert annað í stöðunni nema njóta!

Fiski Taco með Mangó Salsa

Thu, 29 Aug 2024 14:56:14 GMT

Fiski Taco með mango salsa

Uppskrift í samstarfi við Telmu / FitFood

Hráefni

Það eru 8 stk prótein tacos í pakka og því miðast uppskrift við 8 stk.

600-700 gr þorskur, skorinn í bita og þerraður
1 ½ msk. avókadó eða jurtaolía
1 msk hunang
1 ½ tsk chiliduft
1 ½ tsk kúmen
1 ½ tsk reykt paprika
1 ½ tsk laukduft
1 ½ tsk hvítlaukskrydd
¼ – ½ tsk cayenne pipar
½ tsk salt

Mangó salsa

2 þroskuð fersk mangó, afhýdd og skorin í teninga
½ bolli rauðlaukur, fínt skorinn
1-2 jalapeños, fræ og himna fjarlægð, smátt skorin
Saxa kóríander lauf og stilka, magn eftir smekk
2 lime, safi
½ tsk salt

Aðferð

Hitið ofninn í 200°C
Blandið saman þorskbitunum, olíunni og kryddunum.
Klæðið stóra bökunarplötu með smjörpappír og raðið fiskibitunum á pappírinn
Bakið í 10 mínútur eða þar til þorskurinn er eldaður.
Blandið saman mangó, lauk, jalapeño, kóríander, lime safa og salti í meðalstóra skál, Leggið til hliðar.
Setjið Curry Magnó Callowfit (Fæst í Fjarðarkaup) sósu á taco vefjuna svo mangó salsa og að lokum fiskinn.

Svo er ekkert annað í stöðunni nema njóta!

Quesadilla með BBQ kjúkling

Thu, 29 Aug 2024 14:00:29 GMT

Quesadilla með BBQ kjúkling

Uppskrift í samstarfi við Telmu / FitFood

Hráefni

2 bollar rifinn eldaður kjúklingur
½ bolli BBQ sósa Callowfit (Fæst í Fjarðarkaup)
1 bolli rifinn mozzarella ostur
½ bolli nýrnabaunir
½ bolli rauðlaukur, þunnt sneiddur
⅓ bolli hakkað kóríander, val

Aðferð

Blandið saman kjúkling, nýrnabaunum og BBQ Callowfit sósu í stóra skál og setjið síðan til hliðar.
Dreifið litlu magni af BBQ sósu yfir helminginn á Prótein Wrap vefjuna (Fæst í Fjarðarkaup).
Leggðu síðan handfylli af rifna kjúklingnum ofaná sósuna ásamt osti, rauðlauk og kóríander og lokið vefjunni.
Hitið pönnu á miðlungs háan hita og spreyjið olíu á hana.
Leggið vefjuna á pönnuna og hitið í 2-3 mínútur og snúið svo við og hitið aftur í 2 mínútur í viðbót eða þar til hún er stökk.

Svo er ekkert annað í stöðunni nema njóta!

Burrata á pestóbeði

Mon, 19 Aug 2024 16:24:31 GMT

Burrata á pestóbeði

Uppskrift í samstarfi við Gotterí og Gersemar

Hér kemur ein dásamleg uppskrift sem ég mæli með að þið prófið að hafa með kvöldmatnum. Svakalega góð blanda og öðruvísi að hafa saman tómata og hindber!

Aðferð

1 x súrdeigs baguette
Grænt pestó (140 g)
Piccolo tómatar (180 g)
Hindber (180 g)
2 x Burrata ostur
Balsamik edik
80 g pistasíukjarnar (saxaðir)
Fersk basilika
Ólífuolía

Skerið baguette brauð í sneiðar, penslið með ólífuolíu og grillið stutta stund á hvorri hlið (eða hitið í ofni).
Skerið tómatana niður, saxið pistasíur og basilíku og leggið til hliðar.
Skiptið pestó niður í tvær grunnar skálar eða diska og smyrjið því aðeins upp á kantana.
Setjið næst tómata og hindber yfir, þá burrata ost sem þið drisslið síðan balsamik ediki, vel af söxuðum pistasíum og smá basilíku.

Þú færð öll hráefni í þessa uppskrift í Fjarðarkaup!

Kryddlegin nautaspjót með chimichurri

Fri, 16 Aug 2024 12:48:51 GMT

Kryddlegin nautaspjót með chimichurri

Uppskrift í samstarfi við Gotterí og Gersemar

Hér kemur ein dásamleg uppskrift sem ég mæli með að þið prófið og það má sannarlega alltaf grilla hvort sem það er sól, rigning eða snjór!

Aðferð

Fyrir 4-5 manns

Um 900 g ungnautafile (annað svipað nautakjöt)
6 msk. Caj P original grillolía
6 msk. Caj P hvítlauks grillolía
Chimichurri (sjá uppskrift að neðan)
Rósmarínkartöflur (sjá uppskrift að neðan)
Ristaðar furuhnetur
Klettasalat

Skerið nautakjötið í þunnar ílangar sneiðar (um ½ cm á þykkt) og leggið í skál með grillolíunum. Blandið öllu vel saman og leyfið að standa eins lengi og hægt er. Það má samt alveg grilla samstundis en bragðið verður enn betra ef kjötið fær aðeins að hvíla í leginum, þessvegna yfir nótt.
Hitið grillið upp í háan hita, þræðið nautakjötið upp á tein og grillið. Gott er að nota smá Pam matarolíusprey á hreint grillið, hafa það við háan hita og grilla kjötið stutt á hvorri hlið eða eftir því hversu vel þið viljið hafa það eldað.
Setjið klettasalt á fat, raðið nautaspjótunum ofan á, setjið vel af chimichurri yfir ásamt furuhnetum og berið fram með rósmarínkartöflum.

Chimichurri uppskrift

200 ml jómfrúarolía (virgin olive oil)
2 msk. rauðvínsedik
1 búnt steinselja (í potti)
½ búnt kóríander (í potti)
3 hvítlauksrif
1 skalottlaukur
1 rautt chilli
½ sítróna (safinn)
2 msk. oregano krydd
Salt og pipar eftir smekk

Saxið allt mjög smátt (steinselju, kóríander, hvítlauk,lauk og chilli).
Setjið önnur hráefni saman við og blandið vel saman, saltið og piprið eftir smekk og geymið í kæli fram að notkun.

Pavlovur með mascarpone rjómafyllingu

Fri, 16 Aug 2024 11:01:41 GMT

Pavlovur með mascarpone rjómafyllingu

Uppskrift í samstarfi við Gotterí og Gersemar

Hér eru á ferðinni undursamlegar og sumarlegar pavlovur sem eru frábærar í veisluna. Pavlovurnar eru með Mascarpone fyllingu sem bragðast eins og draumur!

Marengs

15-20 stk. eftir stærð

5 eggjahvítur
5 dl púðursykur

Þeytið eggjahvíturnar þar til þær byrja að freyða og bætið þá sykrinum saman við í nokkrum skömmtum.
Stífþeytið þar til topparnir halda sér og sprautið á bökunarplötu (eða setjið á með tveimur matskeiðum), búið til smá holu í miðjunni með skeið til að betra sé að sprauta fyllingunni í eftir bakstur.
Bakið við 110°C í 60 mínútur og leyfið marengsinum síðan að kólna inn í ofninum í að minnsta kosti klukkustund áður en fyllingin er sett í.

Fylling og skraut

200 g mascarpone ostur
50 g flórsykur
1 tsk. vanillusykur
300 ml rjómi
250 g jarðarber
2-3 ástaraldin
40 g saxað suðusúkkulaði

Blandið mascarpone osti, flórsykri og vanillusykri varlega saman í hrærivélarskál með þeytaranum.
Hellið þá rjómanum saman við og þeytið á meiri hraða þar til blandan verður stífþeytt eins og rjómi (varist að blanda of lengi).
Sprautið á pavlovurnar og toppið með jarðarberjum, ástaraldin og söxuðu súkkulaði.

Kremkexkaka

Tue, 25 Jun 2024 15:01:23 GMT

Kremkexkaka

Uppskrift í samstarfi við Gotterí og Gersemar

Þessi kaka var brjálæðislega góð og best er hún að sjálfsögðu nýbökuð. Næstu daga laumaði ég reyndar sneið í örbylgjuofninn örskamma stund og þá varð hún aftur alveg eins og nýbökuð, nammi, namm!

Kremkexkaka

150 g smjör við stofuhita
140 g sykur
50 g púðursykur
2 egg
2 tsk. vanilludropar
200 g dökkt súkkulaði (bráðið)
120 g hveiti
2 msk. bökunarkakó
¼ tsk. salt
2 msk. volgt vatn
50 g dökkir súkkulaðidropar + til skrauts
50 g mjólkursúkkulaðidropar + til skrauts
100 g hvítir súkkulaðidropar + til skrauts
8-10 kremkex frá Frón í kökuna + til skrauts

Hitið ofninn í 175°C og klæðið ferkantað kökuform/eldfast mót (um 20 x 20 cm) að innan með bökunarpappír.
Þeytið saman smjör og báðar tegundir af sykri þar til létt.
Bætið eggjunum saman við ásamt vanilludropum, þeytið og skafið niður á milli.
Næst má setja bráðið súkkulaðið saman við og næst þurrefnin (hveiti, bökunarkakó og salt).
Að lokum má bæta vatninu í skálina, skafa niður og hræra.
Vefjið súkkulaðidropum saman við í lokin með sleikju og setjið helming deigsins í formið og sléttið úr.
Raðið næst kremkexi með smá bili á milli yfir allt deigið og setjið síðan hinn helminginn af deiginu yfir það og sléttið aftur úr.
Toppið með nokkrum bitum af kremkexi og súkkulaðidropum í öllum litum.
Bakið í 35 mínútur og hafið álpappír yfir kökunni fyrstu 20 mínúturnar til að koma í veg fyrir að kexið og súkkulaðið á toppnum verði of dökkt.
Kælið og skerið niður í bita.

Ostakaka drauma ykkar

Tue, 25 Jun 2024 14:51:58 GMT

Ostakaka drauma ykkar

Uppskrift í samstarfi við Gotterí og Gersemar

Litlar ostakökur í glasi, skál eða krúsum eru frábærar og aðferðin mjög einföld.

Ostakaka með karamellukeim

Uppskrift dugar í 8-10 glös eftir stærð

Botn

300 g Noir kex frá Frón (1 ½ pakki)
50 g brætt smjör

Setjið kexið í blandarann og maukið þar til áferðin minnir á sand.
Hellið kexinu í skál og blandið bræddu smjörinu saman við með sleikju.
Skiptið kexblöndunni á milli glasanna og kælið áður en ostakökufyllingin fer yfir.

Ostakökufylling

400 g rjómaostur við stofuhita
150 g sykur
100 g flórsykur
Fræ úr einni vanillustöng
180 g hnetu- og karamellujógúrt (1 dós)
400 ml þeyttur rjómi

Þeytið rjómaost, sykur, flórsykur og fræ úr vanillustöng saman í hrærivélinni þar til létt og slétt blanda hefur myndast.
Vefjið þá jógúrti og þeyttum rjóma varlega saman við blönduna með sleikju og skiptið á milli glasanna, sléttið úr eins og unnt er.
Kælið áður en þið toppið með karamellu og skrauti.

Karamella og toppur

150 g rjómakaramellur
100 ml rjómi
Karamellukúlur
Fersk blóm

Bræðið saman karamellur og rjóma þar til slétt karamellusósa hefur myndast, takið af hellunni og leyfið að ná stofuhita.
Setjið um eina matskeið af karamellusósu yfir hverja ostaköku og skreytið með karamellukúlum og ferskum blómum.

Kolagrillað lamba prime með grísku salati og myntu chimichurri

Tue, 25 Jun 2024 14:35:52 GMT

Kolagrillað lamba prime með grísku salati og myntu chimichurri

Uppskrift í samstarfi við Kjarnafæði

Lamba prime-ið frá Goða er alveg framúrskarandi gott, lungamjúkt og hvítlauks og rósmarín marineringin passar sérlega vel við.

Ferskt salat með ólífum, feta, rauðlauk, tómötum og agúrku ásamt myntu chimichurri gerir þessa máltíð að þvílíkri bragðsprengju. Fallegt á borði og upplagt að bera fram í matarboðunum í sumar.

Innihald

2 pakkningar Goða lambaprime í hvítlauks og rósmarín marineringu, um 900-1000g.
1 poki veislusalat eða önnur salatblanda eftir smekk
1/2 poki klettasalat
1 box kokkteil tómatar skornir í tvennt
1/2 agúrka skorin í bita
1/4 rauðlaukur skorinn í þunnar sneiðar
20 svartar ólífur skornar í tvennt
1 krukka fetaostur eftir smekk

Aðferð

Takið kjötið úr kæli, helst með 30 mín fyrirvara. Undirbúið kolagrillið, kveikið undir og látið grillið ná upp í mikinn hita, helst 300°C.
Undirbúið chimichurri sósuna samkvæmt leiðbeiningunum.
Grillið lambaprime bitana þar til þeir ná ca. 55°C kjarnhita. Takið af grillinu og látið hvíla á meðan salatið er útbúið.
Skerið lambið í þunnar sneiðar, raðið á bretti og dreifið chimichurri sósunni yfir og berið restina fram með í skál.

Myntu Chimichurri

Fersk steinselja án stilka, magn á við hnefa (ca. hálfur poki)
Fersk mynta án stilka, magn á við hnefa (ca. hálf pakkning)
2 hvítlauksif skorin gróft
1 dl góð ólífuolía
2 msk rauðvínsedik
1/2 tsk chiliflögur
1 tsk sjávarsalt (alls ekki nota venjulegt borðsalt)
1/4 rauðlaukur skorinn mjög smátt
Setjið allt nema rauðlaukinn í matvinnsluvél og látið hana vinna maukið smátt. Setjið svo rauðlaukinn saman við og berið fram með lambinu.

Gróft spelt- og hafrabrauð með graskersfræjum

Tue, 25 Jun 2024 14:25:52 GMT

Gróft spelt- og hafrabrauð með graskersfræjum

Uppskrift í samstarfi við Gott í matinn

Ég var eiginlega búin að gleyma því hversu dásamlega gott það er að baka sitt eigið brauð. Þó mér finnist nú voða gaman að baka svona almennt þá finnst mér brauðbakstur toppa annan bakstur. Það er eitthvað svo róandi við að baka brauð, sérstaklega svona brauð sem er eiginlega engin hætta á að klúðra.

Innihald

5 dlgróft spelt
2 dlgrófir hafrar
1⁄2 dlsesamfræ
1 dlgraskersfræ
1 tsk.sjávarsalt
4 tsk.vínsteinslyftiduft
3 dlab mjólk frá MS
1 msk.ólífuolía
2 1⁄2 dlheitt vatn (2-3 dl)

Aðferð

Hitið ofn i 160 gráður með blæstri eða 180 gráður án blásturs.
Blandið saman í skál öllum þurrefnum.
Hrærið saman við olíunni og ab mjólkinni. Bætið vatninu smám saman út í og hrærið aðeins þar til deigið er að mestu komið saman, alls ekki hræra of mikið. Deigið á að vera eins og þykkur grautur og dálítið klístrað.
Setjið deigið í smurt brauðform (jólakökuform) og stráið vel af graskersfræjum yfir.
Bakið í 45 mínútur. Ef þið gerið litlar bollur úr deiginu, setjið þá um 2 msk. af því í einu á bökunarplötu og bakið í um 15-20 mínútur.
Ég mæli með því að vefja brauðinu inn í þurrt viskastykki þegar það hefur verið losað úr forminu og því leyft að kólna þannig í a.m.k 30-60 mínútur eftir bakstur. Þá mýkist skorpan aðeins og mun auðveldara verður að skera það í fallegar sneiðar.

Focaccia samlokur með burrata

Tue, 25 Jun 2024 14:17:00 GMT

Focaccia samlokur með burrata

Uppskrift í samstarfi við Gott í matinn

Heimagerðar focaccia samlokur með burrata osti & öllu uppáhalds álegginu mínu

Focaccia samlokur í allskonar útgáfum hafa farið eins og eldur um sinu á samfélagsmiðlum síðastliðin misseri. Það skal engan undra því þvílíkt lostæti sem slíkar samlokur eru. Persónulega finnst mér best að gera sem mest frá grunni í eldamennskunni og því lá auðvitað beinast við að gera brauðið alveg frá grunni. Það er mjög auðvelt að baka focaccia brauð og lítil vinna sem liggur þar að baki, eina sem þarf er í raun tími og því er ágætt að hafa smá fyrirvara á bakstrinum. Eftirleikurinn er síðan minna en ekkert mál!

Það er hægt að nota í raun hvaða álegg sem er á milli en ég vel yfirleitt það sama. Þá smyr ég brauðið með grænu pestói, raða svo í einhverri röð hráskinku, tómötum, klettasalati og toppurinn er svo auðvitað burrata osturinn sem verður alltaf að vera með!

Focaccia brauð með rósmarín & Feyki

540 g vatn, hitað í 37°C
40 g hunang
2 1⁄2 tsk þurrger
715 g hveiti
2 tsk himalaya salt
kaldpressuð ólífuolía
40 g Feykir ostur, rifinn
Ferskt rósmarín
Sjávarsalt

Tillögur að áleggi

grænt pestó
mozzarellakúlur
íslenskur burrata ostur
tómatsneiðar
hráskinka
þurrkað salami með trufflum
klettasalató
lífuolía
sjávarsalt
Feykir ostur, rifinn
fersk basilíka

Aðferð

Fyrsta skref

Velgið vatnið og hellið því í stóra skál. Ég set skálina á vigt og vigta vatnið í stað þess að nota mælikönnu, svona er þetta nákvæmara.
Setjið hunang út í vatnið og hrærið í með písk.
Bætið þurrgerinu út í og bíðið í örfáar mínútur.

Annað skref

Setjið þá hveitið og saltið saman við og hrærið með sleif.
Þegar deigið er orðið nokkurn veginn samlagað, bætið þá olíunni saman við og haldið áfram að hræra í með sleifinni. Deigið er mjög blautt en hafið engar áhyggjur, þannig á það að vera.
Setjið plastfilmu yfir skálina og leyfið deiginu að standa í 30 mín.

Þriðja skref

Takið þá sleikju og skafið kantana upp með sleikjunni og brjótið deigið yfir sjálft sig. Á ensku er talað um „fold“ en það er aðferð sem mikið er notuð í súrdeigsbakstri. „Brjótið“ deigið um það bil 40 sinnum. Þetta er gert til þess að styrkja glútenið og er ein tegund hnoðunar.
Leyfið deiginu að hvílast í 20 mín. og gerið aftur eins og áður, brjótið deigið um 40 sinnum. Hvílið þá í 20 mín.

Fjórða skref

Takið fram hreina ofnskúffu og dreifið 2-3 msk. af ólífuolíu yfir. Smyrjið með pensli svo öll skúffan sé þakin olíu.
Setjið deigið á ofnplötuna og togið það aðeins til. Leyfið því að vera í friði svo í skúffunni í 15 mín.
Hellið örlítilli ólífuolíu yfir fingurna og togið deigið út í átt að köntunum svo það þeki plötuna alveg. Dreifið um það bil 2 msk. af ólífuolíu yfir deigið og ýtið niður í það með fingurgómunum svo það myndist holur. Setjið plastfilmu yfir plötuna og hefið í 2 klst.

Fimmta skref

Rífið ostinn og slítið rósmarín nálar af greinunum, setjið til hliðar. Magn rósmaríns fer eftir smekk en ég notaði um 1 ½ grein.
Hitið ofninn í 220°C blástur.
Þegar 2 klst. eru liðnar og deigið orðið vel hefað setjið þá aftur ólífuolíu á fingurna og ýtið niður með fingrunum eins og áður. Setjið rósmarín yfir hefað deigið og stráið sjávarsalti yfir, magn eftir smekk.
Setjið ofnplötuna inn í ofninn og bakið í 12-15 mín. Takið þá plötuna út og dreifið ostinum yfir. Haldið áfram að baka í 10 mín í viðbót eða þangað til brauðið er orðið vel gyllt og fallegt.
Leyfið mesta hitanum að rjúka úr brauðinu og færið það síðan yfir á grind.
Skerið brauðið í ferninga, stærð ferninganna fer eftir því hversu stórar samlokur þið viljið gera.

Samsetning

Í hvaða röð áleggið fer á samlokurnar skiptir engu máli fyrir utan að mér finnst best að byrja á því að smyrja brauðið með pestói. Ég set yfirleitt kjöt og osta til skiptis og grænmeti einhvers staðar meðfram. Toppa svo með góðri ólífuolíu, sjávarsalti og rifnum parmesan eða Feyki (sem ég nota oft í staðinn fyrir parmesan í uppskriftir og finnst það ótrúlega gott!).

Íslenska sumartertan

Tue, 11 Jun 2024 10:17:46 GMT

Íslenska sumartertan

Uppskrift í samstarfi við Gott í matinn

Marengsterta með rjóma, berjum, daim súkkulaði og fílakaramellusósu tikkar í öll boxin og er jafn klassísk og íslenska sumarkonan. Ein allra vinsæltasta tertan á veisluborðum er einmitt marengs, það er líka alveg ótrúlega einfalt að gera marengstertu og á flestra færi. Það væri ekki úr vegi að mæta með þessa næsta sumarboð og næsta víst að hún mun slá í gegn.

Marengsbotnar

5 stk. eggjahvítur
150 g sykur
150 g púðursykur
1⁄4 tsk. vínsteinslyftiduft

Fylling

7 dl rjómi frá Gott í matinn
Daim kurl eða annað súkkulaði
Blábler og jarðarber

Ofan á tertuna

1/2 dl rjómi frá Gott í matinn
125 g fílakaramellur
Bláber og jarðarber

Aðferð

Hitið ofn í 120 gráður með blæstri og leggið bökunarpappír á tvær bökunarplötur.
Þeytið saman eggjahvítur, sykur, púðursykur og vínsteinslyftiduft þar til sykurinn leysist upp og úr verður þykkur marengs. Ég þeyti á mesta hraða í hrærivél í 5-7 mínútur.
Skiptið marengsinum jafnt á plöturnar tvær og mótið tvo fallega botna u.þ.b. 20 cm í þvermál.
Bakið í 70 mínútur. Slökkvið þá á ofninum og opnið smá rifu á hurðina. Leyfið að kólna alveg í ofninum, helst yfir nótt.
kælið
Þeytið rjómann.
Setjið helminginn af rjómanum á annan botninn, dreifið hökkuðum Daim, jarðarberjum og bláberjum yfir ásamt smá fílakaramellusósu.
Leggið hinn botninn ofan á.
Setjið á rjóma og skreytið fallega með berjum.
Dreifið að lokum karamellusósunni yfir.
Gott að er að setja marengstertuna saman 6-8 klst áður en hún er borin fram.

Ómótstæðileg ostapizza

Mon, 22 Apr 2024 11:30:00 GMT

Ómótstæðileg ostapizza

Uppskrift í samstarfi við Gott í matinn

Ostapizzur slá alltaf í gegn og eru góð tilbreyting frá klassískri pizzu. Hér er á ferðinni pizza með rjómaosti, 4 osta blöndu, mozzarellaperlum og karamellíseruðum lauk, nammi nammi, namm, mögulega ein sú besta pizza sem ég hef prófað!

Hráefni

Dugar fyrir fjórar litlar (12 tommu) pizzur

Pizzadeig
950 g hveiti
600 ml volgt vatn
1 bréf þurrger (11,8 g)
4 msk. ólífuolía
Karamellíseraður laukur
4 stk. stórir laukar
50 g smjör
2 tsk. salt
6 msk. sykur

Annað hráefni

400 g rjómaostur til matargerðar frá Gott í matinn
óreganó krydd
300 g 4 osta blanda frá Gott í matinn
2 dósir Mozzarellaperlur
1 poki klettasalat (75 g)
furuhnetur
12 stk. hráskinkusneiðar
smá sítrónusafi
gróft salt
góð ólífuolía og balsamikgljái

Aðferð pizzadeig

Setjið þurrefnin í hrærivélarskál og festið krókinn á (þetta deig má einnig hnoða saman í höndunum en þá þarf að gera stóra holu í þurrefnahrúguna og blanda vatni og olíu saman við í nokkrum skömmtum).
Blandið þurrefnunum saman og hellið vatni og ólífuolíu saman við og hnoðið í nokkrar mínútur.
Penslið stóra skál með matarolíu, veltið deigkúlunni upp úr olíunni, plastið skálina og leyfið að hefast í um eina klukkustund.

Karamellíseraður laukur

Steikið laukinn við meðalháan hita upp úr smjörinu þar til hann mýkist.
Saltið og sykrið og steikið áfram við lágan hita þar til laukurinn fer aðeins að brúnast og karamellíserast, slökkvið þá á hellunni og látið laukinn standa þar til hann fer á pizzuna.

Samsetning

Skiptið deiginu niður í 4 hluta, smyrjið rjómaosti yfir hvern botn og stráið vel af oregano yfir.
Skiptið næst lauknum á milli botnanna og dreifið vel úr.
Stráið þá 4 osta blöndu yfir allt og um 20 mozzarellaperlum á hverja pizzu.
Bakið við 220°C í um 13-15 mínútur og takið úr ofninum þegar kantarnir eru orðnir vel gylltir.
Toppið með klettasalati, furuhnetum, hráskinku, sítrónusafa, ólífuolíu, balsamikgljáa og grófu salti.

Pasta með Mozarella og Basilikku

Sun, 21 Apr 2024 13:00:00 GMT

Tómatasta með basilíku og mozzarellakúlum

Uppskrift í samstarfi við Gott í matinn

Einstaklega fljótlegt og gott pasta fyrir sælkera með heimatilbúinni tómatbasil sósu og ferskum mozzarella. Pastað má bera fram bæði heitt og kalt og því hægt að gera það fram í tímann. Furuhneturnar gefa stökkt og gott bragð á móti mjúkum mozzarellaostinum. Frábær réttur sem hægt er t.d. að bera fram í stað ostabakka til tilbreytingarl, með glasi af góðu víni, sem forrétt eða sem léttan kvöldmat. Fyrir þá sem vilja aðeins matarmeira pasta er tilvalið að bjóða upp á grillaðar kjúklingalundir með pastanu.

Hráefni

4 skammtar

50 ml ólífuolia
5 stk. hvítlauksgeirar
600 g heilir tómatar í dós
2 tsk. sjávarsalt
1⁄2 tsk. svartur pipar
12 stk. lauf af ferskri basilíku
500 g pasta að eigin vali
10 stk. litlir tómatar
30 g Goðdala Feykir eða parmesan
50 g furuhnetur
180 g mozzarellakúlur eða mozzarella perlur (1 dós)

Aðferð

Hitið ólífuolíu í potti yfir vægum hita, saxið smátt niður hvítlauk og setið saman við.
Leyfið olíunni að sjóða létt þar til hvítlaukurinn er orðið ljós gylltur að lit.
Hellið tómötunum í dós saman við ásamt safanum, grófsaxið þá með kartöflustappara eða sleif, passið þó að stappa þá ekki of mikið þar sem sósan á að vera gróf.
Grófsaxið ferska basilíku og blandið saman ásamt salti og pipar og látið sósuna sjóða í það minnsta 10 mínútur yfir meðalháum hita. Sósan á að þykkna.
Á meðan sósan þykknar sjóðið þið pasta í söltuðu vatni eftir leiðbeiningum á pakkningu.
Þegar pastað er soðið, hellið vatninu af og blandið því strax saman við sósuna.
Hrærið þar til allt hefur blandast vel saman.
Setjið pastað á fallegan disk eða í grunna skál.
Skerið niður ferska tómata og raðið þeim yfir pastað ásamt mozzarellakúlum og rifnum Goðdala Feyki eða parmesan osti.
Ristið furuhnetur ásamt 1 msk. af ólífuolíu, gætið þess að hræra stanslaust í hnetunum því þær brenna auðveldlega. Þetta tekur um 2-3 mínútur.
Hellið hnetunum yfir pastað ásamt nokkrum ferskum laufum af basilíku.
Gott er að bera pastað fram með auka skammti af Feyki eða parmesan, góðri ólífuolíu og meira sjávarsalti fyrir þá sem vilja.
Hægt er að bera fram pastað heitt eða kalt.

Pizza með íslenskum Burrata

Tue, 16 Apr 2024 12:52:28 GMT

P izza með íslenskum Burrata

Uppskrift í samstarfi við Gott í matinn

Burrata ostur er einn af þessum sem lætur mann kikna í hnjánum. Það er svo gott að nota hann í ýmsa matargerð og á pizzur er hann guðdómlegur. Ég smakkaði fyrst Burrata ost í Friðheimum fyrir nokkrum árum og eftir það var ekki aftur snúið. Það hefur hins vegar reynst þrautinni þyngra að nálgast þessa dásemd en nú hefur Mjólkursamsalan hafið sölu á þessum osti í lausasölu og ég mæli með að þið laumið ykkur alltaf í eina, ef ekki fleiri dósir þegar hann er til í verslunum!

Hráefni

1 SKammtur

pizzadeig að eigin vali
pizzasósa að eigin vali
oreganó krydd
Rifinn pizzaostur frá Gott í matinn
grænt basil pestó, nokkrar teskeiðar
rautt chili pestó, nokkrar teskeiðar
klettasalat, ein lúka
100 g piccolo- eða kirsuberjatómatar
1 kúla íslenskur burrata ostur
balsamik gljái
fersk basilíka, söxuð

Aðferð

Hitið ofninn í 220°C og fletjið pizzadeigið út þar til það verður um 30 cm í þvermál.
Komið deiginu fyrir á bökunarplötu, smyrjið pizzasósu yfir allt og setjið pizzaost og oregano eftir smekk, brjótið næst aðeins upp á kantana.
Bakið í um 15 mínútur eða þar til kantarnir gyllast vel og takið þá úr ofninum.
Setjið smá grænt og rautt pestó hér og þar um pizzuna, næst klettasalat á hana miðja og dreifið úr tómötunum.
Komið þá Burrata kúlunni fyrir á miðjunni og setjið ólífuolíu og balsamikgljáa yfir allt og loks smá basiliku.
Berið pizzuna fram, skerið í kúluna og dreifið rjómafyllingunni yfir hverja sneið.

Tælensk sumarsúpa

Thu, 11 Apr 2024 12:34:43 GMT

Tælensk sumarsúpa

Uppskrift í samstarfi við Gotterí og gersemar

Asískur matur er eitthvað sem fellur vel í kramið á þessu heimili. Þegar ég eldaði þessa súpu sögðu stelpurnar að lyktin minnti sig á Tæland og því fékk hún nafnið tælensk sumarsúpa.

Látið hráefnalistann ekki hræða ykkur því að elda þessa súpu í einum potti tekur ekki langan tíma og útkoman er himnesk. Ef það verður afgangur má svo bara setja lokið á pottinn aftur og geyma hann inn í ísskáp þar til næsta dag og hita súpuna þá upp.

Tælensk sumarsúpa

Fyrir um 4-5 manns

500 g risarækja
½ laukur
3 hvítlauksrif
3 cm engiferrót
1 msk. saxað chili
2 stilkar sítrónugras
2 dósir kókosmjólk (2 x 400g)
2 msk. grænmetiskraftur
500 ml vatn
2 msk. púðursykur
2 msk. soyasósa
300 g Udon núðlur
2 msk. karrý
1 msk. túrmerik
Salt og pipar eftir smekk
Lime, jarðhnetur, kóríander og chili (ofan á í lokin eftir smekk)

Aðferð

Skolið og þerrið rækjurnar, leggið til hliðar.
Saxið lauk og chili smátt og rífið engifer og hvítlauk.
Steikið upp úr vel af olíu, kryddið með karrý, túrmerik, salti og pipar eftir smekk og bætið sítrónugrasinu út í pottinn (í um 2 cm löngum sneiðum).
Steikið allt saman við vægan hita þar til mýkist.
Bætið þá kókosmjólk, vatni, krafti, púðursykri og soyasósu í pottinn og leyfið að malla.
Á meðan er gott að sjóða núðlurnar og skera kóríander, lime, chili og jarðhnetur til að setja yfir súpuna í lokin.
Þegar núðlurnar eru soðnar má skola þær og geyma á meðan þið hækkið hitann á súpunni og bætið rækjunum saman við í um 3 mínútur.
Þegar rækjurnar eru orðnar bleikar og fínar má setja núðlurnar í pottinn og blanda öllu saman.
Síðan getur hver og einn skammtað sér chili, kóríander, jarðhnetur og lime.

Tígrisrækjuspjót með mangósalsa

Thu, 11 Apr 2024 11:38:10 GMT

Tígrisrækjuspjót með mangósalsa

Uppskrift í samstarfi við Gotterí og gersemar

Þegar við bjuggum í Seattle byrjuðum við að grilla risarækjur fyrir alvöru og ég hef elskað þær síðan.

QFC verslunarkeðjan var í sömu götu og húsið okkar og þangað rölti ég iðulega, keypti „two pounds“ af risarækju sem ég rölti svo með heim og lagði í einhvern gómsætan kryddlög áður en þær voru grillaðar.

Tígrisrækjuspjót

Forréttur fyrir um 4 manns

Um 700 g stór tígrisrækja frá Sælkerafiski (2 pakkar)
200 ml Caj P grillolía með hvítlauk

Affrystið rækjurnar, skolið og þerrið.
Hrærið þeim saman við grillolíu í skál, plastið og geymið í kæli í að minnsta kosti 2 klukkustundir.
Raðið rækjunum upp á grillspjót og grillið við háan hita í um 3 mínútur á hvorri hlið eða þar til þær verða bleikar á litinn, þá eru þær tilbúnar. Gott er að spreyja grillið fyrst með PAM matarolíuspreyi til að rækjurnar festist síður við.

Mangósalsa

1 stórt mangó
½ rauðlaukur
1 stórt avókadó
100 g Driscolls jarðarber
3 msk. saxað kóríander
½ lime (safinn)
Salt og pipar

Skerið mangó, rauðlauk, avókadó og jarðarber smátt niður og setjið í skál ásamt kóríander.
2. Kreistið lime safa yfir allt og kryddið eftir smekk með smá salti og pipar.
Blandið varlega saman með sleif og kælið fram að notkun.

Lime Dressing

150 g sýrður rjómi
150 g Heinz majónes
1 msk. saxað kóríander
1 tsk. Habanero Tabasco
½ lime (safinn)
Salt og pipar eftir smekk

Pískið saman allt hráefni og geymið í kæli fram að notkun.

Snúðar með glassúr

Thu, 14 Mar 2024 09:47:57 GMT

Snúðar með glassúr

Uppskrift í samstarfi við Gotterí og gersemar

Það er fátt betra en nýbakaðir snúðar! Hér koma undurljúffengir og dúnmjúkir kanilsnúðar með glassúr sem slógu heldur betur í gegn hér heima og hjá nágrönnunum!

Það styttist í páskana svo ég lék mér aðeins með gula litinn og súkkulaði páskaegg til að skreyta snúðana með en auðvitað má hafa þá hvernig sem er á litinn eða gera tvöfalda uppskrift af þeim glassúr sem ykkur þykir bestur.

Snúðadeig

Um 18-20 stykki

750 g hveiti
70 g sykur (+ 1 msk með gerinu)
½ tsk. salt
250 ml nýmjólk
250 ml vatn
1 poki þurrger (um12 g)
80 g smjör (brætt)
1 tsk. kardimommudropar
Matarolía

Hrærið hveiti, sykri og salti saman í skál og leggið til hliðar.
Hitið mjólk og vatn saman þar til það velgist, hrærið þá 1 msk. af sykri og þurrgerinu saman við og leyfið að standa í um 5 mínútur.
Blandið næst öllu saman, þurrefnum, gerblöndu, smjöri og kardimommum og hrærið með króknum í nokkrar mínútur.
Penslið stóra skál að innan með matarolíu og veltið deigkúlunni upp úr henni, plastið síðan skálina og leyfið að hefast við stofuhita í 40 mínútur.
Stráið hveiti á borðið og ýtið deiginu varlega til hliðanna með fingrunum þar til það myndar ferhyrning sem er um 40 x 60 cm.
Penslið með smá bræddu smjöri og setjið fyllinguna á deigið (sjá hráefni hér fyrir neðan)
Rúllið lauslega upp og skerið niður í um 3 cm þykka snúða.
Raðið snúðunum á ofnplötur með gott bil á milli og setjið inn í 50°heitan ofn í 30 mínútur til hefunar. Gott er að setja um 100 ml af vatni í botninn á ofninum til að halda raka í honum á meðan á hefun stendur.
Takið snúðana síðan út og hækkið hitann í 200°C á ofninum og bakið þá í 12-14 mínútur eða þar til þeir gyllast vel á köntunum.
Leyfið að kólna áður en þið setjið glassúr ofan á og síðan er fallegt að skreyta með karamellukurli og/eða söxðuðum súkkulaðieggjum.

Fylling í snúða

40 g brætt smjör
80 g sykur
80 g púðursykur
1 ½ msk kanill

Penslið deigið með bræddu smjörinu.
Hrærið saman báðum tegundum af sykri og kanil, dreyfið jafnt yfir degið.

Súkkulaðiglassúr

250 g flórsykur
80 g brætt smjör
2 msk. bökunarkakó
1 tsk. vanilludropar
3 msk. heitt vatn

Pískið allt saman í skál þar til kekkjalaust.
Bætið flórsykri við ef þið viljið þykkari glassúr og smá heitu vatni ef það þarf að þynna betur.

Glassúr

250 g flórsykur
3-4 msk. nýmjólk
Matarlitur

Pískið allt saman í skál þar til kekkjalaust.
Bætið flórsykri við ef þið viljið þykkari glassúr og smá rjóma ef það þarf að þynna betur.

Big Mac Tacos

Fri, 09 Feb 2024 14:49:13 GMT

Big Mac Tacos

Uppskrift í samstarfi við Gotterí og gersemar

Já, já, já!!! Ég lét til leiðast! Eftir að hafa horft á þetta á TikTok og video af þessari samsetningu um allt internetið undanfarnar vikur og spá í því hvort þetta sé í alvörunni eins gott og fólk vill meina, ákvað ég að ég yrði bara að prófa til að vita! Því sé ég alls ekki eftir því almáttugur, þetta er geggjað og líka alls ekki flókið! Bara útbúa sósuna fyrst og þá er restin leikur einn!

Það er einfaldlega þannig að maður þarf að prófa sumar uppskriftir sem elta mann uppi á alnetinu!

Big Mac Tacos

Fyrir um 4 manns

500 g nautahakk
8 x mini tortilla kökur
8 sneiðar Cheddar ostur
Iceberg salat
Súrar gúrkur í sneiðum
Big Mac sósa (sjá uppskrift að neðan)
Ólífuolía til steikingar
Steikarkrydd

Útbúið Big Mac sósu og geymið í kæli.
Skiptið hakkinu upp í 8 hluta og mótið kúlur.
Skerið niður kál og súrar gúrkur.
Takið hakk-kúlu og dreifið jafnt úr henni yfir tortilla köku, kryddið eftir smekk.
Hitið ólífuolíu á pönnu, setjið hakkhliðina á tortillakökunni niður og steikið þar til hakkið eldast í gegn. Snúið þá við, setjið ostsneiðina ofan á og steikið áfram stutta stund. Gott er að setja lok/álpappír yfir í smá stund til að osturinn nái að bráðna áður en tortilla kakan steikist of mikið.
Færið yfir á disk og toppið með káli, súrum gúrkum og Big Mac sósu!
Njótið með frönskum eða piknik.

Big Mac sósa uppskrift

150 g majónes
2 msk. Heinz tómatsósa (50% less sugar)
2 tsk. Heinz gult sinnep
2 msk. fínt saxaðar súrar gúrkur
1 msk. fínt saxaður laukur
½ tsk. salt, paprikuduft, hvítlauksduft
¼ tsk. pipar

Hrærið öllu saman og geymið í kæli fram að notkun.

Þær eru mismunandi Big Mac sósurnar sem þið finnið á netinu en mín útfærsla er bæði með tómatsósu og sinnepi og ég er ekkert að grínast að þessi sósa er alveg eins og hjá McDon vini mínum!

Vatnsdeigsbollur með Rice Krispies miðju

Fri, 09 Feb 2024 13:54:14 GMT

Vatnsdeigsbollur með Rice Krispies miðju

Uppskrift í samstarfi við Gotterí og gersemar

Þegar góðir heimar mætast gerast undraverðir hlutir! Hver man ekki eftir Rice Krispies köku með bananarjóma og karamellu! Hér er sú kaka komin inn í vatnsdeigsbollu, hamingjan hjálpi mér þetta var svooooo gott!

Það má útbúa sjálfur vatnsdeigsbollur eða hreinlega kaupa þær tilbúnar og setja þetta saman. Það er einnig hægt að fá tilbúna þykka karamellusósu víða og með því getið þið stytt ykkur enn frekar leið að þessari dásemd.

Vatnsdeigsbollur

Um 15 stykki

360 ml vatn
180 g smjör
200 g hveiti
1 tsk. lyftiduft
¼ tsk. salt
3 egg (160 g)

Hitið ofninn í 180°C.
Blandið hveiti, lyftidufti og salti saman í skál og leggið til hliðar.
Pískið eggin í skál, vigtið og geymið. Ef eggin eru lítil gæti þurft aðeins meira en 3 egg.
Hitið vatn og smjör saman í potti þar til smjörið bráðnar og leyfið aðeins að sjóða, slökkvið þá á hellunni.
Setjið þurrefnin saman við og hrærið vel þar til „smjörbolla“ myndast.
Færið þá deigið yfir í hrærivélarskálina og hrærið rólega með K-inu þar til mesti hitinn er farinn út því.
Bætið þá eggjunum saman við í nokkrum skömmtum og hrærið áfram saman.
Setjið þá kúfaða matskeið á bökunarpappír fyrir hverja bollu (ég notaði litla ísskeið) og bakið í 30-35 mínútur eða þar til bollurnar verða vel gylltar. Alls ekki opna ofninn til að kíkja á þær/botninn fyrr en í fyrsta lagi eftir 25 mínútur því þá eru meiri líkur á því að þær falli.
Leyfið bollunum að kólna, skerið þær í sundur og hefjist handa við fyllingarnar (sjá hér að neðan).

Rice Krispies miðja

150 g Síríus suðusúkkulaði
40 g smjör
150 g sýróp (í grænu flöskunni)
100 g Rice Krispies

Hitið Síríus suðusúkkulaði, smjör og sýróp saman í potti þar til bráðið, leyfið að bubbla í smá stund og slökkvið síðan á hellunni og leyfið hitanum aðeins að rjúka úr blöndunni.
Blandið Rice Krispies næst saman við og setjið síðan væna matskeið af hrísblöndu ofan á neðri helminginn á hverri bollu.

Banana rjómafylling

400 ml rjómi
1 stór banani (eða 2 minni)

Þeytið rjómann og skerið banana í litla bita, vefjið þeim saman við rjómann með sleikju.
Setjið vel af bananarjóma ofan hrískökumiðjuna og lokið bollunni þá með efri hlutanum og setjið karamellu + Siríus karamellukurl ofaná (sjá uppskrift að neðan)

Karamella og skraut

150 g sykur
60 g smjör við stofuhita
80 ml rjómi
½ tsk. salt

Síríus karamellukurl
Bræðið sykurinn á pönnu, bætið smjörinu saman við og hrærið vel þar til bráðið og bubblar.
Hellið þá rjómanum saman við, hrærið áfram vel og leyfið að sjóða saman í um hálfa mínútu, slökkvið þá á hellunni, bætið saltinu saman við og hellið karamellunni yfir í skál. Leyfið henni að ná stofuhita, við það þykknar hún.
Setjið kúfaða teskeið af karamellu á hverja bollu og stráið síðan Síríus karamellukurli yfir til skrauts.
Ef karamellan bíður lengi og verður of þykk hjá ykkur þá má setja hana í örbylgjuofn í um 15 sekúndur á meðallágum hita og hræra hana upp aftur.

Pestópasta með kjúkling

Thu, 18 Jan 2024 15:56:32 GMT

Pestópasta með kjúklingi

Uppskrift í samstarfi við Gotterí og gersemar

Eftir allan jólamatinn, út að borða og alls konar sukki í fríinu kallaði pasta á mig sem fyrsta uppskrift sem ég eldaði hér heima!

Þetta var hrikalega góður réttur og ungir sem aldnir borðuðu vel. Stelpurnar kusu reyndar frekar að rífa parmesan ost fyrir sitt pasta en það þýddi bara meiri burrata handa okkur Hemma, haha!

Pestópasta með kjúklingi

Fyrir um 4 manns

3 x kjúlingabringa
1 pakki Dececco spaghetti
3 hvítlauksrif (rifin)
300 g kirsuberja/piccolo tómatar
150 g grænt Filippo Berio pestó
3 msk. basilika (söxuð)
Salt, pipar, hvítlauksduft
Ólífuolía til steikingar
1 x Burrata ostur

Skerið kjúklingabringurnar í bita, steikið upp úr ólífuolíu og kryddið eftir smekk, geymið.
Sjóðið næst spaghetti á meðan annað er undirbúið.
Steikið næst tómatana í olíu við meðalhita í um 5 mínútur, bætið hvítlauknum við síðustu mínútuna og leggið til hliðar á disk.
Setjið næst pestó og basiliku á pönnuna og blandið saman þar til heitt.
Hellið síðan öllu saman á pönnuna með pestóinu, kjúkling, spaghetti og tómötum og blandið létt saman.
Toppið að lokum með ferskum burrata osti og basilikulaufum og berið fram með góðu hvítlauksbrauði.

Nautasalat með sultuðum balsamik lauk

Thu, 18 Jan 2024 15:41:41 GMT

Nautasalat með sultuðum balsamik lauk

Uppskrift í samstarfi við gotterí og gersemar

Ef ykkur langar í djúsí og matarmikið salat sem er algjörlega upp á tíu, þá er það þetta hér!

Nautasalat

Fyrir um 4 manns

Um 500 g nautalund
½ salathaus
Um 100 g klettasalat
1 x krukka sultaður balsamik laukur frá ORA
250 g jarðarber
125 g hindber
1 x granatepli
3 lúkur furuhnetur
2 lúkur kasjúhnetur
Parmesanostur
Grillkrydd
Balsamik dressing (sjá uppskrift að neðan)

Útbúið balsamik dressinguna.
Grillið eða steikið nautalundina þar til hún hefur náð þeirri eldun sem þið óskið eftir og kryddið eftir smekk (ég tók mína af þegar kjarnhiti var um 55°C og leyfði henni að hvíla í um 15 mínútur áður en ég skar hana).
Raðið salati á stórt fat/skál, skerið niður jarðarber og losið berin úr granateplinu.
Ristið furuhnetur og kasjúhnetur á pönnu.
Raðið öllu saman; salati, balsamik lauk, jarðarberjum, hindberjum, granatepli, hnetum og rífið parmesan ost yfir. Setjið síðan balsamik dressingu yfir eftir smekk.

Balsamik dressing uppskrift

140 ml ólífuolía
70 g balsamik gljái
3 msk. púðursykur
3 msk. soyasósa

Vigtið allt í pott og náið suðunni síðan upp, lækkið hitann og leyfið að malla þar til sykurinn er uppleystur. Setjið út á salatið eftir smekk.

MUNA hafrabollur

Wed, 17 Jan 2024 22:32:45 GMT

Muna hafrabollur

Uppskrift í samstarfi við MUNA

Nýbakaðar hafrabollur með góðu áleggi er hin besta næring fyrir stóra sem og smáa og hentar einstaklega vel í nestisboxin. Þessar einföldu MUNA bollur eru bæði einfaldar og bragðgóðar.

Hafrabollur

500 ml volgt vatn
12 g ger
1 tsk hunang frá Muna
1 msk ólífu olía frá Muna
1 tsk salt
200 g grófir MUNA hafrar frá + örlítið meira til að skreyta bollurnar
1 dl MUNA hörfræ
400 g gróft MUNA spelt
1 egg

Setjið vatn í stóra skál ásamt gerinu og hrærið saman.
Bætið út í skálina hunangi, ólífu olíu og salti, hrærið saman.
Bætið þá út í höfrum og hörfræjum út í, hrærið. Bætið því næst speltinu út í, hnoðið öllu vel saman. Leyfið deiginu að hefast á volgum stað í 30 mín.
Kveikið á ofninum og stillið á 180°C, undir og yfir hita.
Skiptið deiginu upp í bollur, ég notaði stóra salatskeið, og setjið á smjörpappírsklædda ofnplötu.
Hrærið eggið saman í skál og penslið því svo yfir bollurnar, skreytið bollurnar með haframjöli.
Bakið í u.þ.b. 30 mín eða þar til þær eru byrjaðar að taka á sig gylltan lit og eru bakaðar í gegn.

MUNA múslíbitar

kristinth@sahara.is (Kristín Þórarinsdóttir) — Wed, 17 Jan 2024 22:09:40 GMT

Hollir og góðir MUNA múslíbitar

Uppskrift í samstarfi með MUNA

Hér höfum við einstaklega góða múslíbita. Þeir minna óneytanlega á rice krispies kökurnar sem við flest öll þekkjum, nema talsvert hollari og henta því vel sem millimál, í nesti eða sem hollt nammi.

Þeir eru afar einfaldir að gera, maður smellir möndlusmjöri, agave sírópi, kókosolíu og dökku súkkulaði í skál, blandar saman. Smellir svo múslí út í og hrærið, útbýr kökur og smellir í frystinn. Þá eru þessir dásamlegu múslíbitar tilbúnir.

Múslíbitar

150 g MUNA möndlusmjör
2 msk MUNA agave síróp
40 g MUNA kókosolía
150 g dökkt súkkulaði
250 g haframúslí með eplum og kanil frá MUNA
Sjávarsalt

Bræðið kókosolíu og dökkt súkkulaði yfir vatnsbaði.
Blandið saman möndlusmjöri, agave sírópi, kókosolíunni og súkkulaðinu í skál.
Bætið út í múslíinu út í og hrærið þar til allt hefur samlagast.
Setjið smjörpappír á disk eða ofnskúffu (ef hún kemst í frystinn) og útbúið kökur úr 2 tsk af deigi og setjið á smjörpappírinn, setjið í frystinn í amk klst eða þar til kökurnar hafa stirðnað. Sáldrið örlitlu sjávarsalti yfir.
Kökurnar geymast vel í ísskáp eða frysti.

Ostapúff

Wed, 13 Dec 2023 14:22:40 GMT

Ostapúff

Uppskrift í samstarfi við Gotterí og gersemar

Ég vissi ekki hvað ég ætti að láta þessa uppskrift heita og þar sem hún heitir „puff pastry“ í einni eða annari mynd í þeim hugmyndum sem ég hef séð af sambærilegu á Instagram. Ég ákvað því þetta fína nafn, haha! Þetta er einföld hugmynd og skemmtileg tilbreyting á ostabakkann og virkilega ljúffengt!

Ostapúff

24 stk

3 x smjördeigsplötur (þessar frosnu)
1 x brie ostur
Trönuberjasulta
1 lúka pistasíukjarnar
1 lúka pekanhnetur
2 msk. saxað rósmarín
Matarolíusprey

Hitið ofninn í 200°C.
Stráið smá hveiti á borð og fletjið hverja smjördeigsplötu út svo hún þynnist og myndi ferhyrning, skerið hvern í 9 einingar.
Skerið ostinn í litla teninga og spreyið mini-bollakökuform vel að innan og aðeins upp á kantana með matarolíuspreyi.
Setjið lítinn smjördeigsferhyrning í hvert hólf svo hann myndi nokkurs konar skál. Næst má setja brie bita, um ½ tsk. af sultu og smá af hvorri hnetutegund.
Bakið í um 15 mínútur og losið síðan hvert ostapúff úr forminu með beittum hníf og stráið smá rósmarín yfir.

Jólabrauðterta

Mon, 11 Dec 2023 09:49:19 GMT

Jólabrauðterta

Uppskrift í samstarfi við Gotterí og gersemar

Brauðtertur eru sívinsælar og senn líður að jólum. Þessi hér er jólaleg og falleg og myndi sóma sér í hvaða veislu/boði sem er.

Það var síðan svoooo gaman að skreyta hana og bera hana fram því hún er sannarlega jólin uppmáluð.

Brauðtertan

450 g hamborgarhryggur (eða önnur reykt skinka)
8 harðsoðin egg
400 g Hellmann‘s majónes
60 g þurrkuð trönuber
2 msk. smátt saxað sellerí
Aromat og pipar eftir smekk
5 brauðtertubrauðsneiðar (langar)

Skraut

400 g Hellmann‘s majónes
Um 500 g fersk trönuber (2 pokar)
Um 4 pakkar rósmarín (4 x 28 g)
Brómber
Þunnt skorinn hamborgarhryggur

Skerið hamborgarhrygginn í sneiðar og síðan í litla bita (það má hálfpartinn saxa hann).
Skerið eggin á tvo vegu með eggjaskera og setjið saman við skinkuna.
Blandið majónesinu saman við á þessu stigi og saxið þá trönuberin og selleríið mjög smátt og bætið saman við.
Kryddið eftir smekk og skiptið í 4 hluta.
Skerið skorpuna af brauðtertubrauðinu og smyrjið salatinu á milli sneiðanna.
Þekjið brauðtertuna að utan með majónesi og skreytið að vild.

Piparkökusjeik

Mon, 11 Dec 2023 09:49:18 GMT

Piparkökusjeik

Uppskrift í samstarfi við Gotterí og gersemar

Ójá það eru sko löngu komnar piparkökur í verslanir ef þið tókuð ekki eftir því! Við erum nú þegar búin með nokkur box og stefnum ótrauð á að halda áfram, hahaha! Það má hins vegar nota piparkökur í ýmislegt annað en það að borða þær beint upp úr boxinu.

Hér er til dæmis á ferðinni guðdómlegur sjeik með karamellu og piparkökum sem ég get lofað að mun koma ykkur skemmtilega á óvart!

Piparkökusjeik

Uppskrift dugar í 2 stór glös

400 g vanilluís
200 ml nýmjólk
12 stk. Göteborgs hjartapiparkökur (+ meira til skrauts)
2 msk. karamelluíssósa (+ meira til skrauts)
1 tsk. vanilludropar
¼ tsk. kanill
150 ml þeyttur rjómi

Byrjið á því að mylja 12 piparkökur í blandaranum og setja í skál.
Þeytið einnig rjómann og leggið til hliðar.
Setjið þá nokkrar matskeiðar af karamellusósu í aðra skál og nuddið glasbarminum í sósuna og því næst í piparkökumulninginn til að gera fallega piparkökubrún á glasið.
Hellið því næst smá af karamellusósu í hliðarnar á glasinu.
Þá má útbúa sjeikinn með því að setja ís, mjólk, restina af piparkökuduftinu, 2 msk. af karamellusósu, vanilludropa og kanil í blandarann og blanda vel.
Skiptið niður í glösin, toppið með vel af þeyttum rjóma og skreytið með piparkökumulningi og/eða heilli hjartapiparköku.

Djöflaterta með trítlum

Mon, 11 Dec 2023 09:49:15 GMT

Trítlaterta

Uppskrift frá Nóa Siríus

Súkkulaðibotnar

Fyrir 12–14 manns

280 g hveiti
70 g Síríus kakóduft
300 g sykur
1 tsk. matarsódi
1 tsk. lyftiduft
1 tsk. salt
4 egg
1 tsk. vanilludropar
150 ml matarolía
150 ml uppáhellt kaffi (kælt)
150 ml grísk jógúrt
60 ml rjómi

1. Hitið ofninn í 170°C og takið til tvö 20 cm kökuform. Setjið bökunarpappír í botninn og úðið vel með matarolíuspreyi.

2. Setjið öll þurrefni í hrærivélarskálina og blandið saman.

3. Setjið öll blautefni saman í aðra skál og þeytið saman.

4. Hrærið þurrefnin á rólegum hraða á meðan þið blandið blautefnunum saman við. Skafið niður á milli og hrærið þar til slétt deig myndast.

5. Skiptið niður í formin og bakið í 30-35 mínútur eða þar til prjónn kemur út með smá kökumylsnu á endanum en ekki blautu deigi. Kælið og skerið ofan af botnunum áður en krem og skraut er sett á.

Súkkulaðismjörkrem

400 g smjör (við stofuhita)
400 g flórsykur
90 g Síríus kakóduft
160 g Síríus suðusúkkulaði (brætt)
2 tsk. vanilludropar
4 msk. uppáhellt kaffi
1⁄4 tsk. salt

6. Þeytið smjörið þar til það er létt og ljóst, skafið niður á milli.

7. Bætið flórsykrinum og kakóinu saman við í nokkrum skömmtum og þeytið aðeins áfram.

8. Bætið nú öðrum hráefnum saman við, þeytið vel og skafið niður á milli.

9. Smyrjið vel af kremi á milli botnanna og allan hringinn, notið spaðann til að mynda óreglulega áferð.

10. Skreytið með Trítlum.

Súkkulaðikaka með poppsmell

Tue, 21 Nov 2023 17:25:33 GMT

Súkkulaðikaka með poppsmell

Uppskrift frá Nóa Siríus

Botnar

Fyrir 10-12 manns

240 g hveiti

350 g sykur

90 g Síríus kakóduft

2 tsk. matarsódi

1 tsk. salt

4 egg

250 ml súrmjólk

150 ml matarolía

1 tsk. vanilludropar

250 ml vatn (sjóðandi heitt)

1. Hitið ofninn í 160°C.

2. Hrærið saman öllum þurrefnum í eina skál og leggið til hliðar.

3. Pískið eggin og blandið súrmjólk, olíu, vanilludropum og vatni saman við.

4. Hellið vökvanum varlega saman við þurrefnin, hrærið og skafið niður á milli (deigið er þunnt).

5. Setjið bökunarpappír í botninn á fjórum 15 cm smelluformum og úðið vel með matarolíuspreyi.

6. Skiptið deiginu jafnt á milli formanna (það fara 370-380 g í hvert form) og bakið í 30-35 mínútur eða þar til prjónn kemur út með smá kökumylsnu á en ekki blautu deigi.

7. Kælið alveg og skerið svo ofan af botnunum svo þeir verði alveg sléttir.

Súkkulaðikrem

250 g smjör (við stofuhita)

40 g Síríus kakóduft

3 msk. uppáhellt kaffi (kælt)

60 ml rjómi

2 tsk. vanilludropar

700 g flórsykur

Súkkulaði ganaché og skreyting

100 g Síríus suðusúkkulaði (smátt saxað)

60 ml rjómi

Nóa Poppsmellur með súkkulaði

8. Þeytið smjörið í stutta stund, bætið svo kakóduftinu saman við og hrærið áfram.

9. Bætið kaffi, rjóma og vanilludropum saman við og um þriðjung flórsykursins. Blandið vel og skafið niður hliðarnar á skálinni áður en þið setjið afganginn af flórsykrinum saman við. Hrærið síðan í nokkrar mínútur þar til kremið er þétt og loftkennt.

10. Smyrjið um 1 cm þykku lagi af kremi á milli botnanna og hjúpið næst alla kökuna með þunnu lagi af kremi. Sléttið úr kreminu eins og unnt er, bæði á toppnum og hliðunum en látið sjást aðeins í hliðarnar á botnunum fyrir grófara útlit.

11. Kælið kökuna í um 30 mínútur.

Súkkulaði ganaché og skreyting

100 g Síríus suðusúkkulaði (smátt saxað)
60 ml rjómi
Nóa Poppsmellur með súkkulaði

12. Saxið súkkulaðið og hitið rjómann að suðu. Hellið rjómanum yfir súkkulaðið. Pískið saman þar til allt súkkulaðið er bráðið, hrærið svo þar til blandan er farin að þykkna. Hellið yfir toppinn í nokkrum skömmtum. Ýtið örlitlu magni fram af brúninni með kökuspaða. Kælið í um 30 mínútur áður en þið skreytið með súkkulaðipoppi.

Dore draumur

Tue, 21 Nov 2023 17:25:01 GMT

Doré draumur

Uppskrift í samstarfi við Nóa Siríus

Svampbotn

Fyrir 10-12 manns

3 egg
100 g sykur
45 g hveiti
45 g kartöflumjöl
1 1⁄2 tsk. lyftiduft

1. Þeytið saman egg og sykur þar til blandan verður létt og ljós.

2. Sigtið saman hveiti, kartöflumjöl og lyftiduft og bætið varlega saman við. 3. Setjið bökunarpappír í botninn á 22-24 cm smelluformi og smyrjið formið vel. Hellið blöndunni í formið og bakið við 175°C í 15-20 mínútur eða þar til prjónn kemur hreinn út.

Marengs

4 eggjahvítur
190 g sykur

4. Þeytið saman eggjahvítur og sykur þar til topparnir halda sér.

5. Teiknið 18-20 cm hring á bökunarpappír og dreifið jafnt úr marengsblöndunni innan hringsins.

6. Bakið við 100°C í tvær klukkustundir og leyfið að kólna í ofninum.

Súkkulaðifylling

4 eggjarauður
60 g flórsykur
60 g Síríus Barón 56% suðusúkkulaði
60 g Síríus Doré karamellusúkkulaðidropar
350 ml rjómi

7. Þeytið eggjarauður og flórsykur þar til blandan þykkist og lýsist.

8. Bræðið Barón og Doré súkkulaðið, leyfið hitanum að rjúka úr í nokkrar mínútur og blandið því næst varlega saman við eggjablönduna.

9. Þeytið rjómann og blandið varlega saman við súkkulaðiblönduna með sleikju.

Rjómi, skraut og samsetning

500 ml rjómi (þeyttur)
50 g Síríus Doré karamellusúkkulaðidropar
Síríus karamellukurl

10. Þeytið rjómann og bræðið súkkulaðið.

11. Setjið svampbotninn á kökudisk. Setjið helming þeytta rjómans á svampbotninn og svo helming súkkulaðifyllingarinnar þar ofan á.

12. Marengsinn kemur því næst og svo restin af rjómanum og súkkulaðifyllingunni í sömu röð og áður.

13. Að lokum má dreifa brædda súkkulaðinu ofan á súkkulaðikremið ásamt karamellukurli. Kælið kökuna vel, helst yfir nótt.

Súkkulaðiperlukökur

Tue, 21 Nov 2023 17:24:57 GMT

Súkkulaðiperlu smákökur

Uppskrift frá Nóa Siríus

Smákökur

Fjöldi 18-20 stykki

190 g hveiti
1 tsk. lyftiduft
1⁄2 tsk. matarsódi
1⁄2 tsk. salt
120 g smjör (við stofuhita)
100 g sykur
70 g púðursykur
1 egg
2 tsk. vanilludropar
50 g Síríus suðusúkkulaðidropar
50 g Síríus rjómasúkkulaðidropar
100 g Síríus súkkulaðiperlur

1. Setjið hveiti, lyftiduft, matarsóda og salt saman í skál, blandið saman og leggið til hliðar.

2. Þeytið saman smjör, sykur og púðursykur þar til blandan verður létt og ljós.

3. Bætið egginu og vanilludropunum saman við, þeytið áfram og skafið niður á milli.

4. Næst má blanda þurrefnunum saman við og hræra rólega.

5. Að lokum er súkkulaðidropum og -perlum blandað saman við deigið. Gott er að nota sleikju.

6. Skiptið niður í 18-20 hluta og kælið í að minnsta kosti klukkustund (yfir nótt er líka í lagi).

7. Hitið ofninn í 170°C, rúllið hverjum hluta í kúlu og raðið þeim á bökunarplötur með bökunarpappír. Hafið gott bil á milli.

8. Bakið í 13-15 mínútur eða þar til kökurnar fara að gyllast á brúnunum, takið þær þá út og kælið.

Skraut

200 g Síríus suðusúkkulaði (brætt)
100 g Síríus súkkulaðiperlur

9. Dýfið hverri köku til hálfs í brætt súkkulaðið, skafið af botninum og raðið á bökunarpappír.

10. Stráið súkkulaðiperlum á súkkulaðið áður en það storknar.

Bollakökujólatré

Tue, 21 Nov 2023 17:24:54 GMT

Bollakökujólatré

Uppskrift frá Nóa Siríus

Þessar bollakökur eru djúsí og mjúkar með vanillu smjörkremi sem búið er að sprauta í jólatré. Að sjálfsögðu má sprauta annað munstur á þær en það svo nú er um að gera að leyfa hugmyndafluginu að njóta sín.

Súkkulaðibollakökur

160 g Síríus suðusúkkulaði
40 g Síríus kakóduft
110 ml uppáhellt kaffi (við stofuhita)
2 egg
2 tsk. vanilludropar
70 ml matarolía
120 g hveiti
120 g sykur
1⁄2 tsk. salt
1 tsk. matarsódi

1. Hitið ofninn í 175°C.

2. Bræðið suðusúkkulaði og setjið í hrærivélarskál ásamt kakó og kaffi og blandið vel.

3. Þeytið eggin, bætið vanilludropum og matarolíu saman við og setjið út í súkkulaðiblönduna. Hrærið saman.

4. Setjið hveiti, sykur, salt og matarsóda í skál og blandið saman við súkkulaðiblönduna í nokkrum skömmtum, skafið niður á milli.

5. Skiptið niður í 12 bollakökuform og bakið í um 20 mínútur.

Smjörkrem og skreyting

280 g smjör (við stofuhita)
500 g flórsykur
100 ml rjómi
3 tsk. vanilludropar
1⁄4 tsk. salt
Grænn matarlitur
Síríus súkkulaðiperlur
Flórsykur (til að sigta yfir)

6. Þeytið smjörið eitt og sér þar til það verður létt í sér.

7. Bætið flórsykri og rjóma saman við í nokkrum skömmtum á víxl og hrærið vel á milli.

8. Bætið vanilludropum og salti saman við og hrærið áfram vel.

9. Setjið matarlit saman við, hrærið og skafið niður nokkrum sinnum þar til þið náið

þeim litatón sem óskað er eftir.

10. Setjið kremið í sprautupoka og sprautið jólatré. Gott er að hafa neðstu stjörnuna

breiðasta og síðan hinar alltaf aðeins minni og minni til að mynda jólatré.

11. Skreytið með súkkulaðiperlum hér og þar og sigtið flórsykur yfir hvert tré sem snjó.

Slöngukaka

Thu, 19 Oct 2023 13:19:22 GMT

Slöngukaka

Uppskrift í samstarfi við Gotterí og gersemar

Þessi kaka var bökuð í einu af fyrstu barnaafmælunum sem við héldum. Ég man eftir að hafa klippt hugmyndina út úr matreiðslublaði og hún var í uppskriftabókinni um árabil. Nú höfum við þróað okkar eigin uppskrift að köku og kremi þrátt fyrir að nota enn svipaða aðferð og í blaðinu í denn. Þessi súkkulaðikaka er guðdómleg og kremið ekki síðra. Slöngukakan krefst þess að þið hafið smá tíma til þess að baka og skreyta en allir ættu að ráða við hana. Síðan er afar hentugt að skera hana í sneiðar þegar hún er í laginu eins og slanga.

Botnar

330 g hveiti
170 g Cadbury bökunarkakó
390 g sykur
130 g púðursykur
2 tsk. lyftiduft
2 tsk. matarsódi
1 tsk. salt
380 ml súrmjólk
300 ml ljós matarolía
4 egg
2 tsk. vanilludropar
380 ml sjóðandi vatn

Hitið ofninn í 180°C.
Blandið öllum þurrefnum saman í hrærivélarskálina.
Pískið næst saman súrmjólk, matarolíu, egg og vanilludropa í annarri skál og hellið síðan vatninu saman við og pískið áfram.
Hellið súrmjólkurblöndunni saman við þurrefnin og hrærið saman á lágum hraða, skafið niður á milli og hrærið þar til vel blandað. Deigið er frekar þunnt og þannig á það að vera.
Smyrjið tvö 20-24 cm kökuform vel að innan eða spreyið með matarolíuspreyi. Klippið bökunarpappír til og setjið í botninn.
Skiptið deiginu jafnt á milli formanna og bakið í um 35-40 mínútur eða þar til prjónn kemur út með smá kökumylsnu á endanum en ekki blautu deigi.
Kælið botnana alveg og skerið þá miðjuna úr þeim báðum með því að leggja glas ofan á þá miðja og skera niður með hringnum. Miðjuna nýtið þið síðan í höfuð og hala á slöngunni síðar.
Skerið næst hvern botn í tvennt svo þið endið með 4 helminga sem þið síðan raðið saman á víxl svo úr verði slanga.
Mótið höfuð og hala úr kökunni sem kom úr miðjunni með því að skera þá hluta niður eins og hentar. Gott er að finna langt skurðarbretti, bakka eða búa til langan disk úr hörðum pappa sem búið er að klæða með gjafapappír og setja sellófan utan yfir til að pappírinn losni ekki upp.
Smyrjið næst þunnu lagi af kremi á alla kökuna til að binda kökumylsnuna, þurrkið umfram krem og kökumylsnu af disknum og leyfið kökunni að hvíla þannig í um 15 mínútur.
Næst má setja um 1 cm þykkt lag af nýju kremi yfir allt saman og skreyta síðan að vild.

Krem :

500 g smjör við stofuhita
400 g flórsykur
90 g Cadbury bökunarkakó
160 g brætt suðusúkkulaði
2 tsk. vanilludropar
3 msk. uppáhellt kaffi
¼ tsk. salt

Þeytið smjörið þar til létt og ljóst, skafið niður á milli.
Bætið flórsykri og bökunarkakó næst saman við í nokkrum skömmtum og þeytið aðeins áfram.
Bætið nú öðrum hráefnum saman við, þeytið vel og skafið niður á milli.

Skraut:

Skittles
Hlaup fyrir augu og tungu

Kanilmöffins með glassúr

Fri, 13 Oct 2023 10:16:11 GMT

Kanilmöffins með glassúr

Uppskrift í samstarfi við Gotterí og gersemar

Þessar möffins hef ég gert frá því að ég var lítil stelpa. Ég átti úrklippu úr einhverju blaði sem mamma átti mjög lengi og elskaði að baka þessar kökur og vona þið gerið það líka.

Um 12 stykki.

150 g smjör við stofuhita
180 g sykur
2 egg
300 g hveiti
2 tsk. lyftiduft
2 tsk. kanill
200 ml rjómi frá Gott í matinn

Hitið ofninn í 180°C.
Þeytið saman smjör og sykur þar til létt og ljóst.
Bætið eggjunum saman við, einu í einu og skafið niður á milli.
Næst má blanda hveiti, lyftidufti og kanil saman í skál og hella saman við smjörblönduna ásamt rjómanum.
Setjið í sprautupoka/zip lock poka og skiptið niður í 12 bollakökuform.
Gott er að setja pappaform í álform til þess að kökurnar verði fallegri í laginu.
Bakið í 18-20 mínútur eða þar til prjónn kemur út með smá kökumylsnu á endanum, ekki blautu deigi.

Glassúr:

200 g flórsykur
2 msk. vatn
Nokkrir dropar af matarlit

Pískið allt saman í skál og smyrjið yfir kældar kökurnar.

Regnbogakökur

Thu, 12 Oct 2023 21:17:34 GMT

Regnbogakökur

Uppskrift í samstarfi við Gotterí og gersemar

Krakkar elska allt sem er litríkt og fallegt. Ekki skemmir fyrir þegar það er undur ljúffengt á sama tíma líkt og þessar vanillu bollakökur. Það má að sjálfsögðu setja krem á þær en okkur þykja þær fullkomnar svona einar og sér!

12-15 stykki.

1 x Betty Crocker Vanilla Cake Mix
3 egg
90 ml ljós matarolía
180 ml vatn
2- 6 matarlitir

Hrærið saman eggjum, olíu og vatni.
Bætið kökuduftinu saman við og hrærið áfram í nokkrar mínútur.
Skiptið deiginu niður í 2-6 skálar eftir því hversu marga liti þið ætlið að nota.
Litið hvern hluta með matarlit og setjið í sprautupoka/zip lock poka og klippið gat á endann.
Setjið bollaköku pappaform í álform og skiptið fyrsta litnum niður í formin.
Setjið síðan næsta lit í miðjuna á honum og koll af kolli þar til allt deigið er búið.
Bakið síðan við 160° C í um 16-20 mínútur og leyfið kökunum síðan að kólna aðeins áður en þeirra er notið.

Afmæliskaka

Wed, 20 Sep 2023 21:55:50 GMT

Afmæliskaka

Fjarðarkaup, einstök verslun í 50 ár!

Uppskrift í samstarfi við Gotterí og gersemar

Fyrir 10-12 manns

Súkkulaðibotnar

250 g hveiti
350 g sykur
80 g Síríus kakó
2 tsk. matarsódi
1 tsk. salt
4 egg
250 ml AB mjólk
150 ml ljós matarolía
2 tsk. vanilludropar
250 ml heitt vatn

Hitið ofninn í 170°C , setjið bökunarpappír í botninn á fjórum 15 cm smelluformum og spreyið vel með matarolíuspreyi.
Setjið þurrefnin í hrærivélarskálina og blandið létt saman.
Pískið eggin í stóra skál og bætið AB mjólk, matarolíu og vanilludropum saman við pískið vel.
Að lokum má píska heita vatnið saman við vökvann og hella honum yfir þurrefnin og hræra á meðan á lægstu stillingu.
Skafið niður hliðarnar á skálinni og blandið vel, athugið að deigið er þunnt.
Skiptið jafnt niður í bökunarformin og bakið í um 30 mínútur eða þar til prjónn kemur út með smá kökumylsnu á endanum, ekki blautu deigi.
Kælið botnana og skerið ofan af þeim áður en þið setjið kökuna saman.

Súkkulaðikrem

300 g smjör við stofuhita
150 g rjómaostur við stofuhita
60 g Síríus kakó
900 g flórsykur
80 ml rjómi
2 tsk. vanilludropar

Þeytið saman smjör, rjómaost og kakó þar til létt, skafið niður hliðarnar.
Bætið flórsykri og rjóma saman við til skiptis, þeytið og skafið niður á milli.
Að lokum fara vanilludropar saman við og þeytið áfram þar til létt en þétt súkkulaðikrem hefur myndast.

Samsetning og skreyting

4 x súkkulaðibotnar (sjá uppskrift að ofan)
Súkkulaðikrem (sjá uppskrift að ofan)
300 g Síríus perlur
100 g Síríus suðusúkkulaði
60 ml rjómi
Afmæliskerti að eigin vali

Setjið um 1 cm þykkt lag af súkkulaðikremi á milli botna og hjúpið síðan alla kökuna með þunnu lagi að kremi, setjið í kæli í um 15 mínútur.
Setjið þá annað lag af kremi á kökuna, um ½ cm þykkt á alla kökuna að utan og sléttið úr eins og unnt er með kökuspaða.
Setjið súkkulaðiperlurnar í skál, fyllið lófann af perlum og dragið aðeins upp hliðina á kökunni frá botni og aðeins upp á hana, allan hringinn (sjá video).
Kælið nú aftur kökuna í um 30 mínútur og útbúið síðan súkkulaðihjúpinn.
Saxið suðusúkkulaðið smátt og hitið rjómann að suðu, hellið honum yfir saxað súkkulaðið og pískið saman þar til slétt súkkulaðibráð hefur myndast.
Takið kökuna úr kæli og hellið súkkulaðibráð á toppinn og ýtið aðeins fram af með kökuspaða allan hringinn (líka hægt að setja í flösku/túpu ef þið viljið stýra „drippinu“ betur).
Kælið að nýju í um 30 mínútur og skreytið síðan toppinn.
Setjið restina af súkkulaðikreminu í sprautupoka með stórum stjörnustút (t.d Wilton 1M eða2D), sprautið litla toppa allan hringinn og setjið súkkulaðiperlur ofan á.
Stingið síðan kertum í kökuna miðja og geymið í kæli fram að notkun.

Bygg með kjúkling og grænmeti

Wed, 23 Aug 2023 19:45:41 GMT

Bygg með kjúkling og grænmeti

Uppskrift í samstarfi við Gotterí og gersemar

Þessi réttur er klárlega hollustan uppmáluð um leið og hann er alveg frábær hversdagsmatur, síðan er æðislegt ef það er afgangur að grípa með í nesti daginn eftir.

Hann er ofur einfaldur og ég get lofað því að þennan rétt viljið þið gera reglulega eftir að þið hafið prófað hann einu sinni!

Bygg með Kjúkling og grænmeti

5 dl bygg
3 kjúklingabringur
1 brokkolihaus
1-2 laukar (eftir stærð)
500 g gulrætur (hér var ég með marglitar)
Ólífuolía til steikningar
Salt, pipar, hvítlaukskrydd og kjúklingakrydd eftir smekk
3 tsk. soyasósa

Skerið brokkoli niður, gulrætur í strimla og lauk í sneiðar.
Steikið kjúklingabringurnar snöggt á pönnu aðeins til að brúna þær, kryddið með kjúklingakryddi og færið yfir í eldfast mót og inn í ofn í 20 mínútur á 180°C og leyfið þeim svo aðeins að hvíla áður en þið skerið þær niður.
Steikið á meðan brokkoli og gulrætur upp úr vel af ólífuolíu og kryddið til með salti, pipar og hvítlauksdufti. Hellið síðan nokkrum matskeiðum af vatni á pönnuna og leyfið því að gufa upp, þannig mýkið þið aðeins grænmetið. Takið það síðan af pönnunni og leggið til hliðar.
Sjóðið bygg samkvæmt leiðbeiningum á pakka og steikið laukinn þar til hann mýkist.
Skerið kjúklingabringurnar í strimla og blandið að lokum öllu saman á pönnunni, kryddið meira ef ykkur finnst þess þurfa og blandið soyasósunni saman við.

Lúxus chiagrautur

Wed, 23 Aug 2023 19:44:49 GMT

Lúxus chiagrautur

Uppskrift í samstarfi við Gotterí og gersemar

Ég er alltaf að reyna að finna upp á hollum og góðum uppskriftum og nýjasta nýtt hjá mér eru chiagrautar. Það þarf síðan alltaf að vera smá gúrme þegar ég er að útbúa mér svona hollustu og almáttugur minn hvað þessi útfærsla var góð!

Kókos- og möndlusmjörið er algjör hittari út á grautinn, berin síðan mjúk og sæt, kókosflögur og hnetur með smá kröns, þetta var allt saman + meira var hreinlega algjör negla!

Það er lítið mál að útbúa chiagrautinn með fyrirvara og setja síðan „topping“ á hann þegar þú ert að fara að borða eða til að grípa með í nesti. Það má einnig skipta uppskriftinni niður í krukkur og geyma grautinn þannig þangað til þið eruð tilbúin að borða hann. Ef þið eruð með gott lok á boxin/krukkurnar sem þið notið má geyma tilbúinn chiagraut í 3-5 daga í ísskápnum svo það er fullkomið að hræra í nokkrar krukkur í einu.

Lúxus Chia grautur

Uppskrift dugar í um 4 morgunverðarskálar

Chia grautur uppskrift

150 g Chia fræ
800 ml möndlumjólk
350 g kókosjógúrt
Hrærið öllu saman í skál og leyfið að standa í um 10 mínútur.
Hrærið þá aftur upp í blöndunni, setjið lok á skálina og geymið í kæli í að minnsta kosti 3 klukkustundir eða yfir nótt.
Skiptið síðan niður í skálar og toppið með neðangreindum hugmyndum.

„Topping“ á Chia graut

Rapunzel kókos- og möndlusmjör með döðlum
Rapunzel döðlusýróp
Driscolls brómber
Driscolls bláber
Niðurskorinn banani
Ristaðar kókosflögur
Saxaðir pistasíukjarnar
Smá saxað dökkt súkkulaði

Lambakótilettur í Caj P

Mon, 17 Jul 2023 14:25:12 GMT

Lambakótilettur í Caj P

Uppskrift í samstarfi við Gotterí og gersemar

Lambakjöt er grillmatur sem klikkar seint! Það er svo auðvelt að galdra fram dýrindis grillmáltíð með góðu kjöti og grillolíu. Ég vildi óska þið fynduð góða ilminn af þessu kjöti hér í gegnum færsluna!

Ekki skemmir fyrir að það sé hægt að grilla grænmetið líka á útigrillinu en það þarf hins vegar örlítið lengri tíma en kjötið svo það er gott að setja þá á aðeins á undan.

Lambakótilettur í Caj P uppskrift

Fyrir um 4-5 manns

Kótilettur uppskrift

Um 1,3 kg af kótilettum
Caj P Original grillolía

Penslið kótiletturnar vel með grillolíu og leyfið þeim að standa við stofuhita í að minnsta kosti klukkustund áður en þær eru grillaðar.
Grillið á vel heitu grilli og penslið 1-2 sinnum með grillolíu á meðan.

Grænmeti á grillið

1 stór sæt kartafla (um 300 g)
6-8 stk. sveppir
8 stilkar ferskur aspas
½ gul paprika
½ rauð paprika
½ laukur
Filippo Berio ólífuolía
Salt, pipar, hvítlauksduft, lambakjötskrydd

Flysjið og skerið sætu kartöfluna niður í litla teninga (um 1×2 cm).
Skerið allt annað grænmeti gróft niður.
Setjið allt saman á grillpönnu, vel af ólífuolíu yfir og kryddið eftir smekk.
Grillið á meðalháum hita í um 30 mínútur eða þar til kartöflurnar eru orðnar mjúkar í gegn, hrærið reglulega í á meðan.

Grillsósa uppskrift

170 g Heinz majónes
70 g Philadelphia rjómaostur
½ sítróna (safinn)
2 rifin hvítlauksrif
1 msk. saxaður graslaukur
1 msk. Heinz Sweet BBQ sósa
1 msk. sykur
1 tsk. salt

Pískið allt saman í skál þar til kekkjalaust.
Geymið í kæli fram að notkun.

Þessi máltíð hentar fullkomlega heima við sem og í útilegunni. Það er þess vegna hægt að skera grænmetið niður heima og taka með í lokuðu í láti og einnig píska í sósuna!

Ostafylltar kartöflur

Mon, 17 Jul 2023 14:19:26 GMT

Ostafylltar kartöflur

Uppskrift í samstarfi við Gotterí og gersemar

Linda frænka spurði hvort hún ætti ekki að gera „lútmílu“ í kartöflurnar þegar við vorum að grilla fyrir norðan í sumarfríinu. Ég vissi ekki hvað hún var að tala um en sagði bara já, ég er til! Þá hafði vinkona hennar frá Tékklandi gert þetta fyrir þau fyrir einhverjum árum og hún notað hugmyndina frá henni síðan þá. Ég hef aldrei fengið svona áður og þetta er algjör snilld í bakaða kartöflu, nammi namm!

Ég hef oft séð skafið innan úr kartöflum, þær fylltar og síðan bakaðar aðeins aftur en þetta er svo handhægt og sniðugt svona!

Ostafylltar kartöflur „Lútmíla“

100 g sýrður rjómi frá Gott í matinn
70 g majónes
30 g rjómi frá Gott í matinn
2 hvítlauksrif
1 tsk. salt
½ tsk. pipar
100 g rifinn Cheddar ostur frá Gott í matinn
100 g rifinn Mozzarella ostur frá Gott í matinn

Pískið saman sýrðan rjóma, majónes, rjóma, hvítlauksrif, salt og pipar.
Blandið síðan báðum tegundum af osti saman við og geymið í kæli fram að notkun.
Skerið kross í bakaða kartöflu og leyfið vel af „lútmílu“ að bráðna ofan í hana.
Hægt er að bjóða upp á bakaða kartöflu á þennan máta með hvaða kjöti, sósu og öðru meðlæti sem hugurinn girnist.

Fljótlegt og þægilegt að nota rifinn ost úr pokum í þessa uppskrift.

Rækjutaco

Wed, 14 Jun 2023 13:49:12 GMT

Rækjutaco

Uppskrift í samstarfi við Gotterí og gersemar

Hér kemur ein súper sumarleg, holl og góð uppskrift!

Uppskrift

Fyrir 3-4 manns

Rækjutaco

700 g risarækjur
Grillolía að eigin vali
8-10 litlar vefjur
3 avókadó
½ mangó
½ rauð paprika
½ rauðlaukur
2 msk. ferskur kóríander
Kóríandersósa (sjá uppskrift)

Skolið og þerrið rækjurnar, marinerið upp úr grillolíu í að minnsta kosti klukkustund (ég notaði hunangs grillolíu þetta skiptið og það kom vel út).
Skerið allt grænmeti/ávexti niður og blandið saman í skál og útbúið sósuna.
Hitið vefjurnar og setjið saman eftir hentugleika.

Kóríandersósa

1 ½ dós sýrður rjómi (270 g)
1 lime (safinn)
3 msk. saxaður kóríander
1 rifið hvítauksrif
½ tsk. salt
½ tsk. pipar

Pískið allt saman í skál og geymið í kæli fram að notkun.

Namm!

S’mores kaka

Wed, 14 Jun 2023 13:38:04 GMT

S’mores kaka

Uppskrift í samstarfi við Gotterí og gersemar

Ég hreinlega fæ ekki nóg af S’mores í hinum ýmsu útgáfum!

Þessi kaka var vægast sagt dásamleg. Það má ýmist grilla hana á útigrilli eða baka hana í ofni. Ég gerði hana á grillinu og það má vel útbúa kökudeigið sjálft með fyrirvara og síðan bara skella pönnunni á grillið stuttu áður en eftirrétturinn á að vera klár.

Uppskrift

Botn

120 g smjör við stofuhita
120 g púðursykur
2 egg
2 tsk. vanilludropar
200 g hveiti
1 tsk. matarsódi
¼ tsk. salt
80 g súkkulaðidropar (dökkir)
80 g saxað Marabou Daim Bites súkkulaði

Þeytið smjör og púðursykur þar til létt og ljóst.
Bætið eggjunum saman við, einu í einu og skafið niður á milli.
Næst fara vanilludroparnir saman við og þá hveiti, matarsódi og salt.
Skafið deigið vel niður og blandið síðan súkkulaðinu saman við með sleif.
Smyrjið pönnu/mót að innan með smjöri og þjappið deiginu síðan niður í botninn.
Hægt er að geyma deigið plastað í kæli í allt að 3 daga áður en það er grillað/bakað en ekki er þó þörf á að kæla það sérstaklega sé ætlunin að baka kökuna strax.
Hafið grillið við 180°C hita (gott að slökkva á brennaranum undir pönnunni og notast við óbeinan hita.
Grillið/bakið kökuna með lokað grillið í 15 mínútur, bætið þá toppinum á og lokið aftur í 3-5 mínútur eða þar til sykurpúðarnir gyllast og súkkulaðið bráðnar.

Toppur

100 g Marabou Daim Bites súkkulaði
100 g Lu Digestive hafrakex (brotið niður)
130 g litlir sykurpúðar
130 g súkkulaðidropar (dökkir)

Raðið öllum hráefnum ofan á kökuna þegar hún hefur verið 15 mínútur á grillinu og bakið áfram í 3-5 mínútur.
Gott er að bera kökuna fram með ís.

Ég var að smakka þetta súkkulaði í fyrsta skipti og NAMM!!!! Það er alveg geggjað!

Fyllt jalapeño og habanero á grillið

Wed, 14 Jun 2023 12:12:46 GMT

Fyllt jalapeño og habanero á grillið

Uppskrift í samstarfi við Gotterí og gersemar

Fyllt jalapeño hef ég gert áður fyrir ykkur en svo er það eins og með margar aðrar uppskriftir að þær þróast aðeins með tíð og tíma og hér er komin útfærsla sem er algjört sælgæti!

Uppskrift

Jalapeño

Jalapeño
Philadelphia rjómaostur með Sweet Chili
Beikonsneiðar
Hlynsýróp
Svartur pipar

Skerið jalapeño til helminga langsum.
Sléttfyllið með rjómaosti.
Vefjið beikonsneið yfir og grillið við háan hita á álbakka/álpappír/grænmetisgrind þar til beikonið er tilbúið.
Raðið á disk, setjið hlynsýróp og pipar yfir.

Habanero

Habanero
Philadelphia rjómaostur með graslauk
Svartur pipar

Skerið habanero til helminga langsum.
Sléttfyllið með rjómaosti.
Grillið á álbakka/álpappír/grænmetisgrind við vægan hita í nokkrar mínútur þar til mýkist.
Raðið á disk og piprið.

Það má sannarlega leika sér með rjómaosta og þær bragðtegundir sem eru í boði. Þessi blanda var dásamleg og ég á eflaust eftir að prófa þær fleiri í sumar! Að setja sýrópið yfir í lokin er síðan punkturinn yfir I-ið, namm! Bæði jalapeño og habanero er missterkt, sum eru bara sæt og góð á meðan önnur rífa aðeins í en hvorutveggja virkilega gott!

Hamborgari með Dóra sterka og sultuðum rauðlauk

Tue, 13 Jun 2023 09:16:22 GMT

Hamborgari með Dóra sterka og sultuðum rauðlauk.

Uppskrift í samstarfi við Gott í matinn

Sultaður rauðlaukur, heimagerð sósa sem rífur smá í og toppurinn er hinn bragðgóði ostur Dóri sterki - bragðgóður og hentar vel á börgerinn, smá kryddaður og alveg fullkominn til að toppa þessi gúrmheit.

Uppskrift

4 skammtar

Innihald

Sultaður rauðlaukur

4 stk.rauðlaukur
1 stk.hvítlauksrif
100 mlbalsamik edik
2 msk.sykur
1 msk.púðursykur
2 msk.hunang
2 msk.olía - dass af pipar

Sósa

100 ml majónes
1 msk. tómatsósa
1 msk. sriracha sósa
1 msk. dijon sinnep
1 tsk. hvítlaukskrydd
1⁄4 tsk. laukkrydd
1⁄4 tsk. paprikukrydd
1⁄4 tsk. salt
1⁄4 tsk. pipar

Samsetning á hamborgara

4 stk. hamborgari
4 stk. hamborgarabrauð
4 sneiðar Dóri sterki
sultaður rauðlaukur
tómatur
gúrka
kál

Meðlæti

franskar eða ofnb akaðar kartöflur

Sultaður rauðlaukur

Skerið laukinn í þunnar ræmur og setjið í pott ásamt öðrum innihaldsefnum.
Leyfið að eldast við miðlungshita þangað til vökvinn er gufaður upp í u.þ.b. 20 mín.
Setjið rauðlaukinn í lokað ílát og geymið í kæli.

Heimagerð hamborgarasósa

Setjið öll innihaldsefni í skál og hrærið saman.
Gott er að setja sósuna í kæli og leyfa henni að taka sig smá áður en hún er notuð en ekkert mál að bera hana beint fram.
Ekkert mál að skala hana niður með því að minnka magnið af sriracha sósunni og bæta þá örlítið meira af tómatsósu.

Samsetning

Grillið hamborgarana og setjið ostinn ofan á þá.
Grillið einnig brauðið í stutta stund.
Skerið niður grænmetið, setjið sósu á báða helminga brauðsins og svo er það að raða.
Fyrst er það kál, gúrka, hamborgarinn, sultaður rauðlaukur og loks tómatar. Lokið með efri helmingi brauðsins og stingið pinna í gegn til að halda honum beinum.

Berið borgarana fram með frönskum kartöflum og meiri sósu!

Ofnbakað croissant með jarðarberjum og rjómaosti

Mon, 12 Jun 2023 12:14:08 GMT

Ofnbakað croissant með jarðarberjum og rjómaosti

Uppskrift í samstarfi við Gerum daginn girnilegan

Gómsætur réttur sem er tilvalinn í sunnudagsbrönsinn, saumaklúbbinn, vinahittinga eða jafnvel í babyshower. Ofnbakað croissant með jarðarberjum, rjómaosti og toppað með hlynsírópi. Ljúfur réttur sem er sniðugt að skella í daginn áður form og baka morguninn eftir. Passar vel með ísköldu Prosecco eða jafnvel mímósu.

Uppskrift

1 skammtur

Hráefni

4 stk egg
2 dl nýmjólk
1 tsk vanilludropar
2 msk hlynsíróp
½ tsk kanill
¼ stk salt
150 g Philadelfia rjómaostur
400 g Driscolls jarðarber - skorin í bita
35 g smjör
Toppa með flórsykri og hlynsírópi

Leiðbeiningar

Hrærið saman eggjum, mjólk, vanilludropum, sírópi, kanil og salti.
Skerið hvert croissant í þrjár til fjórar sneiðar.
Þekjið allar croissant sneiðarnar með eggjablöndunni.
Smyrjið eldfast form með smjöri og leggið 2/3 af croissant sneiðunum í formið.
Dreifið rjómaostinum jafnt yfir með matskeið.
Dreifið jarðarberjunum yfr og svo restina af croissant sneiðunum.
Hellið restinni af eggjablöndunni yfir allt saman og kælið í klukkustund eða yfir nótt.
Skerið smjörið í bita, dreifið yfir réttinn og bakið í 30-40 mínútur við 180°C. Eða þar til rétturinn er orðinn gylltur og stökkur. Ef ykkur finnst rétturinn vera að dökkna hratt þá er gott að setja álpappír yfir.
Sigtið flórsykur yfir og berið fram með hlynsírópi.

Pizzasnúðar

Mon, 12 Jun 2023 12:02:29 GMT

Pizzasnúðar

Uppskrift í samstarfi við Gerum daginn girnilegan

Hér voru pizzasnúðar útfærðir úr uppskrift af pizzadeigi. Útkoman var alveg dásamleg og nokkuð er ljóst að þessir snúðar verða bakaðir á þessu heimili reglulega í framtíðinni. Þeir voru mjúkir og ljúffengir og kláruðust ansi hratt. Uppskrift dugar í um 20-24 snúða

Uppskrift

1 skammtur

Hráefni

Deig

600 g hveiti
1 msk sykur
2 tsk salt
1 þurrger
400 ml volgt vatn
2 msk Filippo Berio ólífuolía

Álegg og sósa

Hunt's pizzasósa
100 g skinka
50 g pepperoni
100 g rifinn Cheddar ostur
100 g rifinn Mozzarella ostur
Oregano krydd

Leiðbeiningar

Deig

Setjið þurrefnin í hrærivélarskál og festið krókinn á (þetta deig má einnig hnoða saman í höndunum en þá þarf að gera stóra holu í þurrefnahrúguna og blanda vatni og olíu saman við í nokkrum skömmtum).
Blandið þurrefnunum saman og hellið vatni og ólífuolíu saman við og hnoðið í nokkrar mínútur.
Penslið stóra skál með matarolíu, veltið deigkúlunni upp úr olíunni, plastið skálina og leyfið að hefast í um 1 klukkustund.
Fletjið deigið næst út í um 40 x 50 cm rétthyrning og takið til álegg og sósu.

Álegg og sósa

Hitið ofninn í 200°C.
Fletjið deigið út (c.a 30 x 40 cm).
Smyrjið pizzasósu yfir deigið.
Skerið skinku og pepperoni smátt niður og dreifið jafnt yfir deigið ásamt ostinum.
Stráið smá oregano kryddi yfir allt, rúllið upp og skerið niður í um 20-24 snúða.
Raðið á bökunarpappír á bökunarplötu og bakið í um 18-20 mínútur eða þar til snúðarnir fara að gyllast.

Butter Chicken Pizza

Mon, 12 Jun 2023 11:54:46 GMT

Butter Chicken Pizza

Uppskrift í samstarfi við Gerum daginn girnilegan

Er eitthvað betra en dýrindis máltíð sem er auðvelt að gera? Skemmtilegt og auðvelt fjölskylduuppáhald, þessi pizza á örugglega eftir að slá í gegn hjá öllum við matarborðið! Butter Chicken karrísósan frá Patak´s gefur henni ljúffengan, grillaðan ilm. Butter Chicken sósan frá Patak´s fæst í öllum helstu matvöruverslunum.

Uppskrift

1 skammtur

Hráefni

1 stk Patak´s Butter Chicken sósa 450g
75 g hreint jógúrt
10 g pressaður hvítlaukur
50 g kjúklingabringa
1 stk pizzabotn
250 g rifinn ostur
150 g spínat
50 g rauðlaukur
24 stk kirsuberjatómatar
Salt og pipar eftir smekk

Meðlæti

Tilda hrísgrjón (soðin)
Patak‘s naan brauð með smjöri

Leiðbeiningar

Hitaðu ofninn í 220°C
Hrærið saman Butter Chicken sósuna, jógúrt, hvítlauk og salt.
Blandið 3 msk (45 ml) af jógúrtsósunni saman við kjúklingabitana; setjið afganginn af jógúrtsósunni til hliðar.
Lokið og marinerið kjúklinginn í 15 mínútur.
Eldið kjúklinginn á pönnu.
Dreifið restinni af jógúrtsósunni yfir pizzubotninn.
Stráið 1/2 bolla af osti yfir pizzuna.
Dreifið yfir spínati, lauk, kirsuberjatómötum (skorin hlið upp), og elduðum kjúklingi.
Setjið svo efst 1/2 bolla (125 ml) af osti.
Bakið beint á ofngrindi í 12 til 15 mínútur eða þar til ostur er bráðinn og freyðandi.

Indverskur kjúklingaréttur á 20 mínútum

Mon, 12 Jun 2023 11:38:55 GMT

Indverskur kjúklingaréttur á 20 mínútum

Uppskrift í samstarfi við Gerum daginn girnilegan

Hér kemur dásamlegur kjúklingaréttur sem var tilbúinn á 20 mínútum svo það er ekki lengur afsökun fyrir því að prófa ekki að skella í indverskt!

Uppskrift

4 skammtar

Hráefni

1 laukur
3 hvítlauksrif
2 tsk rifið engifer
700 g Rose Poultry úrbeinuð kjúklingalæri
4 msk Hunt‘s tómatmauk (paste)
1 msk Garam Masala
1 tsk paprikuduft
1 tsk cumin duft
350 ml rjómi
salt og pipar
Smjör og ólífuolía til steikingar

Meðlæti

Tilda hrísgrjón (soðin)
Patak‘s naan brauð með smjöri

Leiðbeiningar

Skerið kjúklinginn niður og leggið til hliðar.
Saxið laukinn smátt og steikið við vægan hita upp úr olíu og smjöri, kryddið með salti og pipar.
Rífið engifer og hvítlauk saman við í lokin og steikið áfram stutta stund.
Næst má kjúklingurinn fara á pönnuna og hér má bæta við smá olíu og krydda aðeins með salti og pipar.
Næst má bæta tómatmauki og öðrum kryddum saman við og steikja áfram.
Hellið þá rjómanum á pönnuna og leyfið að malla í um 10 mínútur á meðan þið sjóðið grjón og hitið naan brauð.
Gott er að rífa smá kóríander yfir í lokin en það er þó ekki nauðsynlegt.

Chili-BBQ hjúpaðir kjúklingavængir

Mon, 12 Jun 2023 10:27:41 GMT

Chili-BBQ hjúpaðir kjúklingavængir

Uppskrift í samstarfi við Gerum daginn girnilegan

Ein besta kjúklingavængjasósa sem til er, hægt að gera hana eins sterka og hver og einn vill.

Uppskrift

4 skammtar

Hráefni

700 g kjúklingavængir beinlausir – panneraðir eða djúpsteiktir
340 g Heinz Chili sósa
340 g Heinz Sweet BBQ sósa
75 g Tabasco Sriracha sósa
Magn eftir smekk
1 stk vorlaukur
Sesamfræ

Gráðaostasósa

300 ml Heinz majónes
150 g gráðaostur

Borið fram með

Sellerí
Corona Cero 0,0%

Leiðbeiningar

Blandið saman majónesi og gráðaosti og látið taka sig.
Blandið sósunum saman í potti og sjóðið í nokkrar mínútur.
Eldið panneraðan kjúkling eftir uppskrift á umbúðum.
Hellið sósunni yfir kjúklinginn meðan hann er enn heitur og blandið vel saman.
Raðið kjúklingnum á bakka, setjið vorlauk og sesamfræ ofan á og berið fram með gráðaostasósunni og selleríi.
Njótið með Corona Cero 0,0%

Tælensk sumarsúpa

Mon, 01 May 2023 14:44:23 GMT

Tælensk sumarsúpa

Uppskrift í samstarfi við Gotterí og gersemar

Tælensk sumarsúpa

Fyrir um 4-5 manns

500 g risarækja
½ laukur
3 hvítlauksrif
3 cm engiferrót
1 msk. saxað chili
2 stilkar sítrónugras
2 dósir kókosmjólk (2 x 400g)
2 msk. grænmetiskraftur
500 ml vatn
2 msk. púðursykur
2 msk. soyasósa
300 g Udon núðlur
2 msk. karrý
1 msk. túrmerik
Salt og pipar eftir smekk
Lime, jarðhnetur, kóríander og chili (ofan á í lokin eftir smekk)

Aðferð

Skolið og þerrið rækjurnar, leggið til hliðar.
Saxið lauk og chili smátt og rífið engifer og hvítlauk.
Steikið upp úr vel af olíu, kryddið með karrý, túrmerik, salti og pipar eftir smekk og bætið sítrónugrasinu út í pottinn (í um 2 cm löngum sneiðum).
Steikið allt saman við vægan hita þar til mýkist.
Bætið þá kókosmjólk, vatni, krafti, púðursykri og soyasósu í pottinn og leyfið að malla.
Á meðan er gott að sjóða núðlurnar og skera kóríander, lime, chili og jarðhnetur til að setja yfir súpuna í lokin.
Þegar núðlurnar eru soðnar má skola þær og geyma á meðan þið hækkið hitann á súpunni og bætið rækjunum saman við í um 3 mínútur.
Þegar rækjurnar eru orðnar bleikar og fínar má setja núðlurnar í pottinn og blanda öllu saman.
Síðan getur hver og einn skammtað sér chili, kóríander, jarðhnetur og lime.

Dásamlegi Le Creuset potturinn kemur frá Byggt & búið en þar er mikið úrval af þessum fallegu vörum. Að malla gómsæta súpu í fallegum potti gerir hana enn betri en ella og ekki skemmir fyrir að bera hana fram beint í pottinum. Litli svarti potturinn sem sést til hliðar er einnig lítill Le Creuset pottur en það er mjög skemmtilegt að bera fram ýmist meðlæti í þessum litlu pottum og nota ég mína mjög mikið undir slíkt.

Vefjur með kjúklingi og Sriracha sósu

Mon, 01 May 2023 14:28:17 GMT

Vefjur með kjúklingi og Sriracha sósu

Uppskrift í samstarfi við Gotterí og gersemar

Um daginn gerði ég vefjur með Pulled pork sem voru brjálæðislega góðar! Ég gat ekki hætt að hugsa um þær og langaði að prófa einhverja svipaða girnilega uppskrift nema núna með kjúklingi. Úr varð að ég hægeldaði útbeinað kjúklingalærakjöt í BBQ sósu og setti á vefjurnar ásamt grænmeti og Sriracha sósu. Þetta var sko ofur gott og ég mæli mikið með!

Það var bjart og fallegt haustveður daginn sem ég var að semja þessa uppskrift og því læddist örlítill sumarfílingur með henni en mangó minnir mig alltaf á sumarið. Ætli það sé ekki líka gott að hafa sól í hjarta, því langt er víst í næsta sumar, tíhí!

Uppskrift

Fyrir um 4-5 manns

Kjúklingur

900 g Rose Poultry úrbeinuð kjúklingalæri
1 rauðlaukur
½ flaska Heinz Sweet BBQ sósa
150 ml vatn
Kjúklingakrydd

Affrystið kjúklingalærin, kryddið með kjúklingakryddi og raðið í ofnpott/fat sem hægt er að loka eða setja álpappír á.
Hitið ofninn í 150°C.
Skerið laukinn niður í 4 hluta og leggið í fatið (til að fá gott bragð).
Sprautið BBQ sósunni yfir kjúklinginn, hellið vatninu í botninn og eldið í um 3 klukkustundir með lokið á.
Takið út, leyfið aðeins að standa og tætið síðan niður með tveimur göfflum. Fjarlægið laukinn og blandið restinni af soðinu og sósunni saman við kjötið.

Vefjur og grænmeti

Mission Wraps vefjur með grillrönd
Kínakál
Kirsuberjatómatar
Mangó
Kóríander

Skerið vefjurnar niður í 4 hluta og saxið allt grænmeti smátt.
Raðið kjöti og grænmeti á hvern hluta og sprautið Sriracha sósu yfir allt.

Sriracha sósa

100 g Philadelphia rjómaostur við stofuhita
100 g majónes
1-2 tsk. Tabasco Sriracha sósa
Pískið allt saman í skál, setjið í poka/flösku með litlu gati og sprautið yfir vefjurnar að vild.

Tabasco Sriracha sósan er ný á markaðnum og fæst hún í Fjarðarkaup og í verslunum Hagkaups.

Hér hvarf í það minnsta kvöldmaturinn á augabragði svo það hljóta að teljast góð meðmæli með uppskriftinni!

Súkkulaðibitakökur í páskafötunum

Thu, 06 Apr 2023 14:34:54 GMT

Súkkulaðibitakökur í páskafötunum

Uppskrift í samstarfi við Gotterí og gersemar

Það elska allir súkkulaðibitakökur, hvernig sem þær eru. Nýbakaðar, aðeins volgar inní ennþá eru þær bestar, með ískaldri mjólk! Við fórum í Fjarðarkaup um helgina, ég eeeeeelska að fara í Fjarðarkaup, þar er allt til! Hulda valdi krúttleg páskaegg til að hengja á páskagreinarnar og við keyptum í þessar dýrindis páskakökur og hér koma þær fyrir ykkur til að baka um páskana!

Súkkulaðibitakökur í páskaskapi

Fyrir 16-18 stykki

250 g smjör við stofuhita
190 g púðursykur
130 g sykur
1 egg
3 tsk. vanilludropar
400 g hveiti
1 tsk. matarsódi
½ tsk. salt
170 g súkkulaðidropar (+ meira til skrauts)
150 g M&M súkkulaðiegg (+ meira til skrauts)

Þeytið smjör og báðar tegundir af sykri þar til létt og ljóst.
Bætið þá eggi og vanilludropum saman við, skafið niður á milli og blandið vel.
Hrærið öll þurrefni saman í aðra skál og bætið saman við, hrærið á lágum hraða.
Að lokum má vefja súkkulaðidropum og súkkulaðieggjum saman við með sleikju.
Notið síðan ísskeið/kökuskeið til þess að skammta um 2 msk. stóra skammta, rúllið í kúlu og setjið smá súkkulaði og M&M ofan á, raðið á bakka og frystið í 30 mínútur.
Hitið þá ofninn í 175°C, takið kökurnar úr frystinum, raðið á bökunarpappír með gott bil á milli og bakið í 16-18 mínútur eða þar til kantarnir verða vel gylltir, kælið.

Sjáðu bakvið tjöldin þegar smákökurnar voru útbúnar:

Mmmmm…….munið, bestar nýbakaðar með ískaldri mjólk!

Ítalskar snittur með Dala Auði

Mon, 03 Apr 2023 14:08:59 GMT

Ítalskar snittur með Dala Auði

Uppskrift í samstarfi við MS Gott í Matinn

Einfaldar og einstaklega góðar snittur með ítölsku ívafi. Þetta góðgæti tekur enga stund að útbúa og snitturnar henta við hvaða tilefni sem er hvort sem um er að ræða afmæli, fermingar, veislur eða saumaklúbba.

Innihald

- fyrir 16 manns

1 stk. steinbakað snittubrauð
1 krukka rautt pestó
1⁄2 poki klettasalat (eða meira eftir smekk)
1 1⁄2 stk. Dala Auður
8 sneiðar hráskinka
fersk basilíka
ólífuolía til penslunar
gróft salt

Skref 1

Hitið ofninn í 200°.
Skerið brauðið skáhallt í sneiðar, penslið vel með ólífuolíu og stráið smá grófu salti yfir.
Bakið í 3-4 mínútur í ofninum og geymið síðan til hliðar á meðan annað er undirbúið.

Skref 2

Skerið Dala Auði í sneiðar (það nást um 10 sneiðar úr hverjum osti) og takið hverja hráskinkusneið í tvennt.
Smyrjið góðri teskeið af pestó á hverja brauðsneið, setjið þá klettasalat, því næst Dala Auði, hráskinku og skreytið að lokum með ferskri basilíku.

Ostaveisla vinahópsins

Mon, 03 Apr 2023 14:04:42 GMT

Ostaveisla vinahópsins

Uppskrift í samstarfi við MS Gott í Matinn

Ostaveisla sem þessi getur dugað sem léttur kvöldverður en einnig er sniðugt að útbúa svona íburðamikinn ostabakka sem forrétt í stærri veislu. Helsti kosturinn við svona ostaveislu að mínu mati er að hér geta flestir fundið sér eitthvað við hæfi. Það er úr nægu að velja og ostar, álegg, kex, brauð og ávextir í bland gleðja bæði augað og bragðlaukana og þá er alveg ómissandi að bjóða upp á einn bakaðan ost, t.d. bakaðan Dala Brie með pekanhnetum.

Innihald

2 stk. Dala Camembert, annar bakaður
2 stk. Dala Auður, annar bakaður
1 stk. Gullostur
1 stk. Dala Höfðingi
1 stk. Kryddostur Mexíkó
1 stk. Kryddostur pipar
1 stk. Goðdala Feykir
1 stk. Goðdala Grettir
1 stk. Óðals Maribo, skorinn í teninga
1 stk. Hreinn rjómaostur frá MS með sweet chili sósu

Hráskinka
Salamisneiðar
Salamipylsa
Eldstafir
Kex og kexstangir
Snittubrauð
Saltkringlur
Chili sulta
Bláberjasulta
Pestó
Ólífur
Hnetur
Súkkulaðihúðaðar rúsínur
Makkarónur
Súkkulaðihjúpuð jarðarber
Ferskar fíkjur og alls kyns ávextir

Lambahryggur með kryddhjúp

Wed, 29 Mar 2023 15:51:46 GMT

Lambahryggur með kryddhjúp

Uppskrift í samstarfi við Toro / Gotterí og gersemar

Það styttist í páskana og margir bjóða upp á lambakjöt á þeim tíma. Við elskum lambahrygg og hér kemur dásamleg útfærsla af slíkum sem ég mæli með að þið prófið!

Kryddhjúpurinn er stökkur og bragðgóður og minnti þetta mig pínu á kótilettur í raspi, enda eru þær unaðslegar, tíhí!

Lambahryggur með kryddhjúp

Fyrir um 8 manns

Lambahryggur eldun

Lambahryggur um 2,8 kg
1 msk. Dijon sinnep
1 msk. hunang
Bezt á lambið krydd
130 g brauðraspur
1 msk. saxað timian
1 msk. saxað rósmarín
2 hvítlauksgeirar (rifnir)
60 g smjör við stofuhita
500 ml vatn

Hitið ofninn í 200°C.
Þerrið hrygginn og skerið í hann grunnt mynstur (á skinnið).
Hrærið sinnepi og hunangi næst saman og penslið yfir allan hrygginn og kryddið síðan með vel af Bezt á lambið kryddi.
Setjið brauðrasp, timian, rósmarín, hvítlauk og smjör saman í aðra skál og nuddið saman með fingrunum þar til smjörið hefur samlagast raspinu og úr verður nokkurs konar kurl.
Dreifið kryddhjúpnum jafnt yfir hrygginn og þjappið aðeins, alveg niður hliðarnar.
Setjið hrygginn í stóran steikarpott og inn í ofn í 15 mínútur án þess að hafa lokið á. Lækkið þá hitann niður í 160°C, hellið vatninu í botninn, setjið lokið á pottinn og eldið þannig í 75 mínútur. Sigtið soðið þá úr pottinum fyrir sósuna.
Hækkið hitann að nýju í 200°C, takið lokið af og leyfið að eldast þannig í 15 mínútur. Hvílið síðan kjötið í að minnsta kosti 10 mínútur áður en þið skerið í það.

Sósa með lambahrygg

50 g smjör
250 g kastaníusveppir
Soðið úr steikarfatinu
150 ml vatn
250 ml rjómi
1 pk. Toro sveppasósa
1 pk. Toro steikarsósa
1 msk. fljótandi kjötkraftur
Salt og pipar eftir smekk

Skerið sveppina niður og steikið upp úr smjöri við meðalhita þar til þeir mýkjast, kryddið með salti og pipar eftir smekk.
Hellið næst soði og vatni í pottinn, hrærið sósubréfin saman við og bætið rjómanum saman við í nokkrum skömmtum.
Smakkið til með krafti, salti og pipar og leyfið sósunni að malla við lágan hita þar til hryggurinn er tilbúinn.

Bakaðar gulrætur

500 g gulrætur
3 msk. ólífuolía
1 tsk. rósmarín (saxað)
1 tsk. timian (saxað)
Salt og pipar
50 g pekanhnetur (saxaðar)
2 msk. sýróp

Hitið ofninn í 160°C.
Flysjið gulræturnar og skerið í strimla.
Veltið upp úr ólífuolíu og kryddum, raðið á ofnskúffu og bakið í um 45 mínútur fyrir ofan hrygginn í ofninum, eða þar til þær byrja að mýkjast. Snúið 1-2 x á þessum tíma.
Þegar gulræturnar eru orðnar mjúkar má dreifa hnetunum yfir og baka í örfáar mínútur í viðbót.
Setjið næst gulræturnar í skál og hellið smá sýrópi yfir þær áður en þeirra er notið.

Smjörsteiktar kartöflur

1 kg soðnar/forsoðnar kartöflur
70 g smjör
1-2 tsk. Bezt á allt hvítlaukskryddið
Salt og pipar eftir smekk

Bræðið smjörið á pönnu við meðalháan hita og setjið kartöflurnar saman við.
Kryddið þær og veltið í að minnsta kosti 15 mínútur þar til þær eru heitar í gegn.

Góð sósa er lykilatriði þegar bera á fram góða steik….að okkar mati á þessu heimili í það minnsta enda erum við öll sósusjúk! Það er einfalt og gott að nota Toro sósuduft sem grunn í alls kyns sósur og þessi hér var klárlega með þeim betri!

Smjörsteiktar kartöflur standa síðan alltaf fyrir sínu og ofnbakaðar, gljáðar gulrætur smellpössuðu með þessu ásamt fersku salati.

Páskaljúfmeti

Sun, 19 Mar 2023 14:05:55 GMT

Páskaljúfmeti

Uppskrift í samstarfi við Gotterí og gersemar

Það er svo gaman að prófa eitthvað nýtt og ég elska bæði hrískökur og marengs svo hér kemur algjör negla!

Ég ákvað að prófa að nota formkökuform í stað þess að notast við hringlaga og þetta kom virkilega skemmtilega út svona, líka mjög þægilegt að skera sneiðar á þennan hátt.

Síðan elska allir hrískökur svo ég gerði stærri uppskrift en þurfti í formið til þess að geta gert nokkur hreiður líka og þetta var ansi vinsælt í fjölskyldukaffinu á þessu heimili!

Það er síðan geggjað að setja Dumle karamellur í hrískökuuppskriftina, namm sko!

Páskaljúfmeti

Þessi uppskrift gefur eina ílanga páskaköku með hrískökubotni, bananarjóma, marengs og páskaeggjarjóma ásamt 10-12 páskahreiðrum sem fylla má með súkkulaðieggjum.

Marengsbotn uppskrift

2 eggjahvítur
100 g púðursykur

Hitið ofninn í 120°C og klæðið formkökuform að innan með bökunarpappír.
Þeytið saman eggjahvítur og púðursykur þar til stífþeytt.
Setjið í formkökuformið og bakið í 40 mínútur.
Leyfið marengsinum að kólna áður en þið lyftið honum uppúr í bökunarpappírnum og setjið kökuna saman.
Best finnst mér að gera marengsinn deginum áður ef ekki fyrr og geyma hann á þurrum stað.

Hrískökubotn og hreiður

60 g smjör
250 g dökkt súkkulaði
70 g Dumle karamellur
180 g sýróp (í grænu dósunum)
160 g Rice Krispies
PAM matarolíusprey

Pressið bökunarpappír niður í ílangt formkökuform og leggið til hliðar.
Spreyið smá PAM í ál-bollakökuform (í 10-12 hólf).
Setjið allt nema Rice Krispies í pott, hitið þar til bráðið og leyfið blöndunni aðeins að „bubbla“ við háan hita áður en þið takið af hellunni.
Leyfið þá hitanum aðeins að rjúka úr blöndunni og blandið Rice Krispies saman við.
Setjið tæplega helminginn í formkökuformið, þjappið aðeins niður og sléttið. Formið sem ég notaði er frá ömmu, 11 x 29 cm að stærð en auðvitað má nota aðeins minna/stærra.
Setjið síðan kúpta matskeið af blöndu í hvert bollakökuhólf og þrýstið miðjunni niður og aðeins upp kantana með skeið.
Kælið hvorutveggja á meðan þið útbúið fyllinguna.

Karamellusósa uppskrift

120 g Dumle karamellur
60 ml rjómi

Bræðið saman þar til kekkjalaust, leyfið að ná stofuhita áður en sósan er notuð á kökuna.

Fylling, skraut og samsetning

400 g þeyttur rjómi
1 banani
4-5 pokar Cadbury mini eggs

Skerið bananann í litla bita og blandið saman við um 2/3 af rjómanum.
Skerið einn súkkulaðieggjapoka gróft niður.
Leggið ílanga hrískökubotninn á fallegan disk og smyrjið bananarjómanum yfir hann og setjið síðan smá karamellusósu þar yfir.
Næst fer marengsbotninn ofan á og restin af þeytta rjómanum.
Hér má setja vel af karamellusósu yfir rjómann og skreyta síðan með niðurskornu súkkulaðieggjunum og nokkrum heilum.
Notið restina af súkkulaðieggjunum til að fylla hrískökuhreiðrin.

Hver elskar ekki þessi egg!!! Það er eitthvað við krönsí skelina utan á og svo ljúffenga súkkulaðið inn í sem fær mann til laumast alltaf í meira!

Páskakökukanína

Sun, 19 Mar 2023 13:55:25 GMT

Páskakökukanína

Uppskrift í samstarfi við Gotterí og gersemar

Þessi kaka er ekki bara ein sú krúttlegasta sem ég hef gert heldur er þetta besta brownie kaka sem ég hef útbúið! NAMMMMMM!

Blaut súkkulaði brownie kaka með súkkulaði rjómaostakremi og súkkulaði Cadbury eggjum…..hvað er hægt að biðja um meira ég bara spyr?

Þetta er hin fullkomna páskakaka og ef það eru ekki að koma páskar þá er þetta samt ein sú besta kaka sem þið getið búið til svo hana má að sjálfsögðu útfæra fyrir hvaða tilefni sem er og skera út hvað sem hentar.

Páskakökukanína

Kaka

350 g smjör
370 g suðusúkkulaði
490 g sykur
6 egg
170 g hveiti
75 g Cadbury bökunarkakó
1 tsk. salt
2 pokar Cadbury mini Eggs (gróft söxuð)

Hitið ofninn í 180°C og klæðið djúpa ofnskúffu með bökunarpappír, spreyið pappírinn vel með matarolíu.
Bræðið saman smjör og súkkulaði yfir vatnsbaði og leyfið hitanum að rjúka aðeins úr.
Þeytið egg og sykur saman þar til létt og ljóst, bætið þá súkkulaðiblöndunni varlega saman við í mjórri bunu og blandið vel.
Sigtið hveiti, kakó og salt yfir skálina og vefjið saman með sleif þar til vel blandað.
Vefjið að lokum gróft söxuðum súkkulaðieggjunum saman við blönduna, hellið í ofnskúffuna og bakið í um 30 mínútur eða þar til prjónn kemur út með smá kökumylsnu á, ekki blautu deigi.
Kælið kökuna alveg í skúffunni áður en þið dragið hana úr (annars getur hún brotnað).
Teiknið kanínuhöfuð á bökunarpappír. Gott að teikna hring og nota speglunaraðferð til að teikna eyrun. Teiknið yfir kökunni/ofnskúffunni og reynið að nýta kökuna sem best.
Klippið bökunarpappírinn til, festið með tannstönglum, skerið kanínuna út og færið yfir á bretti/disk áður en skreytt er.

Krem

100 g smjör við stofuhita
270 g Philadelphia rjómaostur við stofuhita
2 tsk. vanilludropar
½ tsk. salt
100 g Cadbury bökunarkakó
600 g flórsykur

Þeytið saman smjör, rjómaost og vanilludropa.
Setjið kakó, flórsykur og salt saman í skál og bætið saman við í nokkrum skömmtum.
Skafið vel niður á milli og þeytið þar til slétt og fallegt krem hefur myndast.
Setjið í sprautupoka með hringlaga stút (um 1 cm í þvermál) og sprautið jafnar doppur á alla kökuna og skreytið.

Skreyting

3 pokar Cadbury mini Eggs
1 pakki Cadbury Fingers kex
Fersk blóm
Stingið Fingers kexi hér og þar í kökuna og klippið blómin niður. Skreytið með súkkulaðieggjum og blómum að vild.

Gómsæt hugmynd fyrir afskurðinn af kökunni

Afskurður af kökunni
1 poki Dumle bananakaramellur (220g), bræddar saman í sósu með 4 msk. af rjóma
500 ml rjómi
1 poki Cadbury mini Eggs

Brytjið afskurðinn niður nema skerið alla enda fyrst af og hendið (eða borðið, haha).
Setjið nokkra bita af köku í hverja krús og hellið um 1 msk. af karamellusósu yfir.
Þeytið rjómann og sprautið rjóma í hverja krús og skreytið síðan með gróft söxuðum súkkulaðieggjum og smá brúðarslöri.

Hversu krúttlegt er þetta allt saman!
Það mætti síðan auðvitað líka frysta afskurðinn og útbúa svona krúttlegt góðgæti í krús síðar við skemmtilegt tilefni!

Þessi kaka er með skemmtilegri tilraunum sem ég hef gert og það er svo gaman þegar vel tekst til og útkoman verður alveg upp á 10, þessi fengi sko 11 ef það væri hægt!

Drykkurinn sem styrkir bæði húð og hár

Tue, 13 Sep 2022 01:26:10 GMT

Silkimjúkur kakó kollagen drykkur

„Þessi smoothie er alveg einstaklega bragðgóður og fullur af ofurfæðu sem nærir húð og hár,“ segir Linda Ben um nýja uppáhalds drykkinn sinn en það heitasta heitt er að blanda kollageni út í nánast hvað sem er. Kollagen drykkir hafa átt miklum vinsældum að fagna og fremstur þar í flokki er sjálfsagt Collab sem inniheldur bæði koffín og kollagen auk þess að innihalda íslenkst vatn.

Drykkurinn sem styrkir bæði húð og hár

2 dl frosið mangó
1 lítill banani
1 msk. hnetusmjör
1 msk. hampfræ
1 msk. graskersfræ
1 msk. kakó
2 msk Feel Iceland Kollagen
350 ml haframjólk

Setjið öll innihaldsefninsaman í blandara þar til verður að drykk.

Lárperusalat

Mon, 05 Sep 2022 22:26:05 GMT

Lárperusalat

"Þetta salat er frábært sem millimál en gott er að setja það ofan á hrökkbrauð, súrdeigsbrauð eða gæða sér á því eitt og sér. Það tekur stutta stund að búa það til og það geymist í lokuðu íláti í ísskápnum í 1-2 daga ef það klárast ekki strax sem það gerist venjulega hjá mér." - Anna Eiríksdóttir

Fyrir: 1-2

Undirbúningur: 15 mínútur

Innihald:

1 lítil dós kotasæla
1 lárpera
2 harðsoðin egg
Salt og pipar

Aðferð:

Harðsjóðið eggin og kælið. Setjið kotasæluna í skál og skerið lárperuna í litla bita sem þið setjið út í. Brytjið eggin niður og bætið þeim einnig út í og hrærið saman við. Kryddið að vild með salti og pipar og njótið vel!

Bláberjaskál

Mon, 05 Sep 2022 22:23:38 GMT

Bláberjaskál

"Við fáum aldrei leið á því að gera góða skál. Þessi skál inniheldur þykkan bláberjaþeyting og svo er hægt að setja í rauninni hvaða ber sem er á toppinn, granóla, múslí, banana eða bara það sem þig langar í þá stundina. Við settum granóla og fersk ber ofan á okkar að þessu sinni!" - Anna Eiríksdóttir

Fyrir: 2

Undirbúningur: 5 mínútur

Innihald:

1 bolli rísmjólk með vanillu eða möndlumjólk frá Isola
1 bolli frosin jarðaber
1 bolli frosin bláber
1 lítil dós grísk jógúrt með vanillu eða vanilluskyr
1 banani

Aðferð:

Allt sett í blandara og hrært vel saman, svo toppað t.d. með góðu heimatilbúnu granóla og ferskum berjum, verði ykkur að góðu!

Bakaður hafragrautur

Mon, 05 Sep 2022 22:21:05 GMT

Bakaður hafragrautur

"Bakaður hafragrautur er að gera allt vitlaust á samfélagsmiðlum þessa dagana og auðvitað varð ég að prófa eins og allir hinir. Þessi uppskrift er einföld og góð sem smá vanillufíling en það er hægt að leika sér með endalausar útfærslur em ég á eflaust eftir að deila með ykkur!" - Anna Eiríksdóttir

Fyrir: 1

Undirbúningur: 5 mínútur

1 banani
1 egg
1 dl haframjöl
1/2 dl möndlumjólk
1/4 tsk vínsteinslyftiduft
(Vanilluprótein ef vill)
Smá Akasíu hunang og ber á toppinn

Aðferð:

Stappið bananann vel og hrærið egginu saman við. Bætið haframjölinu og lyftiduftinu við og hrærið möndlumjólkinni svo varlega saman við. Setjið í litla eldfasta skál og bakið í ofni við 175° í u.þ.b 10-12 mínútur.

Toppið með smá akasíu hunangi ef vill og berjum og njótið vel.

Bjórmarineruð svínalund á grillið

Thu, 30 Jun 2022 16:33:58 GMT

Bjórmarineruð svínalund á grillið

Ef svínalundin er elduð rétt verður hún mjúk og safarík, toppuð með Caj P grillolíu verður hún síðan fullkomin!

Uppskrift

Hráefni

1 kg svínalund
2 msk salt
1 stk Stella Artois bjór
Steikarkrydd
Caj P Hickory grillolía

Grænmetisspjót

2 stk Ferskur maís skorinn niður
1 stk Rauðlaukur
1 stk Rauð papríka
10 stk sveppir

Köld sósa

150 g majónes
150 g sýrður rjómi
2 stk hvítlauksrif
salt og pipar eftir smekk
TABASCO® sósa eftir smekk

Leiðbeiningar

Sinuhreinsið svínalundina og þerrið hana vel.
Saltið og nuddið saltinu vel inn í vöðvann.
Setjið í eldfast mót/annað ílát og hellið bjórnum yfir svo hann þeki lundirnar.
Plastið vel og leyfið að marinerast yfir nótt helst (nokkrar klukkustundir duga samt til).
Takið lundirnar úr bjórleginum og þerrið að nýju.
Kryddið með góðu steikarkryddi og setjið á vel heitt grill.
Penslið nokkrum sinnum með Caj P grillolíu á meðan kjötið eldast. Takið af grillinu þegar kjarnhiti er 65° og leyfið kjötinu að standa í að minnsta kosti 15 mínútur áður en þið skerið það niður.
Berið fram með bökuðum kartöflum, grænmetisspjótum (sjá uppskrift hér að neðan) og kaldri sósu (sjá uppskrift hér að neðan).

Grænmetisspjót

Skerið grænmetið niður og raðið á grillspjót.
Penslið með Caj P og grillið á meðalháum hita í um 15 mínútur, snúið reglulega.

Köld sósa

Pískið allt saman og geymið í kæli fram að notkun

Uppskrift fengin frá Gerum Daginn Girnilegan / Uppskrift eftir Berglindi á gotteri.is

Trefjaríkir og mettandi orkuboltar

Thu, 30 Jun 2022 16:26:59 GMT

Trefjaríkir og mettandi orkuboltar

Þessir orkuboltar eru hollir, metttandi, mátulega sætir og trefjaríkir í senn

Uppskrift

Hráefni

1 ½ dl haframjöl (ekki tröllahafrar)
1 dl So Vegan So Fine kókóssmyrja
½ dl agavesíróp
1 tsk vanilludropar
1 dl möndlumjöl
1 ½ dl kókoksmjöl og smá meira svo til að velta upp úr
klípa af salti

Leiðbeiningar

Byrja á því að setja haframjöl í matvinnsluvél eða blandara og mala það smátt.
Næst er restin af innihaldsefnum sett saman við haframjölið í blandaranum eða matvinnsluvélinni.
Hafið í gangi þar til allt er vel blandað saman og klístrast saman, forðist samt að hafa allt of lengi í gangi þá verður þetta að olíu.
Takið nú maukið úr vélinni og formið 18 kúlur c.a á stærð við litla skopparabolta.
Veltið að lokum upp úr kókósmjöli og kælið áður en borið er fram.
Gott er að eiga þessa bolta/kúlur í frystir og taka svo út einn og einn út og láta standa í eins og 5 mínútur á borði.

Uppskrift fengin frá Gerum Daginn Girnilegan / Uppskrift frá Maríu á Paz.is

Grillað Nauta Rib-Eye

Wed, 29 Jun 2022 21:25:28 GMT

Grillað Nauta Rib-Eye

ALVÖRU NAUTASTEIK

250-300 gr. Nauta Rib-Eye steikur - sérvaldar

Leiðbeiningar

Mikilvægt er að kjötið sé látið standa nógu lengi úti að það nái stofuhita í kjarna.
Grillið er hitað mjög vel, kjötið kryddað með sérvöldum Kjöthúss marineringum og svo grillað í 1-2 mín á hvorri hlið á sem mestum hita á vel heitu grillinu.
Þá er steikin færð yfir á þann hluta grillsins sem er ekki undir eldi og grillað í 3-6 mín. eftir því hve mikið viðkomandi vill hafa steikina eldaða.
Kjötið er síðan tekið af grillinu og látið standa á fati í 3-5 mín og látið jafna sig áður en það er borið fram.

Uppskrift fengin frá Kjöthúsinu

Quesadillas með tígrisrækjum

Wed, 29 Jun 2022 21:05:15 GMT

Quesadillas með tígrisrækjum

Hér kemur bragðgóð og einföld uppskrift að quesadillas. Ég elska quesadillas og er það oft á boðstólum heima hjá mér. Hér fylli ég þær með tígrisrækjum, Philadelphia rjómaosti, kokteiltómötum og blaðlauk. Toppa þær svo með majónesi, Tabasco Sriracha sósu og avókadó. Mjög bragðgóður og einfaldur réttur sem klikkar ekki.

Uppskrift

Hráefni

4 stk Mission hveiti tortillur
300 g Sælkerafiskur stórar tígrisrækjur
2 msk Caj P grillolía með hvítlauki
Salt og pipar
Chili duft
Filippo Berio ólífuolía
200 g Philadelphia rjómaostur
15 stk litlir tómatar, smátt skornir
2 msk blaðlaukur, smátt skorinn
2 stk avókadó
0,50 stk límóna

Meðlæti

Heinz majónes í túpu
Tabasco Sriracha í túpu

Leiðbeiningar

Veltið rækjunum upp úr grillolíunni og kryddið með salti, pipar og chili dufti.
Steikið rækjurnar upp úr ólífuolíu þar til þær eru orðnar bleikar og steiktar í gegn, það tekur 2-3 mínútur.
Smyrjið tortillurnar með rjómaosti og dreifið blaðlauki, tómötum og tígrisrækjum yfir helminginn.
Lokið tortillunum og penslið með ólífuolíu. Bakið í ofni í 5-7 mínútur við 190°C.
Stappið avókadó og blandið saman við safa úr límónu, salti og pipar.
Skerið quesadillas í sneiðar og berið fram með majónesi, sriracha sósu og fersku kóríander eftir smekk.

Uppskrift fengin frá Gerum Daginn Girnilegan / Uppskrift eftir Hildi Rut.

BBQ borgarar

Wed, 29 Jun 2022 20:59:29 GMT

BBQ Borgarar

Það má hins vegar grilla hamborgara á ýmsa vegu og hér kemur ein undursamleg BBQ útfærsla fyrir ykkur sem er súpereinföld og bragðgóð!

Uppskrift

Hráefni

4 stk 170g hamborgari
4 stk hamborgarabrauð
Hamborgarakrydd
Heinz sweet BBQ sósa
8 stk sneiðar af osti
kál
buff tómatar
rauðlaukur
steiktur laukur
pikknikk kartöflusnakk
pepperonipylsur

Leiðbeiningar

Skerið niður tómata, lauk og kál, geymið.
Grillið hamborgarana á vel heitu grilli, kryddið og penslið með bbq sósu eftir smekk.
Setjið 2 ostsneiðar á hvern hamborgara rétt í lokin og hitið brauðin á grillinu.
Raðið saman því sem þið óskið á hamborgarann, setjið enn meiri bbq sósu yfir allt saman og berið fram með grilluðum pepperonipylsum, pikknikk og steiktum lauk. Einnig er gott að setja steikta laukinn á milli með grænmetinu.

Uppskrift fengin frá Gerum Daginn Girnilegan / Berglindi á gotteri.is

Fljótlegt sítrónupasta - Einfalt, fljótlegt og ofur gómsætt

Wed, 29 Jun 2022 20:54:10 GMT

Fljótlegt sítrónupasta

Einfalt, fljótlegt og ofur gómsætt sítrónupasta sem klikkar ekki

Uppskrift

Hráefni

300-400 g spaghetti frá De Cecco
Ólífuolía
3 skarlottulaukar
2 hvítlauksrif, pressuð
150 g kastaníusveppir
150 g venjulegir sveppir
100 g spínat
1 pkn Philadelphia rjómaostur
1 sítróna
1 dl steinselja, smátt söxuð
1 dl parmigiano reggiano, rifinn

Leiðbeiningar

Byrjið á því að sjóða spaghetti samkvæmt leiðbeiningum.
Á meðan útbúið þið sósuna. Skerið sveppi og skarlottulauk og rífið sítrónubörkinn.
Steikið skarlottulaukinn og hvítlaukinn upp úr ólífuolíu.
Bætið sveppunum við og steikið þar til þeir hafa aðeins mýkst.
Því næst bætið þið við spínati og blandið saman.
Hrærið rjómaostinum út í ásamt safa úr einni sítrónu, sítrónuberki, steinselju og parmigiano. Saltið og piprið eftir smekk.
Blandið spaghettinu saman við sósuna og berið fram með rifnum parmigiano og steinselju.

Uppskrift fengin frá Gerum Daginn Girnilegan / eftir Hildi Rut á trendnet.is

Fljótleg brakandi stökk vefja sem er tilvalin í útileguna.

Fri, 24 Jun 2022 08:40:32 GMT

Fljótleg brakandi stökk vefja sem er tilvalin í útileguna.

Eldunartími : 10 mínútur

1 bakki Ali brakandi lærkjöt

4-8 stykki tortilla kökur

Helmanns majónes

Tómatar

Gúrka

Salatblanda

Rauðlaukur

Byrjið á því að hita Ali Brakandi lærakjöt í 10 mín í ofn, grill eða Airfryer. Á meðan kjúklingurinn eldast getur þú undirbúið meðlætið.
Skerðu tómata, gúrku, rauðlauk og salat.
Blandaði saman majónes og pipar.
Hitið vefjukökurnar.
Raðið kjúklingnum og meðlætinu á vefjurnar eftir smekk.

Hamborgarhryggur með léttara meðlæti

Mon, 11 Apr 2022 13:55:28 GMT

Hamborgarhryggur með léttara meðlæti

- Gotterí & gersemar

Uppskrift fengin frá vinum okkar hjá Gotterí og gersemar, en hægt er að skoða þessa girnilegu uppskrift á vefsíðu þeirra og fjöldi annara sem við mælum svo sannarlega með.

Hamborgarhryggur er alltaf á boðstólnum á þessu heimili á Aðfangadag. Það má þó sannarlega gera oftar hamborgarhrygg og hér kemur hin fullkomna páskaútfærsla af slíkri máltíð fyrir ykkur.

Mig langaði að prófa að gera eitthvað léttara meðlæti en þó svipað og þetta klassíska því það er svo mikill sjarmi yfir svona hátíðlegum veitingum.

Þetta salat var geggjað!

Sósan einföld og undurljúffeng.

Forsoðnar kartöflur steiktar upp úr vel af smjöri og hvítlauk, namm!

Þetta passaði allt fullkomlega saman og þessi máltíð var dásamleg!

Hamborgarhryggur með léttara meðlæti

Fyrir 5-7 manns

Hamborgarhryggur og gljái uppskrift

Ali hamborgarhryggur um 2,5 kg
1 l vatn
160 g púðursykur
50 ml rauðvínsedik
50 ml rjómi
3 msk. appelsínusafi (úr appelsínu)
3 sneiðar af appelsínu

Byrjið á því að útbúa gljáann með því að sjóða saman púðursykur og edik. Leyfið að sjóða aðeins og bætið þá rjóma og appelsínusafa saman við. Hitið að suðu að nýju og lækkið síðan hitann og leyfið að malla við lágan hita þar til sykurinn er uppleystur.
Hellið 1 l af vatni í ofnskúffu neðst í ofninum og stillið hitann á 150°C.
Setjið hamborgarhrygginn á ofngrind, penslið 1 x með gljáanum. Stingið kjöthitamæli inn í hann miðjan og komið grindinni fyrir í ofninum fyrir ofan skúffuna með vatninu. Penslið 1-2 x á hrygginn á meðan hann er í ofninum á þessum tíma. Ef þið eigið ekki kjöthitamæli er gott að miða eldunartíma við 45 mín til klukkustund á hvert kíló.
Eldið hrygginn með þessum hætti þar til kjarnhiti sýnir um 55°C og hækkið þá hitann í 210°C, setjið appelsínusneiðarnar ofan á og penslið aftur með gljáa. Eldið þar til kjarnhiti sýnir 67°C og leyfið þá hryggnum að standa í að minnsta kosti 15 mínútur áður en hann er skorinn í sneiðar. Áður en hryggurinn er skorinn má setja eina lokaumferð af gljáa yfir appelsínurnar.
Geymið soðið sem eftir stendur í skúffunni og restina af gljáanum þar til það kemur að sósugerð.

Sósa uppskrift

½ laukur
50 g smjör
50 ml rauðvínsedik
500 ml kjötsoð (eða vatn + kraftur)
500 ml rjómi
100 ml af gljáa
Sósulitur
Salt og pipar
Maizena sósujafnari

Saxið laukinn smátt og steikið upp úr smjöri, kryddið með salti og pipar.
Hellið edikinu yfir laukinn þegar hann er búinn að mýkjast og leyfið því að sjóða niður.
Bætið þá sigtuðu soði frá hryggnum/vatni + krafti í pottinn ásamt rjóma og gljáa.
Smakkið til með salti, pipar og meiri krafti ef ykkur finnst þurfa og leyfið að malla.
Þykkið síðan með Maizenamjöli og litið með sósulit ef þið viljið brúna áferð.

Smjörsteiktar kartöflur

1 kg forsoðnar kartöflur (litlar)
70 g smjör
3 hvítlauksrif
1 msk. saxað timian
Salt og pipar

Bræðið smjörið á pönnunni og hellið kartöflum út á ásamt því að rífa hvítlaukinn yfir.
Veltið um á meðalháum hita þar til kartöflurnar eru heitar í gegn og kryddið eftir smekk.

Páskasalat

2 Pink lady epli (3 ef þau eru lítil)
1 mangó
50 g möndlur með hýði
30 g dökkt súkkulaði
100 g sýrður rjómi
150 ml þeyttur rjómi
1 msk. sykur
1 tsk. salt

Flysjið eplin og skerið smátt niður, setjið í skál.
Skerið mangó einnig smátt saman og bætið saman við eplin.
Skerið möndlur gróft niður og saxið súkkulaðið smátt, bætið saman við ávextina.
Hrærið sýrða rjómanum ásamt sykri og salti næst saman við.
Að lokum má vefja þeytta rjómanum saman við allt með sleikju.
Geymið í kæli fram að notkun.

Ali hamborgarhryggurinn klikkar ekki frekar en fyrri daginn. Hann er léttur og bragðgóður og alls ekki of saltur en svo er bara mikilvægt að elda hann ekki of lengi því þá verður hann þurr!

Andoxunar Boost

Tue, 18 Jan 2022 00:38:33 GMT

Andoxunar Boost

AstaLýsi inniheldur omega-3, D-vítamín, Lýsi og astaxanthin.

Uppskrift:

Hálfur banani (40gr)
Frosin bláber (50gr)
Frosin jarðaber (90gr)
Mjólk (1dl)
Skeið vanilluprótein
1msk Astalýsi

Aðferð:

Allt sett saman í blender, klakar og vatn eftir smekk.

Næring:

200 kcal
12 gr prótein
29 gr kolvetni
13 gr fita

Grænkálsbyggottó

Thu, 13 Jan 2022 10:41:06 GMT

Grænkálsbyggottó

- Móðir Jörð

INNIHALD

7,5 dl vatn 3 dl Perlubygg frá Móður Jörð 1 stór laukur 3 hvítlauksrif 3 grænkáls lauf 1-2 dl rjómi (eða jurtamjólk) 1 tsk salt 1,5 tsk broddkúmen Malaður svartur pipar Repjuolía til steikinga.

UPPSKRIFT

Saxið laukinn og hvítlaukinn. Fjarlægið stilkinn af grænkálinu og skerið kálið í strimla. Sjóðið byggið í vatni í 20 mínútur, sigtið og leggið til hliðar. Steikið laukinn og hvítlaukinn í olíunni þar til gullið, bætið þá grænkálinu saman við. Leyfið grænkálinu að mýkjast aðeins í olíunni. Bætið þá bygginu saman við og blandið vel. Bætið við kryddinu og vökvanum og látið hitna vel á pönnunni. Smakkið til með salti og pipar og berið fram.

Fleiri uppskriftir frá Móðir Jörð má finna inn á heimasíðu þeirra modirjord.is/uppskriftir/

Jólauppskrift - Muna jólamöndlur

Thu, 09 Dec 2021 17:26:56 GMT

Muna jólamöndlur

½ bollir vatn

1 bolli hrásykur frá Muna

2 bollar möndlur frá Muna

1 msk kanill frá Muna

Setjið sykurinn, vatnið og kanilinn saman á pönnu og stillið á miðlungs hita.
Þegar blandan nær suðu er möndlunum bætt við.
Hrærið vel í möndlunum og látið allan vökvann gufa upp.
Þá eru möndlurnar orðnar húðarar í kanilsírópi.
Gætið þess að hræra vel allan tímann eða í ca 15 mín.
Hellið möndlunum svo á bökunarpappír og leyfið þeim að kólna.

Jólauppskrift - Brakandi Muna marengstoppar

Thu, 09 Dec 2021 17:17:13 GMT

Brakandi Muna marengstoppar

Muna fjölskyldan er búin að vera bralla eitt og annað er við kemur jólunum síðstu daga og hafa þau deilt með okkur æðislegri uppskrift sem okkur langar að deila með viðskiptavinum okkar. Uppskriftin er klassísk, brakandi toppar með kornflexi og kókosmjöli frá Muna. Síðan er notaður hrásykur í staðin fyrir þann hvíta. Útkoman er algjörlega frábær ��

Uppskrift:

4 eggjahvítur

2 bollar hrásykur

4 bollar kornflex

2 bollar kókosmjöl

100 g súkkulaði að eigin vali

Byrjið á að þeyta saman eggjahvítur og bætið svo sykrinum smám saman við.

Því næst er súkkulaðibitum, kornflexi og kókosmjöli blandað varlega saman við með sleif.

Bakið í 150°C heitum ofni með blæstri í um 15 mín.

HEILSUDAGAR HAUST 2021

Mon, 20 Sep 2021 12:46:03 GMT

Replacing your roof has many benefits, including reduced heating costs and increased home value. Learn about the benefits of roof replacement.

Speak to your audience
You know your audience better than anyone else, so keep them in mind as you write your blog posts. Write about things they care about. If you have a company Facebook page, look here to find topics to write about
Take a few moments to plan your post
Once you have a great idea for a post, write the first draft. Some people like to start with the title and then work on the paragraphs. Other people like to start with subtitles and go from there. Choose the method that works for you.
Don’t forget to add images
Be sure to include a few high-quality images in your blog. Images break up the text and make it more readable. They can also convey emotions or ideas that are hard to put into words.
Edit carefully before posting
Once you’re happy with the text, put it aside for a day or two, and then re-read it. You’ll probably find a few things you want to add, and a couple more that you want to remove. Have a friend or colleague look it over to make sure there are no mistakes. When your post is error-free, set it up in your blog and publish.

Fréttir & fróðleikur

Spagettí með burrata

Spagettí með burrata

Hráefni

Aðferð

Hægeldaðir lambaskankar í rauðvínssósu

Hægedaðir lambaskankar í rauðvínssósu

Hráefni ﻿

Aðferð

Lambalæri með sinnepsrjómasósu og kartöflugratíni

Lambalæri með sinnepsrjómasósu og kartöflugratíni

Hráefni f. lambalærið

Aðferð

Hráefni f. kartöflugratín

Aðferð

Hráefni fyrir sinnepsrjómasósu

Aðferð

Páskasúkkulaðimús

Páskasúkkulaðimús

Hráefni

Aðferð

Bolla ársins

Bolla ársins

Bolla Ársins

Fylling

Bollakökur með lakkrískeim

Bollakökur með lakkrískeim ﻿

Bollakökur uppskrift

Súkkulaði smjörkrem uppskrift

Fylltir vatnsdeigshringir (chouxnuts)

Fylltir vatnsdeigshringir (chouxnuts)

Hráefni

Lakkrísbollur Vatnsdeigsbollur

Lakkrísbollur Vatnsdeigsbollur

Vatnsdeigsbollur

Lakkrísfylling

Glassúr og skraut

„Royalistinn“

„Royalistinn“

Súkkulaði- og lakkrís búðingur

Lakkríssósa

Toppur

Veislumús með lakkrískeim

Veislumús með lakkrískeim

Hráefni

Leiðbeiningar

Bananabrauð með döðlum

Bananabrauð með döðlum

Hráefni

Leiðbeiningar

Bláberjapönnukökur

Bláberjapönnukökur

Hráefni

Leiðbeiningar

Spínatboost

Spínat-boost

Hráefni

Leiðbeiningar

Berjaskyrterta með stökkum granólabotni

Berjaskyrterta með stökkum granólabotni

Hráefni

Leiðbeiningar

Bakaður ostakubbur með eggjum

Bakaður ostakubbur með eggjum

Hráefni

Leiðbeiningar

Eðal hrákaka

Eðal hrákaka

Hráefni

Leiðbeiningar

Kókosstangir með berjum og dökku súkkulaði

Kókosstangir með berjum og dökku súkkulaði ﻿

Hráefni

Leiðbeiningar

Púrrulauks ídýfa

Púrrulauks ídýfa

Hráefni

Leiðbeiningar

Jólaostabakki

Jólaostabakki

Hráefni

Bollakökur með lakkrískeim

Kókosstangir með berjum og dökku súkkulaði